राष्ट्रियसभा बैठक : ‘राष्ट्रिय हितका लागि दलहरूबीच सहमति र सहकार्यको आवश्यक छ’

ललितपुर - राष्ट्रियसभाका सांसदले राष्ट्रिय हितका लागि दलबीच मेलमिलाप, सहमति र सहकार्यको आवश्यककता औँल्याउनुभएको छ ।

राष्ट्रियसभाको आजको बैठकको विशेष समयमा बोल्दै नेपाली कांग्रेसका सांसद सुनिलबहादुर थापाले सबै राजनीतिक दल र नेताले व्यक्तिगत स्वार्थभन्दा माथि उठेर राष्ट्रिय हितमा लाग्नुपर्नेमा जोड दिनुभयो ।

मुलुक र जनताको हितका लागि सबै दलबीच मेलमिलाप र सहमतिको आवश्यकता औँल्याउदै उहाँले मुलुकका सबै प्रजातान्त्रिक आन्दोलनमा कांग्रेसको नेतृत्वदायी भूमिका रहेको र कांग्रेसले सहमति र सहकार्यको नीति अपनाएको अवगत गराउनुभयो ।

सांसद थापाले लोकतन्त्रको सुदृढिकरणका लागि वर्तमान सरकारले सहमति र सहकार्यको नीति अपनाउनुपर्ने सुझाउनुभयोे । उहाँले जलवायु परिवर्तनले नेपाल निकै प्रभावित भएको उल्लेख गर्दै यसका लागि अन्तरराष्ट्रिय मञ्चमा सशक्त कुरा उठाउनुपर्नेमा जोड दिनुभयो ।

नेपाल कम्युनिष्ट पार्टी (नेकपा)का सांसद जयन्तीदेवी राईले सरकारी विज्ञापन सरकारी सञ्चारमाध्यममा मात्र दिने वर्तमान सरकारको निर्णय गलत र अलोतान्त्रिक भएको टिप्पणी गर्नुभयो । साथै उहाँले यसले प्रेस स्वतन्त्रता हनन हुनसक्नेतर्फ सरकारको ध्यानाकर्षण गराउँदै यो निर्णय सच्च्याउन माग गर्नुभयो ।

सांसद राईले पछिल्लो समय डिजिटल प्रविधिबाट किशोरीमाथि हुने हिंसाका घटना बढेको अवगत गराउँदै यसको नियन्त्रणका लागि सरकारसँग तत्काल र प्रभावकारी काम गर्न आग्रह गर्नुभयो । साथै उहाँले अनलाइन र डिजिटल हिंसा नियन्त्रणका लागि सामाजिक सञ्जालसम्बन्धी विधेयकलाई अघिबढाउन सरकारलाई सुझाव दिनुभयो ।

नेकपा (एमाले)का सांसद सम्झना देवकोटाले एमाले अध्यक्ष केपी शर्मा ओलीलाई गरिएको गिरप्तारी गैरकानुनी भएको भन्दै तत्काल रिहाईको माग गर्नुभयो । साथै उहाँले गत भदौ २३ र २४ गतेको आन्दोलनको घटनाका दोषीलाई कानुनअनुसार कारबाही गर्नुपर्ने माग गर्नुभयो ।

जनता समाजवादी पार्टी नेपालका सांसद मोहम्मद खालिदले हालै सम्पन्न प्रतिनिधिसभाको निर्वाचनमा राष्ट्रिय स्वतन्त्र पार्टीले अभूतपूर्व सफलता प्राप्त गरेको बताउँदै जनताले राजनीतिक स्थायित्व अपेक्षा गरेको उल्लेख गर्नुभयो । उहाँले भ्रष्टचार नियन्त्रण, बढ्दो आयात र मंहगी नियन्त्रण, बन्द उद्योगको सञ्चालन, सन्तुलित पराष्ट्र नीति, सामाजिक न्याय कायम, जनताको हितअनुसार संविधान संशोधनलगायतकार्य सबै दलसँगको संवाद, सहमति र सहकार्यले गर्दा मात्र सफलता प्राप्त हुने बताउनुभयो ।

राष्ट्रिय जनमोर्चाका सांसद तुलप्रसाद विश्वकर्माले पश्चिम एसियामा भएको द्वन्द्वले मुलुकमा महंगी बढेको र जनजीवन प्रभावित भएको उल्लेख गर्दै सहजताका लागि आवश्यक पहल तत्काल थाल्न सरकारसँग आग्रह गर्नुभयो ।

थप समाचारहरु

एमाले सचिवालय बैठक : निर्वाचनको समीक्षा सन्तुलित परराष्ट्र सम्बन्ध विस्तारमा मन्त्री खनालको जोड लुम्बिनी प्रदेशसभाको बैठक बस्दै राष्ट्रियसभाको उपाध्यक्षमा एमालेकी लीला भण्डारी चय सरकारी कार्यालयको समय परिमार्जित: बिहान ९–साँझ ५ शपथपछि सभामुखले सम्हाले जिम्मेवारी ‘जलवायु परिवर्तनका चुनौतीलाई अवसरमा परिणत अगाडि बढौँ’ आज सङ्घीय संसद्को दुवै सदनको बैठक बस्दै राष्ट्रियसभा बैठक : इन्धन असहजता र बढ्दो महँगीका विषयमा ध्यानाकर्षण समसामयिक विषयमा सरकारको ध्यानाकर्षण प्रतिनिधिसभाबाट तीन अध्यादेश स्वीकृत आज प्रतिनिधिसभाको बैठक बस्दै सामाजिक सुरक्षासम्बन्धीका व्यवस्था पालना गर्न मन्त्रालयको अनुरोध मन्त्रिपरिषद्‌मा नयाँ समीकरण, गृहमन्त्री गुरुङको वरीयता घटाइयो राष्ट्रपतिको समुपस्थितिमा राष्ट्रियसभाका अध्यक्षद्वारा उपाध्यक्षको गोपनीयताको शपथ सम्भावित नयाँ रोगको सामना गर्न एकीकृत रूपमा अगाडि बढिरहेका छौँः स्वास्थ्यमन्त्री मेहता गृहमन्त्री गुरुङद्वारा क्षतिग्रस्त बिपी राजमार्गको अवलोकन, विपत्तिमा ‘हेलीबाट’ उद्धार गर्न निर्देशन मन्त्रीहरूलाई ‘परराष्ट्र मामिला तथा कूटनीतिक आचारसंहिता’ विषयमा जानकारी