सम्पत्ति शुद्धीकरण अनुसन्धानमा सुलभ अग्रवालको पक्राउ

ललितपुर - शंकर ग्रुपसँग सम्बन्धित व्यवसायी सुलभ अग्रवाललाई सम्पत्ति शुद्धीकरणसम्बन्धी आरोपमा पक्राउ गरिएको छ । सम्पत्ति शुद्धीकरण अनुसन्धान विभागका महानिर्देशक गजेन्द्र ठाकुरका अनुसार अग्रवाललाई बयानका लागि नियन्त्रणमा लिइएको हो ।

‘बयानका लागि बोलाएका थियौं, उहाँ यहाँ आउनुभएको छ,’ ठाकुरले जानकारी दिएका छन् । विभागका अनुसार अग्रवालविरुद्ध सम्पत्ति शुद्धीकरणसम्बन्धी अनुसन्धान जारी रहेको छ । प्रहरीका अनुसार उनलाई शुक्रबार राति नै पक्राउ गरिएको हो ।

अग्रवाल यसअघि २०७६ सालमा पनि ज्वरो नाप्ने थर्मल गन महँगो मूल्यमा बिक्री गर्न खोजेको आरोपमा पक्राउ परेका थिए । त्यसबेला भने उनलाई विभागले तारेखमा रिहा गरेको थियो ।

यसअघि नै शंकर ग्रुपका अध्यक्ष शंकरलाल अग्रवाल पनि पक्राउ परिसकेका छन् । व्यापारी दीपक भट्ट पक्राउ परेपछि विभागले उनीसँग सम्बन्धित अन्य व्यक्तिहरूमाथि अनुसन्धान तीव्र बनाएको हो ।

नेपालको अग्रणी व्यावसायिक समूहका रूपमा चिनिने शंकर ग्रुप अन्तर्गत जगदम्बा स्टिल मुख्य कम्पनीका रूपमा रहेको छ । यस समूहले स्टिलसँगै सिमेन्ट, जलविद्युत्, उपभोक्ता वस्तु लगायत विभिन्न क्षेत्रमा लगानी गर्दै आएको छ ।

थप समाचारहरु

ढोरपाटनमा अझै नियन्त्रणमा आएन दादुरा सङ्क्रमण मजदुरले तलब नपाएपछि अरुण तेस्रोमा आन्दोलन, काम ठप्प बिहीबार देखि नयाँ जनादेश सहित सांसद अधिवेशन सुरु हुँदै मध्यपूर्व तनावबिच रसद समाधान दिन रूस तयार : पुटिन बालाजु बाइसधारामा धार्मिक मेला सुरु प्रलोपा अध्यक्ष परिषद्का अध्यक्ष सुदन किराँतीको राजीनामा प्रतिनिधिसभा पहिलो बैठक : एमालेद्वारा ध्यानाकर्षण प्राकृतिक स्रोतको सदुपयोग गर्न पाउने सहज नियम बनाउनुपर्छ : अध्यक्ष राई जनताप्रति उत्तरदायी बन्न सरकारलाई आग्रह पाकिस्तानमा भारी वर्षा र बाढीले त्रास, १५ जनाको मृत्यु एमाले सचिवालय बैठक : निर्वाचनको समीक्षा स्वास्थ्य मन्त्रालयद्वारा शासकीय सुधार अन्तर्गत पहिलो चरणको प्रगति विवरण सार्वजनिक व्यवसायी अग्रवाल पक्राउ आजको मौसम : तराईसहित पाँच प्रदेशमा हावाहुरी, पहाडी भू-भागमा हिमपात र मध्यम वर्षा ‘निजी क्षेत्रसँगको सहकार्यमा लगानीको वातावरण बनाउन सरकार लागिरहेको छ’ लुम्बिनी प्रदेशसभाको बैठक बस्दै