केन्द्रीय समिति बैठकमा सभापति थापा अनुपस्थित, कुर्सी खाली

ललितपुर - नेपाली कांग्रेस केन्द्रीय कार्यसमिति बैठक पार्टी केन्द्रीय कार्यालय सानेपामा सुरु भएको छ । बैठकमा गत फागुन २१ गते भएको प्रतिनिधिसभा बैठकमा पार्टीले अप्रत्याशित हार व्यहोरेको भन्दै सभापति पदबाट राजीनामा दिएका सभापति गगन थापा उपस्थित छैनन् ।

बैठकको अध्यक्षता उपसभापति विश्वप्रकाश शर्माले गरिरहेका छन् । तर, बैठकमा सभापति थापाको कुर्सी खाली राखिएको छ । पार्टी केन्द्रीय कार्यालयका कार्यवाहक मुख्यसचिव कृष्णप्रसाद दुलालले सभापति थापा बैठकमा नआउने जानकारी दिए

सहमहामन्त्री उदय शमशेर राणाका अनुसार बैठकमा प्रतिनिधिसभा निर्वाचनको समीक्षा गरिनेछ भने सभापति थापाले दिएको राजीनामाबारे पनि छलफल हुनेछ ।