बिजनेस पाटी
ललितपुर - गृहमन्त्री सुधन गुरुङले राष्ट्र र नागरिकप्रति इमान्दार, उत्तरदायी र प्रतिबद्ध भएर काम गर्नु आजको आवश्यकता भएको बताउनुभएको छ ।
आज राष्ट्रिय सशस्त्र प्रहरी बल नेपाल प्रशिक्षण प्रतिष्ठान मातातीर्थमा सञ्चालित सिसं १७ सशस्त्र प्रहरी निरीक्षक आधारभूत तालिमको दीक्षान्त समारोहमा गृहमन्त्री गुरुङले सरकारको नीति तथा कार्यक्रमहरुको प्रभावकारी कार्यान्वयनमार्फत देश विकासमा सशस्त्र प्रहरीले महत्त्वपूर्ण भूमिका निर्वाह गर्ने विश्वास व्यक्त गर्नुभयो ।
उहाँले लोकतान्त्रिक मूल्य र मान्यता, विधिको शासन तथा कानूनी राज्यको मर्मलाई पूर्णरुपमा आत्मसात गर्दै सेवा गर्न पनि अनुरोध गर्नुभयो । गृहमन्त्री गुरुङले सशस्त्र प्रहरी बल नेपालले स्थापनकालदेखि कार्यक्षेत्रमा देखाएको क्षमता, दक्षता र व्यावसायिकतामार्फत आफ्नो औचित्यलाई सक्षम, विश्वासिलो तथा अब्बल सुरक्षा निकायका रुपमा परिचित गराएको चर्चा गर्नुभयो । सीमा सुरक्षा, राजस्व चुहावट नियन्त्रण, विपद् व्यवस्थापन, महत्त्वपूर्ण व्यक्ति तथा प्रतिष्ठानको सुरक्षाका क्षेत्रमा सङ्गठनले निर्वाह गरेको उल्लेखनीय भूमिकाको उहाँले प्रशंसा गर्नुभयो ।
उहाँले वर्तमान परिवेशमा जघन्य अपराध, सीमापार अपराध, विपद् जोखिम तथा बन्द हड्ताल जस्ता गतिविधिले मुलुकको आन्तरिक सुरक्षामा चुनौती सृजना गर्दै आएको हुँदा यस्ता क्रियाकलापको समयमै निगरानी गरी नियन्त्रणका लागि पेसागत दक्षता र संयमताका साथ परिचालन हुन सकल दर्जाका सशस्त्र प्रहरी कर्मचारीलाई निर्देशन दिनुभयो ।
थप समाचारहरु
कम्युनिष्ट आन्दोलनलाई पुनःगठित गरेर अगाडि बढ्छौँ: महासचिव पोखरेल
सङ्घीयता सुदृढ बनाउन संविधान संशोधन गर्न सकिन्छ : संयोजक दाहाल
आमसञ्चार विधेयक विधायन तथा प्रदेश मामिला समितिमा पठाइयो
सामाजिक सञ्जालमा प्रधानमन्त्रीलाई गाली गर्ने युवकलाई परिवारको जिम्मा लगाइयो
यस्तो छ प्रधानमन्त्रीसहित मन्त्रीहरूको सम्पत्ति विवरण
वर्षान्त : २०८२ राजनीतिक ‘सुनामी’को वर्ष
उपसभामुख ठाकुरद्वारा पदभार ग्रहण
परराष्ट्रमन्त्री खनालद्वारा समुद्री पहुँच र सम्बन्ध विस्तारमा जोड