बजेट अधिवेशन भोलिदेखि सुरु, राष्ट्रपतिले प्रस्तुत गर्ने सरकारको नीति तथा कार्यक्रम

ललितपुर - संघीय संसद्को बजेट अधिवेशन भोलिदेखि सुरु हुने भएको छ । अधिवेशनको पहिलो दिन नै सरकारले आगामी आर्थिक वर्षका लागि नीति तथा कार्यक्रम प्रस्तुत गर्ने तयारी गरेको छ ।

संसद् सचिवालयका अनुसार राष्ट्रपति रामचन्द्र पौडेलले सोमबार अपराह्न ४ बजे संघीय संसद्का दुवै सदनको संयुक्त बैठकलाई सम्बोधन गर्दै सरकारको नीति तथा कार्यक्रम प्रस्तुत गर्नेछन् । नेपालको संविधानको धारा ९५ अनुसार प्रत्येक वर्षको पहिलो अधिवेशन प्रारम्भ भएपछि राष्ट्रपतिले संघीय संसद्को संयुक्त बैठकलाई सम्बोधन गर्ने संवैधानिक व्यवस्था रहेको छ ।

संसद् सचिवालयका प्रवक्ता एकराम गिरीका अनुसार संयुक्त बैठक सुरु हुनुअघि अपराह्न २ बजे प्रतिनिधिसभा र राष्ट्रियसभाको छुट्टाछुट्टै बैठक बस्नेछ । त्यसपछि दुवै सदनको संयुक्त बैठकमार्फत सरकारको वार्षिक नीति तथा कार्यक्रम सार्वजनिक गरिनेछ ।

संयुक्त बैठकका लागि सांसदहरूलाई अपराह्न ३ः४५ बजेभित्र उपस्थित भइसक्न संसद् सचिवालयले अनुरोध गरेको छ ।प्रतिनिधिसभाको बैठकमा राष्ट्रपतिबाट अधिवेशन आह्वानसम्बन्धी पत्र पढेर सुनाइने, मन्त्रिपरिषद् हेरफेरसम्बन्धी जानकारी सदनलाई गराइने तथा सभामुखको अनुपस्थितिमा बैठक सञ्चालन गर्ने सदस्यहरूको मनोनयनसम्बन्धी प्रस्ताव प्रस्तुत गरिने सम्भावित कार्यसूची रहेको छ ।

प्रतिनिधिसभा नियमावली २०७९ अन्तर्गत जारी भएको बाधा अड्काउ फुकाउ आदेश अनुमोदनका लागि पेस गरिनेछ भने नियमावलीको मस्यौदामाथि पनि छलफल प्रक्रिया अघि बढाइने संसद् सचिवालयले जनाएको छ ।

यसैबीच सरकारले हालै जारी गरेका विभिन्न अध्यादेशहरू पनि संसद्मा पेस हुनेछन् । ‘सार्वजनिक खरिद (दोस्रो संशोधन) अध्यादेश, २०८३ ‘सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेश, २०८३ संवैधानिक परिषद् (काम, कर्तव्य, अधिकार र कार्यविधि) पहिलो संशोधन अध्यादेश, २०८३ लगायत आठ वटा अध्यादेश प्रतिनिधिसभा र राष्ट्रियसभामा पेस गर्ने कार्यसूची रहेको छ ।

सरकारको आगामी आर्थिक वर्षको नीति तथा कार्यक्रमलाई आगामी बजेटको आधार दस्तावेजका रूपमा हेरिएको छ । सरकारले आर्थिक सुधार, रोजगारी सिर्जना, पूर्वाधार विकास, सुशासन र सेवा प्रवाहलाई प्राथमिकतामा राख्ने अपेक्षा गरिएको छ ।

थप समाचारहरु

सुदूरपश्चिमका एमाले सांसद सँग गुण्डुमा ओलीको छलफल कर्णाली प्रदेश समन्वय परिषद्को ११औँ बैठक सुरु मातृभाषाको संरक्षण र प्रवर्द्धनमा प्रदेश सरकार प्रतिबद्ध : मुख्यमन्त्री बानियाँ नेपाल मेडिकल काउन्सिलका रजिस्ट्रार पदमुक्त नहुँदा उठे प्रश्न सुनचाँदीको मूल्य फेरि बढ्यो, सुन तोलाको २ लाख ९८ हजार नाघ्यो संघीय संसद् बैठकमा अब सांसदहरूको हाजिरी प्रणाली लागू गरिने वीर अस्पतालका निर्देशक डा. दिलिप शर्माको राजीनामा मन्त्रिपरिषद्को बैठक बस्दै ओमकार आयल इन्डस्ट्रिजका सञ्चालक विजय श्रेष्ठ पक्राउ प्रधानन्यायाधीश सिफारिसमा हर्क साम्पाङको आपत्ति चुनावी वाचापत्र अनुसार नै विद्यार्थी सङ्गठन खारेज गरिएको होः शिक्षामन्त्री सर्वोच्चद्वारा नदी किनारका बस्ती नहटाउन अन्तरिम आदेश इन्डोनेशियाको माउन्ट डुकोनो ज्वालामुखी विस्फोटमा तीन पर्वतारोहीको मृत्यु पशुपतिनाथ परिसर नजिक ३ ग्रिनेड फेला एसईई २०८२ को नतिजा सार्वजनिक गर्ने तयारी पूरा दार्चुलामा ४.१ म्याग्निच्युडको भूकम्प रविको सांसदलाई चेतावनी : यताको–उताको भन्दै नहिड्नु ट्राफिक कारबाहीमा पाँचपटक पर्ने चालकको लाइसेन्स नै निलम्बन !