सिबिफिनको नेतृत्वमा नयाँ टिम, अध्यक्षमा प्रचण्ड चयन

ललितपुर– बैंक तथा वित्तीय संस्था परिसंघ, नेपाल (सिबिफिन)को अध्यक्षमा हिमालयन बैंकका अध्यक्ष प्रचण्ड बहादुर श्रेष्ठ सर्वसम्मत रूपमा चयन हुनुभएको छ । निवर्तमान अध्यक्ष उपेन्द्र पौडेल नबिल बैंकको सञ्चालक समितिबाट अलग भएसँगै सिबिफिनको अध्यक्ष पद रिक्त बनेको थियो ।

सिबिफिनको विधानअनुसार, पदाधिकारीले प्रतिनिधित्व गर्ने बैंक वा वित्तीय संस्थाको सञ्चालक समितिबाट बाहिरिएसँगै परिसंघको पद स्वतः समाप्त हुने व्यवस्था छ । सोही व्यवस्थाअनुसार अध्यक्ष पद रिक्त भएपछि कार्यसमितिले नयाँ अध्यक्ष चयन प्रक्रिया अघि बढाएको हो ।
परिसंघका कार्यवाहक अध्यक्ष राजेश उपाध्यायको अध्यक्षतामा माघ ६ गते सम्पन्न कार्यसमितिको १५औँ बैठकले बाँकी कार्यकालका लागि श्रेष्ठलाई अध्यक्षमा मनोनीत गरेको हो ।

दुई दशकभन्दा बढी समयदेखि नेपाली बैंकिङ तथा वित्तीय क्षेत्रमा सक्रिय श्रेष्ठ यसअघि सिबिफिनको महासचिवको जिम्मेवारी सम्हाल्दै आउनुभएको थियो । अध्यक्षको पदभार ग्रहण गर्दै श्रेष्ठले सिबिफिनप्रति देखाइएको विश्वास र जिम्मेवारीका लागि कार्यसमितिप्रति आभार व्यक्त गर्नुभयो । उहाँले संस्थापक अध्यक्ष पवन कुमार गोल्यान र निवर्तमान अध्यक्ष उपेन्द्र पौडेलले निर्माण गर्नुभएको सिबिफिनको विरासतलाई निरन्तरता दिँदै बैंकिङ क्षेत्रको दिगो विकासका लागि परिसंघलाई अझ सशक्त बनाउने प्रतिबद्धता जनाउनुभयो ।

बैंकिङ क्षेत्र चुनौतीपूर्ण बन्दै गएको उल्लेख गर्दै अध्यक्ष श्रेष्ठले वित्तीय स्थायित्व, जनविश्वास अभिवृद्धि र दिगो आर्थिक विकासलाई प्राथमिकतामा राखेर सरकार, अर्थ मन्त्रालय, नेपाल राष्ट्र बैंक तथा निजी क्षेत्रसँग सहकार्य गर्दै अघि बढ्ने बताउनुभयो ।

यसैबीच, अध्यक्ष श्रेष्ठकै अध्यक्षतामा बसेको कार्यसमितिको १६औँ बैठकले महासचिवमा एनएमबि बैंकका अध्यक्ष मनोज कुमार गोयल र कोषाध्यक्षमा लक्ष्मी सनराइज बैंकका अध्यक्ष रमण नेपाललाई सर्वसम्मत रूपमा मनोनीत गरेको छ । महासचिव श्रेष्ठ अध्यक्षमा चयन भएपछि महासचिव पद रिक्त भएको थियो भने कोषाध्यक्ष पद पनि यसअघि रिक्त अवस्थामा थियो ।

नवनियुक्त महासचिव गोयल अनुभवी बैंकरका रूपमा परिचित हुनुहुन्छ । उहाँले नबिल बैंक, तत्कालीन बैंक अफ काठमाण्डू, क्लिन इनर्जी डेभलपमेन्ट बैंक तथा नेपाल मर्चेन्ट बैंकिङ एन्ड फाइनान्स कम्पनीमा उच्च व्यवस्थापकीय जिम्मेवारी निर्वाह गरिसक्नुभएको छ ।

थप समाचारहरु

यस्तो छ आजका लागि विदेशी मुद्राको विनिमयदर यस्तो छ आजको विदेशी मुद्राको विनिमयदर यस्तो छ आजको विदेशी मुद्राको विनिमय दर बैंकिङ प्रणालीमा निरन्तर तरलता, राष्ट्र बैंकले आज ३० अर्ब तान्दै सहकारीलाई वाणिज्य बैंक सरह सुपरीवेक्षण गरिने नयाँ वर्ष २०८२ को अवसरमा गरिमा विकास बैंकका ग्राहकहरुलाई दराजबाट सामान खरिद गर्दा १५% छुट यस्तो छ आजका लागि विदेशी मुद्राको विनिमयदर आजका लागि निर्धारित विदेशी मुद्राको विनिमय दर आजका लागि निर्धारित विदेशी मुद्राको विनिमयदर यस्तो छ यस्तो छ आज लागि निर्धारित विदेशी मुद्राको विनिमय दर आजका लागि निर्धारित विदेशी मुद्राको दर आजका लागि निर्धारित विदेशी मुद्राको विनिमयदर वि.सं. २०८१ लेखिएको ५ रुपैयाँका नयाँ नोट आजबाट चलनचल्तीमा आउँदै प्रभु बैंक लिमिटेड तथा कृषिबजार व्यवस्थापन समितिबीच व्यवसायिक साझेदारी सम्झौता सम्पन्न आइतबारका लागि निर्धारित विदेशी मुद्राको विनिमयदर नेपाल बैंकका सञ्चालक सम्पर्कविहीन, अख्तियारमा हाजिर हुन सात दिने म्याद आजको लागि विदेशी मुद्राको विनिमयदर नयाँ बैंक नोट प्रकाशनको लागि चित्र र आकार स्वीकृत: साउन १६ लाई राष्ट्रिय कोदो दिवसका रूपमा मनाइने