हिमालयन बुलियनले १२ करोड ५० लाख रुपैयाँको आईपीओ निष्कासन गर्ने

ललितपुर । चाँदीको कारोबार गर्दै आएको हिमालयन बुलियन कम्पनी लिमिटेडले सर्वसाधारणका लागि प्रारम्भिक सार्वजनिक निष्कासन (आईपीओ) जारी गर्ने भएको छ। कम्पनीले आईपीओ निष्कासन प्रक्रिया औपचारिक रूपमा अगाडि बढाइसकेको जनाएको छ । कम्पनीले प्रतिसेयर १०० रुपैयाँ अंकित मूल्यमा कुल १२ करोड ५० लाख रुपैयाँ बराबरको १२ लाख ५० हजार कित्ता साधारण सेयर निष्कासन गर्न लागेको हो।

आईपीओ निष्कासन तथा बिक्री प्रबन्धकको रूपमा कम्पनीले ज्योति क्यापिटल लिमिटेडलाई नियुक्त गरेको छ । यस सम्बन्धी सम्झौतामा हिमालयन बुलियन कम्पनीका अध्यक्षभीष्म प्रसाद गौतमर ज्योति क्यापिटलका प्रमुख कार्यकारी अधिकृत विकास ढकालले हस्ताक्षर गरेका छन् । कम्पनीका अनुसार निष्कासन गरिने सेयर सर्वसाधारण (वैदेशिक रोजगारीमा रहेका नेपालीहरू समेत), सामूहिक लगानी कोष तथा कर्मचारीहरूका लागि छुट्याइने छ।

सम्झौताअनुसार ज्योति क्यापिटलले हिमालयन बुलियनको आईपीओ निष्कासनसँग सम्बन्धित सम्पूर्ण व्यवस्थापन, नियामक निकायहरूसँगको समन्वय, आवश्यक पत्राचार तथा अन्य प्राविधिक कार्यहरू सम्हाल्ने छ । कम्पनी ऐन, २०६३ तथा धितोपत्र सम्बन्धी ऐन, २०६३ बमोजिम आवश्यक प्रक्रिया पूरा गरी निकट भविष्यमा नै आईपीओ निष्कासन गर्ने कम्पनीले जनाएको छ । हिमालयन बुलियन कम्पनीको रजिष्टर्ड कार्यालय काठमाडौँ महानगरपालिका–१ मा रहेको छ ।

थप समाचारहरु

एक घण्टामा ४ अर्बभन्दा बढीको शेयर कारोबार बन्दीपुर केबलकारको पहिलो चरणको आइपीओ बिक्रि आज बाट खुला शेयर बजारमा उच्च अंकको गिरावट नेप्से परिसूचकमा दोहोरो अङ्कको सुधार प्रि ओपन सेसन अपडेटः नेप्से परिसूचक ६ अंकले बढ्यो नेप्से परिसूचक २७ अङ्कले घट्यो नेप्से परिसूचक बढ्यो प्रि ओपन सेसन अपडेट : नेप्से परिसूचक १५.२८ अंकले बढ्यो सागर डिष्टिलरी दोस्रो चरणको आईपीओ निष्काशन गर्दै बुङ्गल हाइड्रोपावरको आईपीओ बाँडफाँट, कतिको भयो हात खाली ? प्रि ओपन सेसन अपडेटः नेप्से परिसूचक साढे ३ अंक बढ्यो सामान्य अङ्कले बढ्यो नेप्से परिसूचक सिद्धार्थ केवलकार लिमिटेडले आईपीओ निष्कासनका लागि पुस २७ गते साधारण सभा बोलायो नेप्सेमा १२ अंकको गिरावट प्रि ओपन सेसन अपडेटः नेप्से परिसूचक सामान्य अंक बढ्यो नोबेल कलेज अफ हेल्थ एण्ड एजुकेशन फाउण्डेशनले आईपीओ निष्कासन गर्ने, विक्री प्रबन्धकमा नबिल इन्भेष्टमेन्ट बैंक नेप्से परिसूचकमा दोहोरो अङ्कको गिरावट सालपा विकास बैंकको आईपीओ बाँडफाँट, २१ लाख भन्दा बढीको हात खाली