कजाकिस्तानमा ग्यास विस्फोट, सात जनाको मृत्यु

ललितपुर - ललितपुर – कजाकिस्तानको स्चुचिन्सकस्थित क्याफेमा ग्यास विस्फोट हुँदा सात जनाको मृत्यु र १९ जना घाइते भएका छन् ।

अकमोला क्षेत्रको बुराबे जिल्लामा रहेको आवासीय भवनसँग जोडिएको क्याफेमा ग्यास–हावाको मिश्रणबाट आगो लागेपछि विस्फोट भएको अनुमान गरिएको छ ।

आगो नियन्त्रणमा आइसकेको छ । प्रारम्भिक विवरणअनुसार पाँच जनाको घटनास्थलमै र दुई जनाको उपचारका क्रममा मृत्यु भएको हो ।

घाइतेमध्ये १३ जनालाई अस्पतालमा भर्ना गरिएको छ, जसमा धेरैजसो गम्भीर रूपमा जलेका छन् ।

विस्फोटको कारण पत्ता लगाउन अनुसन्धान सुरु गरिएको अधिकारीहरूले बताएका छन् ।