ढोरपाटनमा अझै नियन्त्रणमा आएन दादुरा सङ्क्रमण

बागलुङको ढोरपाटनमा दादुरा सङ्क्रमण अझै नियन्त्रणमा आउन सकेको छैन । गत फागुन ८ गते ढोरपाटन नगरपालिका–७, ८ र ९ मा दादुरा सङ्क्रमण फैलिएको थियो ।

फागुन २९ गतेदेखि चैत २ गतेसम्म यस क्षेत्रका बालबालिका तथा किशोरकिशोरीलाई खोप लगाएपछि सङ्क्रमितको सङ्ख्यामा कमी आए पनि पूर्णरुपमा नियन्त्रणमा आउन भने सकेको छैन । विश्व स्वास्थ्य सङ्गठन, प्रदेश जनस्वास्थ्य कार्यालय बागलुङ र स्थानीय तहका स्वास्थ्यकर्मीको टोलीले सङ्क्रमण नियन्त्रणका लागि प्रभावित क्षेत्रमा पुगेर अध्ययन गरी खोप अभियान चलाएको थियो ।

खोप लगाएपछि दैनिक सङ्क्रमित हुनेको सङ्ख्या कम भए पनि पूर्णरुपमा नियन्त्रणमा आउन नसकेको प्रदेश जनस्वास्थ्य कार्यालयका प्रमुख प्रवीण शर्माले जानकारी दिनुभयो । उहाँका अनुसार ढोरपाटनसँगै तमानखोला गाउँपालिकाका दुई शङ्कास्पद बिरामी रहेका उहाँको भनाइ छ । हालसम्म १३ जनामा सङ्क्रमण पुष्टि भएको शर्माले जानकारी दिनुभयो । दादुराको लक्षण देखिएका ३३ जनाको नमूना सङ्कलन गरी काठमाडौँस्थित राष्ट्रिय जनस्वास्थ्य प्रयोगशालामा पठाइएको उहाँको भनाइ छ ।

हालसम्म पाँच हजार ९३४ जना १० देखि १९ वर्ष उमेर समूहका बालबालिका तथा किशोरकिशोरीलाई खोप लगाएको प्रदेश जनस्वास्थ्य कार्यालयका खोप सुपरभाइजर राजु खत्रीले जानकारी दिनुभयो । हालसम्म २०५ शङ्कास्पद बिरामी छन् । हाल चार बिरामी अस्पतालमा उपचाररत छन् । तमानखोलामा शङ्कास्पद बिरामी देखिएपछि पश्चिम बागलुङका चारवटै पालिकामा खोप लगाउने योजना रहेको प्रदेश जनस्वास्थ्य कार्यालयले जनाएको छ ।

थप समाचारहरु

त्रिवि अस्पतालमा एमाले अध्यक्ष ओलीको स्वास्थ्य परीक्षण हुँदै मकवानपुरमा डेङ्गी सङ्क्रमणमा वृद्धि वीर अस्पतालमा आजदेखि महिलालाई निःशुल्क क्यान्सर परीक्षण सेनाको स्वास्थ्य शिविरमा २०८ जना स्थानीयले लिए निःशुल्क सेवा मिथिलामा रामजन्मोत्सव धुमधामका साथ मनाइँदै सुदन गुरुङ गृहमन्त्री बन्दै को हुन् बादी समुदायबाट पहिलो मन्त्री बन्न सफल सीता ? गुल्मीमा जिपको ठक्करबाट पैदलयात्रीको मृत्यु अधिक तरलता व्यवस्थापन गर्न आज ४० अर्ब झिक्दै राष्ट्र बैंक ओली र लेखकलाई १० दिन थुनामा राखी अनुसन्धान गर्न माग इरान युद्ध अन्त्यका लागि वार्ताको पहल, पाकिस्तानमा मध्यस्थकर्ताहरूको भेला एसइई परीक्षामा मोबाइल निषेध, फेला परे जफत गरी नष्ट गरिने ओली पक्राउविरुद्ध सर्वोच्चमा बन्दीप्रत्यक्षीकरण रिट, आज सुनुवाइ इन्ट्रान्स र ब्रिज कोर्स बन्द सम्बन्धी सूचना मन्त्रालयको वेबसाइटबाट हटाइयो लापसे गरेर सवारी चलाउनेमाथि कञ्चनपुरमा ट्राफिक प्रहरीको कडाइ आज पनि बढ्यो सुनचाँदीको मूल्य, कतिमा हुँदैछ कारोबार ? सेनाको शिविरमा २०८ जनाको स्वास्थ्य परीक्षण औलो र कालाजार नियन्त्रणका लागि विषादी छिट्न सुरु