अध्यादेशको प्रभाव: त्रिभुवन विश्वविद्यालयका पदाधिकारी राजीनामाको तयारीमा

ललितपुर - सरकारले राजनीतिक नियुक्ति लिएका पदाधिकारीलाई पदमुक्त गर्ने प्रावधानसहित अध्यादेश सिफारिस गरेपछि त्रिभुवन विश्वविद्यालयका शीर्ष पदाधिकारीहरूले राजीनामा दिने तयारी गरेका छन् ।

राष्ट्रपति रामचन्द्र पौडेल समक्ष अध्यादेश सिफारिस भएसँगै त्रिविका उपकुलपति प्राडा दिपक अर्याल, शिक्षाध्यक्ष प्राडा खड्ग केसी र रजिस्ट्रार प्राडा केदारप्रसाद रिजालले पद त्याग गर्ने तयारी गरेका हुन् । स्रोतका अनुसार बिहीबार बिहान बसेको पदाधिकारी बैठकपछि उनीहरू ‘मार्गप्रशस्त’ गर्ने निष्कर्षमा पुगेका छन् ।

एक अधिकारीका अनुसार, “नयाँ सरकारलाई काम गर्न सहज बनाउन राजीनामा दिन लागिएको हो।” उनीहरूले विश्वविद्यालयका कुलपति समेत रहेका प्रधानमन्त्री बालेन्द्र शाह समक्ष राजीनामा बुझाउने तयारी गरेका छन् ।

उपकुलपति अर्याल पूर्वप्रधानमन्त्री केपी शर्मा ओलीको कार्यकालमा नियुक्त भएका थिए भने शिक्षाध्यक्ष केसी र रजिस्ट्रार रिजाल पूर्वप्रधानमन्त्री पुष्पकमल दाहाल ‘प्रचण्ड’ नेतृत्वको सरकारका बेला नियुक्त भएका थिए। त्रिविका पदाधिकारीहरूको कार्यकाल सामान्यतया चार वर्षको हुने व्यवस्था छ ।

दुई तिहाइ नजिक बहुमतसहित सरकारमा आएको राष्ट्रिय स्वतन्त्र पार्टी (रास्वपा) ले सुरुदेखि नै राजनीतिक नियुक्ति लिएकाहरूलाई हटाउने संकेत दिएको थियो । तर सरकार अध्यादेशमार्फतै यस्तो निर्णय कार्यान्वयनतर्फ अघि बढेपछि पदाधिकारीहरूले राजीनामा रोजेको बुझिएको छ ।

यसैबीच, सिफारिस गरिएको अध्यादेशबारे राष्ट्रपति पौडेलले अध्ययन गरिरहेका छन् ।

थप समाचारहरु

सुडानमा विमान दुर्घटना, विमानमा सवार १४ जनाको मृत्यु आजको राशिफल : २०८३ वैशाख १५ गते मंगलबार यस्तो छ आजको विदेशी मुद्राको विनिमयदर काठमाडौंका विभिन्न ठाउँमा सिक्री लुट्दै हिँड्ने गिरोह पक्राउ भूमि मन्त्रालयका कार्यक्रम अब कार्यालयबाटै संरचनामा गर्नुपर्ने आजदेखि नयाँ शैक्षिकसत्र सुरु डिप ट्युबवेल’ जडानसँगै सिँचाइको असुविधा हट्यो राष्ट्रिय सहमतिमा नै संविधान संशोधन हुन्छ : संयोजक शाह इन्धन दुरुपयोग प्रकरण : छानबिन गरी कारबाही गर्न स्वास्थ्यमन्त्रीको निर्देशन शेखर गोल्छालाई २४ घण्टाभित्र अदालतमा उपस्थित गराउन सर्वोच्चको आदेश रूस र युक्रेनबीचको आक्रमणमा चार जनाको मृत्यु सन् २०३० सम्ममा २५ हजार महिला शिक्षक तथा स्वास्थ्यकर्मी गुमाउदै अफगानिस्तान : राष्ट्रसङ्घ नेपालगन्ज विमानस्थलमा निःशुल्क ट्रलीबस सेवा सुरु जिउँदो व्यक्तिको मृत्युदर्ता प्रकरणमा वडाध्यक्षसहित चार जना पक्राउ चलचित्र ‘लालीबजार’को प्रदर्शन रोकियो, अदालतको अन्तरिम आदेश ललितपुरको बालकुमारीमा दुई अर्ब लागतमा ‘सबस्टेशन’ निर्माण हुने याम्बालिङ्ग हाइड्रोपावरको आईपीओ सर्वसाधारणका लागि खुला आज अन्तरराष्ट्रिय ज्याज दिवस मनाइँदै