मोटरसाइकल ठोक्किएर आगो लाग्दा तीन विद्यार्थीको जलेर मृत्यु

ललितपुर - जलेश्वर (महोत्तरी) जलेश्वर बर्दिबास सडकखण्डको बथनाहा गाउँमा आज दुईवटा मोटरसाइकल एकापसमा ठोक्किएर आगलागी हुँदा तीन विद्यार्थीको जलेर मृत्यु भएको छ ।

सो घटनामा थप तीन जना गम्भीर घाइते भएका छन् । उनीहरुको सदरमुकाम जलेश्वरस्थित प्रादेशिक अस्पतालमा उपचार भइरहेको जिल्ला प्रहरी कार्यालयका प्रहरी नायब उपरीक्षक शैलेन्द्र भट्टले जानकारी दिनुभयो ।

प्रहरीले हालसम्म मृतक तथा घाइतेमध्ये कसैको नाम, थर, वतन खुलाएको छैन भने मोटरसाइकल पनि पूर्ण रुपमा जलेर नम्बरप्लेट समेत नदेखिने अवस्थामा रहेको जनाइएको छ । आज बिहान विपरीत दिशाबाट आएका ती मोटरसाइकल जलेश्वर बर्दिबास सडकखण्डको एकडारा गाउँपालिका–५ स्थित बथनाहा गाउँमा एकापसमा ठोक्किएका थिए । ठोक्किएर दुवै मोटरसाइकलमा आगलागी हुँदा तीन जना विद्यार्थीको घटनास्थलमै तत्काल मृत्यु भएको प्रहरीले जनाएको छ । उनीहरु एसइई परीक्षा दिएर फर्किएका विद्यार्थी रहेको बताइएको छ ।

घटनामा तीन जनामध्ये दुई जनाको अवस्था गम्भीर र एक जनाको अवस्था मध्यम रहेको प्रहरीले जनाएको छ ।

थप समाचारहरु

परराष्ट्रमन्त्री खनालद्वारा मनमैजु मन्दिरमा पूजाअर्चना इजरायल–अमेरिकी आक्रमणपछि पनि इरान कमजोर भएन सभामुखमा डीपी अर्याल निर्विरोध निर्वाचित इसा अन्तर्राष्ट्रिय अवार्डको अन्तिम मनोनयन सार्वजनिक : नेपाल बाट प्रसिद्ध गीतकार अधिकारी मनोनित निर्माण व्यवसायी महासंघको अध्यक्षमा निकोलस पाण्डे निर्वाचित प्रधानमन्त्री शाहको प्रेस तथा अनुसन्धान विज्ञमा दिपा दाहाल नियुक्त वैदेशिक रोजगारमा ठगी गर्नेहरूको विवरण सार्वजनिक पुनः आवागमन रोकेर धुलिखेल–खावा सडकखण्डको स्तरोन्नति सङ्घीय संसद्को दुवै सदनको बैठक बस्दै आज गुल्मीमा निःशुल्क स्वास्थ्य शिविरबाट एक हजार तीन सय लाभान्वित प्रतिनिधिसभाका सभामुख डोलप्रसाद अर्यालले राष्ट्रपति समक्ष शपथ लिए ‘मुलुकको समग्र विकासमा निजी क्षेत्रको भूमिका महत्त्वपूर्ण छ’ उपल्लो मुस्ताङमा हिमचितुवाको आक्रमणबाट २१ भेडाच्याङ्ग्रा मरे ‘सिसी क्यामेरा’बाट कक्षाकोठा निगरानी सुजनले चौथोपटक जिब्रो छेड्ने अन्तरराष्ट्रिय औद्योगिक प्रदर्शनी चैत २७ देखि आलु उत्पादन वृद्धि हुने आशामा किसान उत्साहित एमालेका महिला सांसदद्वारा ‘साइबर बुलिङ’का विषयमा उजुरी