काठमाडौंमा सातौं नेपाल कल्चरल इन्टरनेशनल फिल्म फेस्टिभल सुरु

ललितपुर – नेपाल संस्कृति तथा चलचित्र केन्द्रको आयोजनामा ‘सातौँ नेपाल कल्चरल इन्टरनेशनल फिल्म फेस्टिभल’ औपचारिक रूपमा सुरु भएको छ । माघ १६ गते चाबहिलस्थित चलचित्र विकास बोर्डमा आयोजित उद्घाटन समारोहमा राष्ट्रिय तथा अन्तर्राष्ट्रिय स्तरका निर्णायक, विभिन्न देशबाट आएका प्रतिनिधि र चलचित्रकर्मीहरूको उल्लेखनीय सहभागिता देखिएको थियो ।

उद्घाटन समारोहका प्रमुख अतिथि चलचित्र विकास बोर्ड नेपालका अध्यक्ष दिनेश डी.सी. रहनुभएको थियो । राष्ट्रिय निर्णायक मण्डलतर्फ अभिनेत्री तथा निर्देशक दीपाश्री निरौला, चलचित्र लेखक तथा निर्देशक रमेश बुढाथोकी र निर्माता तथा छायाँकार रविन आचार्य सहभागी थिए । त्यस्तै अन्तर्राष्ट्रिय निर्णायक मण्डलमा बेलायतकी निर्माता एड्रिना जुली कुलिग र अर्जेन्टिनाका निर्देशक तथा चिकित्सक डा. जर्ज गुइलेर्मो क्याराभोत्ता रहेका छन् ।

समारोहमा फ्रान्स, भारत, बंगलादेश, लिथुआनिया, जर्मनी, अमेरिका, अस्ट्रेलिया र इजरायललगायत विभिन्न देशबाट आएका ८ अन्तर्राष्ट्रिय प्रतिनिधिको उपस्थिति थियो । उनीहरूलाई नेपाली पहिचान झल्कने ढाका टोपी र खादा ओढाएर सम्मानपूर्वक स्वागत गरिएको थियो । उद्घाटन कार्यक्रममा सांस्कृतिक नृत्य तथा कला प्रस्तुति प्रस्तुत गरिएको थियो भने छनोटमा परेका चलचित्रहरूको विशेष स्क्रिनिङले कार्यक्रमलाई थप आकर्षक बनाएको थियो ।

माघ १८ गतेसम्म सञ्चालन हुने यस अन्तर्राष्ट्रिय महोत्सव चाबहिलस्थित चलचित्र विकास बोर्ड, भृकुटीमण्डपस्थित नेपाल पर्यटन बोर्ड तथा नेपाल पुलिस क्लबमा आयोजना हुँदैछ । महोत्सवमा ३९ देशका ८५ चलचित्र प्रदर्शन भइरहेका छन् । लघुचलचित्र, कथानक चलचित्र, वृत्तचित्र, एनिमेटेड चलचित्रका साथै महिला, बालबालिका, मानव अधिकार र सांस्कृतिक विषयवस्तुमा आधारित चलचित्रहरू समावेश गरिएका छन् ।

महोत्सवका निर्देशक तथा अध्यक्ष सन्तोष सुवेदीका अनुसार तीन मिनेटदेखि साढे दुई घण्टासम्म अवधिका चलचित्रहरू छनोटमा परेका छन् । महोत्सवको समापन समारोह नेपाल पुलिस क्लबमा आयोजना गरिनेछ, जहाँ उत्कृष्ट चलचित्र, निर्देशक, अभिनेता, अभिनेत्री, छायाँकारलगायत विभिन्न विधामा उत्कृष्ट ठहरिएका चलचित्र तथा स्रष्टाहरूलाई अवार्ड र विशेष सम्मान प्रदान गरिनेछ ।

थप समाचारहरु

थारू गाउँमा माघीको उल्लास फूडमाण्डुको भ्यालेन्टाइन डे कन्टेस्ट स्वस्तिमा खड्का शाओमीको ब्रान्ड एम्बासडरमा नियुक्त चन्डी प्रसाद काफ्लेको संगीत,केकी र राजन अभिनित ‘मिर्मिरे भो’ सार्वजनिक रेखाको बहुप्रतिष्ठित चलचित्र उपहारभित्र आशा बहुआयामिक व्यक्तित्वका धनी साहित्यकार स्व.आनन्दसिद्धि तुलाधर साहित्य शिरोमणि तथा कविकेशरी चित्तधर हृदय –एक छोटो परिचय चलचित्र साहित्य र नेपाली सन्दर्भ विषयमा अन्तर्किया कार्यक्रम सम्पन्न पशुपतिनाथमा भक्तजनको बिहानैदेखि घुइँचो बबिना भट्टराईको स्वर तथा संगीतमा ‘तिम्रै झझल्को’ सार्वजनिक दोस्रो विश्वदर्शन योग प्रतियोगिता सम्पन्न वरिष्ठ सर्जक खड्ग गर्बुजालाई दीर्घसाधना सम्मान शिशिर घिमिरे स्मृति प्रतिभा सम्मान–२०८१ प्रा. डा. सुमन कर्माचार्यलाई एउटै गीतमा देखिए एलिना र मिस पवी चीनको स्मलरीग अवार्डको नोमिनेशनमा नेपालको सर्टफिल्म ‘पाउलो’ ‘द स्कुल वाल’ ले भारतको चलचित्र महोत्सवमा ३ विधामा जित्यो अवार्ड चलचित्र ‘ऊनको स्वीटर’ प्रदर्शन हुँदै कलाकार स्वतन्त्र संसार महर्जनको निधन