बिजनेस पाटी
ललितपुर - ललितपुर – आगामी फागुन २१ मा हुने प्रतिनिधिसभा निर्वाचनका लागि जिल्लाका मतदानस्थललाई सुरक्षा दृष्टिले तीन भागमा विभाजन गरिएको छ। जिल्ला सुरक्षा समितिले २३ स्थल अति संवेदनशील, ९३ स्थल संवेदनशील र ४७ स्थल सामान्य तोकेको छ ।
प्रमुख जिल्ला अधिकारी गणेश अर्यालका अनुसार, “निर्वाचनका सबै मतदान केन्द्र महत्वपूर्ण छन्। वर्गीकरण अनुसार फरक सुरक्षा व्यवस्था लागू गरिएको छ।” निर्वाचन तयारीको क्रममा प्रमुख जिल्ला अधिकारीसहितको टोलीले मतदानस्थल निरीक्षण पनि गरेको थियो ।
जिल्लामा तीन निर्वाचन क्षेत्र छन्, जहाँ कुल ४ लाख ४२ हजार ८२ मतदाता छन् । यसमा २ लाख १७ हजार ३१४ पुरुष, २ लाख २४ हजार ७६६ महिला र २ जना तेस्रो लिङ्गी रहेका छन्। मतदान १६२ स्थल र ४९४ केन्द्रबाट हुनेछ ।
क्षेत्र नं १ मा १ लाख ४९ हजार ६२१ मतदाता, क्षेत्र नं २ मा १ लाख ३७ हजार १५२ मतदाता र क्षेत्र नं ३ मा १ लाख ५५ हजार ३०९ मतदाता रहेका छन्। प्रत्येक क्षेत्रमा पुरुष, महिला र तेस्रो लिङ्गी मतदाता विवरण अनुसार मतदान केन्द्र र स्थल निर्धारण गरिएको छ ।
निर्वाचन कार्यालयका प्रमुख भिमशेन कार्कीका अनुसार, यस वर्ष ३३ हजार ७४० नयाँ मतदाता थपिएका छन् र ३४ नयाँ मतदान केन्द्र स्थापना गरिएको छ ।