राष्ट्रियसभाका चार समिति सभापति निर्विरोध चयन

ललितपुर - राष्ट्रियसभाका रिक्त चार समिति सभापति निर्विरोध चयन भएका छन् । आज सम्बन्धित समितिका ज्येष्ठ सदस्यको अध्यक्षतामा भएका ती समितिका बैठकमा दलबीच सहमतिका आधारमा एक-एक उम्मेदवारको प्रस्तावका आधारमा निर्विरोध निर्वाचित गरिएको हो ।

निर्विरोध निर्वाचित हुनेहरूमा सार्वजनिक नीति तथा प्रत्यायोजित विधायन समितिमा पूजा चौधरी, सङ्घीयता सबलीकरण तथा राष्ट्रिय सरोकार समितिमा जयन्तीदेवी राई, विकास, आर्थिक मामिला तथा सुशासन समितिमा कृष्णप्रसाद पौडेल र विधायन व्यवस्थापन समितिमा कृष्णबहादुर रोकाया रहनुभएको राष्ट्रियसभाका सचिव तुलबहादुर कँडेलले जानकारी दिनुभयो ।

चौधरीको प्रस्तावकमा मदनकुमारी शाह (गरिमा), समर्थकमा युवराज शर्मा र रुक्मिणी कोइराला, राईको प्रस्तावकमा सोनाम गेल्जेन शेर्पा, समर्थकमा दुर्गाकुमारी गुरुङ रहनुभएको छ । यस्तै, पौडेलको प्रस्तावमा नारायणदत्त भट्ट, समर्थकमा जगत तिमिल्सना तथा रोकायाको प्रस्तावकमा आनन्दप्रसाद ढुङ्गाना र समर्थकमा गीता देवकोटा रहनुभएको छ ।

सभापतिका लागि प्रस्तावकले सहमतिको राजनीति, विधिको शासन र लोकतान्त्रिक अभ्यासका लागि सहमतिका आधारमा उम्मेदवारी दिइएको बताउनुभएको थियो । गत फागुन २० गतेदेखि ती समितिका सभापतिको पद रिक्त रहेका थिए ।

थप समाचारहरु

सभामुख र उपाध्यक्षको निर्वाचन कार्यतालिका सार्वजनिक सभामुखमा डीपी अर्याल निर्विरोध निर्वाचित ‘मुलुकको समग्र विकासमा निजी क्षेत्रको भूमिका महत्त्वपूर्ण छ’ अन्तरराष्ट्रिय औद्योगिक प्रदर्शनी चैत २७ देखि प्रतिनिधिसभाबाट तीन अध्यादेश स्वीकृत एमालेका महिला सांसदद्वारा ‘साइबर बुलिङ’का विषयमा उजुरी लागुऔषधसहित विभिन्न स्थानबाट १६ जना पक्राउ पाकिस्तानको आर्थिक वृद्धि दरमा सुधार एमाले सचिवालय बैठक : निर्वाचनको समीक्षा लमजुङमा जिप दुर्घटना हुँदा दुईको मृत्यु, १२ घाइते सुशासन र पारदर्शितामा सांसदहरूको जोड ‘अर्टेमिस–२’ : ‘एपोलो’ को ५३ वर्ष पुरानो रेकर्ड तोड्ने अभियान ‘जलवायु परिवर्तनका चुनौतीलाई अवसरमा परिणत अगाडि बढौँ’ राष्ट्रियसभा बैठक : इन्धन असहजता र बढ्दो महँगीका विषयमा ध्यानाकर्षण आज प्रतिनिधिसभाको बैठक बस्दै जमिन बाँझो नराख्न किसानलाई मुख्यमन्त्री आचार्यको आग्रह मोटरसाइकल ठोक्किएर आगो लाग्दा तीन विद्यार्थीको जलेर मृत्यु राष्ट्रपतिको समुपस्थितिमा राष्ट्रियसभाका अध्यक्षद्वारा उपाध्यक्षको गोपनीयताको शपथ