सन् २०३० सम्ममा २५ हजार महिला शिक्षक तथा स्वास्थ्यकर्मी गुमाउदै अफगानिस्तान : राष्ट्रसङ्घ

ललितपुर - सन् २०३० सम्ममा अफगानिस्तानले ठूलो संख्यामा महिला शिक्षक तथा स्वास्थ्यकर्मी गुमाउने चेतावनी संयुक्त राष्ट्रसंघीय बाल कोष (युनिसेफ) ले दिएको छ । महिलामाथि लगाइएका शिक्षा र रोजगारीसम्बन्धी प्रतिबन्धका कारण यो अवस्था सिर्जना हुने युनिसेफको प्रतिवेदनमा उल्लेख छ ।

युनिसेफका अनुसार अफगानिस्तान अहिले सार्वजनिक सेवामा महिलाको गम्भीर अभावको संकटमा छ। यदि हालको नीति यथावत् रह्यो भने सन् २०३० सम्म देशले करिब २० हजार महिला शिक्षक र करिब ५ हजार ४ सय स्वास्थ्यकर्मी गुमाउने अनुमान गरिएको छ ।

सन् २०२१ सेप्टेम्बरपछि अफगान सरकारद्वारा लागू गरिएको नीतिअनुसार केटीहरूलाई माध्यमिक तहभन्दा माथिको शिक्षा लिन प्रतिबन्ध लगाइएको छ। यस्तै, महिलाहरूलाई विश्वविद्यालयमा अध्ययन गर्नसमेत रोक लगाइएको छ। यस कारण हालसम्म १० लाखभन्दा बढी किशोरीहरू शिक्षा अधिकारबाट वञ्चित भएको युनिसेफले जनाएको छ ।

युनिसेफले चेतावनी दिएको छ कि यदि यो प्रतिबन्ध सन् २०३० सम्म जारी रह्यो भने थप करिब २० लाखभन्दा बढी बालिका आधारभूत शिक्षाबाट समेत वञ्चित हुनेछन् ।

प्रतिवेदनले अफगान सरकारलाई तत्काल केटीहरूको माध्यमिक शिक्षामा लगाइएको प्रतिबन्ध हटाउन आग्रह गरेको छ । साथै अन्तर्राष्ट्रिय समुदायलाई पनि अफगान बालिकाहरूको शिक्षाको मौलिक अधिकार सुनिश्चित गर्न सहयोग गर्न आह्वान गरिएको छ ।

थप समाचारहरु

आजदेखि नयाँ शैक्षिकसत्र सुरु रूस र युक्रेनबीचको आक्रमणमा चार जनाको मृत्यु हर्मुजमा बारुदी सुरुङ बिछ्याइरहेका डुङ्गा नष्ट गर्न अमेरिकी राष्ट्रपति ट्रम्पको निर्देशन रूसले आर्कटिक करिडोर विकासको रणनीति अघि सार्दै हर्मुज तनावबीच युद्धविराम विस्तार इरान युद्ध अन्त्यका लागि दोस्रो चरणको शान्ति वार्ता हुने निश्चित, तेलको मूल्यमा गिरावटको सङ्केत इजरायल–लेबनान वार्ता प्रयाससँगै क्षेत्रीय तनाव अझ गहिरिँदै गाजा संकट गहिरिँदै: मृतक संख्या बढ्दो पाकिस्तानका प्रधानमन्त्री र इरानका विदेशमन्त्रीबीच इस्लामावादमा भेटवार्ता रुस र उत्तर कोरियाबीच ‘दीर्घकालीन’ सैन्य सहकार्यका लागि सहमति इयुको ‘मेड इन युरोप’ योजना माथि चीनको कडा आपत्ति अवामी लिगले बार एसोसिएसनको पनि चुनाव लड्न नपाउने बङ्गलादेश मध्यपूर्वमा शान्तिका लागि रुसले इरानलाई सहयोग गर्ने सुडानमा विमान दुर्घटना, विमानमा सवार १४ जनाको मृत्यु डिप ट्युबवेल’ जडानसँगै सिँचाइको असुविधा हट्यो राष्ट्रिय सहमतिमा नै संविधान संशोधन हुन्छ : संयोजक शाह इन्धन दुरुपयोग प्रकरण : छानबिन गरी कारबाही गर्न स्वास्थ्यमन्त्रीको निर्देशन जिउँदो व्यक्तिको मृत्युदर्ता प्रकरणमा वडाध्यक्षसहित चार जना पक्राउ