ओली पक्राउविरुद्ध एमालेको माइतीघर–बबरमहल प्रदर्शन जारी

नेकपा एमालेले आज पनि सरकारविरुद्ध प्रदर्शन जारी राखेको छ। पार्टी अध्यक्ष केपी शर्मा ओलीलाई राजनीतिक प्रतिशोधका आधारमा गैरकानुनी रुपमा पक्राउ गरिएको भन्दै एमालेले विरोध प्रदर्शनलाई निरन्तरता दिएको हो।

एमालेका नेता र कार्यकर्ताहरू काठमाडौंको माइतीघरमा जम्मा भएर बबरमहलतर्फ प्रदर्शन गरिरहेका छन्। यसअघि पार्टी सचिव महेश बस्नेतले माइतीघरमा हुने प्रदर्शनमा सहभागी हुन नेता र कार्यकर्तालाई अपिल गरेका थिए।

बस्नेतले वर्तमान सरकार निरंकुश शैलीमा अघि बढिरहेको आरोप लगाउँदै विरोध प्रदर्शनलाई औचित्यपूर्ण ठहर गरेका छन्। एमालेले अध्यक्ष ओली पक्राउ परेको दिन शनिबारदेखि नै नियमित रुपमा प्रदर्शन गर्दै आएको छ।

अध्यक्ष ओलीलाई भदौ २३ र २४ गतेको जेनजी आन्दोलनको क्रममा भएका घटनामा प्रधानमन्त्रीको हैसियतमा जिम्मेवार ठहर गर्दै जाँचबुझ आयोगले अनुसन्धान अघि बढाउन सिफारिस गरेको थियो। उक्त सिफारिसको आधारमा गत शनिबार प्रहरीले उनलाई पक्राउ गरेको थियो।

थप समाचारहरु

राष्ट्रपतिसमक्ष सर्वोच्च अदालतको वार्षिक प्रतिवेदन पेस प्रधानमन्त्रीद्वारा तीनवटा महत्त्वपूर्ण दस्तावेज सार्वजनिक गर्ने निर्णय नवनिर्वाचित प्रतिनिधिसभा सदस्यको शपथ आज कांग्रेसको १५औँ महाविधेशनको कार्यतालिका सार्वजनिक सुशासन र पुनर्संरचना सरकारको एजेन्डा : डा. वाग्ले ‘नयाँ सरकार निर्माणबाट मुलुकमा आर्थिक चलायमान हुने’ सिंहदरबारमा आज चहलपहल गृहमन्त्रीको १९१ दिन : सफलतापूर्वक निर्वाचन, सुशासन र नीतिगत सुधार १४ नवनियुक्त मन्त्रीहरुले लिए सपथ सामान्य प्रशासन, भूमि व्यवस्थामन्त्रीमा प्रतिभा रावल नवनियुक्त प्रधानमन्त्री शाहको पुर्ख्यौली गाउँमा उत्सव बालेनलाई बधाई दिँदै मोदी भने : मिलेर काम गर्न उत्साहित पूर्व गृहमन्त्री रमेश लेखक पक्राउ एमाले अध्यक्ष ओली पक्राउ पूर्वमन्त्री दीपक खड्का पक्राउ शैक्षिक संस्थामा राजनीति अन्त्य गर्ने सरकारको निर्णय ओलीको स्वास्थ्यमा जटिलता, टिचिङ अस्पतालमा उपचारत कार्यविवरणको कार्यसम्पादन सूचक ४५ दिनभित्र तयार गरिने