झापामा कुष्ठरोगको चुनौती बढ्दो, छ महिनामै ५५ नयाँ बिरामी फेला

झापा झापा जिल्लामा कुष्ठरोगका नयाँ बिरामी फेला पर्ने क्रम बढ्दै गएको छ। पछिल्लो छ महिनाको अवधिमा एक बालबालिकासहित ५५ जना नयाँ कुष्ठरोगी पहिचान भएका छन्। चालु आर्थिक वर्ष २०८२/८३ को पुस मसान्तसम्मको तथ्याङ्कले जिल्लामा कुष्ठरोग नियन्त्रण चुनौतीपूर्ण बन्दै गएको देखाएको छ।

स्वास्थ्य कार्यालय झापाका कुष्ठरोग फोकल पर्सन वीरेन्द्र दासका अनुसार जिल्लाका १५ स्थानीय तहहरूमध्ये दमक नगरपालिका र कचनकवल गाउँपालिकामा सबैभन्दा बढी १२/१२ जना नयाँ कुष्ठरोगी फेला परेका छन्।

त्यसैगरी, मेचीनगर नगरपालिकामा तीन, बुद्धशान्ति गाउँपालिकामा दुई, शिवसताक्षी नगरपालिकामा पाँच, गौरादह नगरपालिका र गौरीगञ्ज गाउँपालिकामा दुई/दुई, बाह्रदशी गाउँपालिका र बिर्तामोड नगरपालिकामा पाँच/पाँच तथा भद्रपुर नगरपालिकामा चार जना नयाँ कुष्ठरोगी भेटिएका छन्।

चालु आर्थिक वर्षमा पहिचान भएका मध्ये ५३ जनाले उपचारसमेत पाइसकेको फोकल पर्सन दासले जानकारी दिनुभयो।
पछिल्ला पाँच वर्षको तथ्याङ्कले झापामा कुष्ठरोगीको संख्या क्रमशः बढ्दै गएको देखाउँछ। आर्थिक वर्ष २०७७/७८ मा ९५ जना नयाँ कुष्ठरोगी फेला परेका थिए भने २०७८/७९ मा १२१, २०७९/८० मा १५७, २०८०/८१ मा १२१ र सोही वर्षमा पुनः १४७ जना नयाँ कुष्ठरोगी थपिएका थिए।

यस अवधिमा जिल्लाको कुष्ठरोग सङ्क्रमण दर २०७७/७८ मा १.०२ प्रतिशतबाट २०८०/८१ मा १.४७ प्रतिशतमा पुगेको तथ्याङ्कले देखाएको छ। विश्वभर प्रत्येक वर्ष करिब दुई लाख र नेपालमा करिब दुई हजार पाँच सय नयाँ कुष्ठरोगी फेला पर्ने गरेको दासले बताउनुभयो। उहाँका अनुसार कुष्ठरोग चिह्न र लक्षणका आधारमा कम सर्ने र बढी सर्ने गरी दुई प्रकारका हुन्छन्।

“बहु–औषधि उपचार पद्धतिबाट छदेखि १२ महिनासम्म नियमित औषधि सेवन गरेमा कुष्ठरोग पूर्ण रूपमा निको हुन्छ,” उहाँले भन्नुभयो, “समयमै उपचार भएमा अपाङ्गता पनि हुँदैन।” तर, सामाजिक लाञ्छना र अवहेलनाको डरका कारण अझै पनि गाउँघरमा धेरै कुष्ठरोगी लुकेर बस्ने अवस्था रहेकाले सूक्ष्म खोजपड्ताल र जनचेतना अभियान आवश्यक रहेको स्वास्थ्य कार्यालयको निष्कर्ष छ।

थप समाचारहरु

ओम मेगाश्रीको आईपीओ बाँडफाँट आज विश्व अटिजम जागरुकता दिवस, विभिन्न कार्यक्रमका साथ मनाइँदै मोवाइल फुड ल्याव भ्यान संचालन गरी काठमाडौंको परोपकार प्रसुतीमा संचालित चमेनागृहको निरीक्षण अनुगमन क्यान्सरपीडितको उपचारमा मर्क्यूर काठमाडौँको सहयोग घटेन वायु प्रदुषण, घरबाहिर ननिस्कन विज्ञको सुझाव आज अन्तर्राष्ट्रिय योग दिवस मनाइँदै तीन सय ७७ अस्पतालबाट प्रथम सेवाको उपचार पाइने कोहलपुरका स्वास्थ्यकर्मीलाई स्वास्थ्य सुरक्षा सामाग्री हस्तान्तरण ग्लोबल आइएमई बैंकका ग्राहकलाई अन्नपूर्ण न्यूरो अस्पतालमा १० प्रतिशत छुट नेपाल मेडिकल कलेजमा विश्व स्तनपान सप्ताह सुरु केन्द्रीय सुरक्षा समिति बैठकः वीरगञ्जमा चिकित्सक टोली परिचालन गर्ने निर्णय खुमा अर्यालले दाङमा बनाइरहेको अस्पताल कात्तिकबाट सञ्चालनमा आउने : लागत साढे २ अर्बबाट बढ्यो स्वास्थ्य तथा जनसंख्यामन्त्री पौडेल राजीनामा दिँदै आज विश्व बिरामी सुरक्षा दिवस थानकोटमा करिव एक अर्बमा प्रसूति तथा स्त्रीरोग विशेषज्ञ अस्पताल निर्माण गर्न ‘ग्लोबल टेण्डर’ प्रक्रिया अगाडि बढ्यो डब्लुएचओद्वारा निर्मित ‘प्रिफ्याब’ भवन स्वास्थ्य मन्त्रालयलाई हस्तान्तरण काठमाडौंमा १२औँ अन्तरराष्ट्रिय फिजियोथेरापी सम्मेलन सम्पन्न स्वास्थ्य बिमा सुधारका लागि सरकार प्रयासरत छः स्वास्थ्यमन्त्री