पुँजीगत खर्चको गुणात्मक र परिमाणात्मक वृद्धि गर्न निर्देशन

काठमाडौँ महानगरपालिकाको कार्यवाहक प्रमुख सुनिता डङ्गोलले पुँजीगत खर्चको मितव्ययी, गुणात्मक र परिमाणात्मक वृद्धि गर्न निर्देशन दिनुभएको छ । बजेट तथा कार्यक्रम कार्यान्वयन समीक्षा बैठकमा उहाँले उक्त निर्देशन दिनुभएको हो ।

डङ्गोलले स्वीकृत कार्यक्रम कार्यान्वयनबाट मानिसलाई कति लाभ दियो भन्ने विषय पनि उत्तिकै महत्त्वपूर्ण रहेको विभागीय प्रमुखसँग भन्नुभयो । ‘कार्यान्वयन भएका कार्यक्रमको अध्ययन विश्लेषण गरेर नतिजा मापन गर्नुहोला’, उहाँले भन्नुभयो, ‘लिखित आन्तरिक समन्वय प्रणाली कार्यान्वयनमा ल्याउनुहोला । यसले जवाफदेहितामा वृद्धि हुनेछ ।’

प्रशासन विभागका प्रमुख महेश काफ्लेले प्रशासनिक खर्च घटाउने दिशामा विभाग केन्द्रित रहेको बताउनुभयो । योजना अनुगमन तथा मूल्याङ्कन एकाइका प्रमुख सुमित्रा लामिछाने सुवेदीले कार्यक्रमको मात्र नभई नीतिको पनि समीक्षा गर्नु अवस्था रहेको औँल्याउनुभयो ।

कामपाको बजेटको मुख्य भार भएको विभाग सार्वजनिक निर्माण विभाग हो । यस विभागअन्तर्गत रु पाँच अर्ब रु ७७ करोड अर्थात् कामपाको कुल बजेटको २३ प्रतिशत बजेटका १९१ वटा योजना छन् । यीमध्ये अहिलेसम्ममा ४८ वटा योजना सम्पन्न भइसकेका छन् । यी योजनाका लागि रु एक अर्ब ५५ करोड भुक्तानी भइसकेको विभागका प्रमुख सुरेश राईले जानकारी दिनुभयो ।

यो २६.८ प्रतिशत वित्तीय प्रगति हो । उहाँका अनुसार धुलोरहित कार्यक्रमअन्तर्गत पूर्व क्षेत्रमा ७६ प्रतिशत, उत्तर क्षेत्रमा ६८ प्रतिशत, मध्यक्षेत्रमा ६७ प्रतिशत र पश्चिम क्षेत्रमा ३० प्रतिशत वित्तीय प्रगति भएको छ ।

उज्यालो काठमाडौँअन्तर्गत ६२ स्थानमा हाइमास्ट लाइट जडान गरिसकिएको छ । यसको भौतिक प्रगति ९५ प्रतिशत भएको छ । वित्तीय प्रगति ५० प्रतिशत छ । आकस्मिक मर्मत कार्य करिब ७० प्रतिशत भौतिक प्रगति भएको छ ।

शिक्षा विभागले कार्यान्वयन गर्नुपर्ने ११९ वटा कार्यक्रम छन् । विभागका प्रमुख नमराज ढकालले ८९ वटा नयाँ कार्यक्रम रहेको बताउनुभयो । यसमध्ये १६ वटा सङ्घीय सरकारका सशर्त अनुदानमा सञ्चालित छन् ।

स्वास्थ्य विभागले रु नौ करोड ५४ लाख सङ्घ सरकारको बजेटबाट ३० वटा, रु दुई करोड १९ लाख प्रदेश सरकारको बजेटबाट तीन वटा र रु ८६ करोड २६ लाख ४२ हजार कामपाको आन्तरिक बजेटबाट १५४ वटा गरी १८७ वटा कार्यक्रम कार्यान्वयन गरिरहेको जनाएको छ ।

थप समाचारहरु

अधिकांश विदेशी मुद्राको भाउ घट्यो चैत्र शुक्ल नवमी : विधिपूर्वक मनाइँदै रामनवमी पर्व इरानी विद्यालय विस्फोटमा दोषीलाई कारबाहीको माग आजको राशिफल : १४ चैत्र २०८२ शनिवार आन्तरिक पर्यटनमा आशा जगाउँदै सकियो ‘जाउँ है पोखरा’ त्रिवि अस्पतालमा एमाले अध्यक्ष ओलीको स्वास्थ्य परीक्षण हुँदै काठमाडौंमा एमालेको विरोध प्रदर्शन आज पनि जारी अमेरिकासम्म प्रहार गर्ने मिसाइल तयारीमा उत्तर कोरिया तीव्र विषादी प्रयोगमा सावधानी नअपनाउँदा क्यान्सर र मिर्गौला रोगी बढ्दै २५ सय रुपैयाँले घट्यो सुनको मूल्य, कतिमा हुँदैछ कारोबार ? दक्षिणी लेबननमा शान्ति सैनिकको मृत्यु, संयुक्त राष्ट्रसङ्घद्वारा कडा निन्दा मध्यपूर्वमा तनाव चर्किँदै, समुद्री ढुवानीमा अवरोधको डर बेइजिङ–प्योङयाङ उडान पुनः सुरु, उत्तर कोरियाको सीमित खुलापन विस्तार ज्यान मार्ने धम्कीबारे हर्क साम्पाङको साइबर ब्यूरोमा उजुरी जनताको हितलाई केन्द्रमा राखेर संविधान संशोधन हुनुपर्छः नेता खड्का यस्तो छ आजको विदेशी मुद्राको विनिमयदर सर्वदलीय बैठक बुधबार बस्दै नेप्से १९.७० अंकले उक्लियो, ६ कम्पनीको मूल्य १०% बढ्यो