२५ लाख पुरस्कार राशि रहेको  गायन रियालिटी शो ‘गाउँछ गीत’ जेठबाट प्रसारणमा आउने 

ललितपुर - ललितपुर ।  २५ लाख पुरस्कार राशि रहेको  गायन रियालिटी शो ‘गाउँछ गीत’को  पहिलो सिजन जेठ महिना बाट प्रसारणमा आउने भएको छ । 

प्रतिभाको खोजी, मौलिकताको सम्मान: गाउँछ गीतको साङ्गीतिक अभियान नारा सहित आयोजना गरिएको प्रतियोगिता अहिले डिजिटल अडिसन बाट फिजिकल राउण्डमा प्रवेश गरेको छ । जसमा डिजिटल अडिसन बाट छानिएका प्रतियोगीहरूले फिजिकल राउण्डमा आफ्नो प्रस्तुति निर्णायक सामु राखी रहेका छन् । 

पेप्सीकोलामा रहेको गाउँछ गीतको छायाङ्कन स्टुडियोमा शनिवार र आइतबार गरी डिजिटल अडिसनमा देशै भरबाट छानिएका प्रतियोगीहरूले आफ्नो गायन प्रस्तुति राखेका हुन् । यो चरण पार गर्न सकेका करिब ५० प्रतियोगीले मेघा राउण्डमा प्रवेश पाउने छन् । 

प्राइम टेलिभिजनबाट शनिवार र आइतबार राती ९ बजे प्रसारण हुने यो प्रतियोगिता नेपाली सङ्गीत क्षेत्रमा एक कोशे ढुङ्गा साबित हुने विश्वास लिएको शोका निर्देशक हरि शर्माले बताएका छन् । 

प्रतियोगिताको निर्णायकहरूमा शास्त्रीय तथा सुगम सङ्गीतको वरिष्ठ गायिका संगीतज्ञ  सङ्गीता राना प्रधान, सङ्गीत मै विद्यावारिधि गर्दै गरेका सफल गायक तथा सङ्गीतकार थानेश्वर गौतम , आधुनिक देखि पार्श्व गायनमा लोकप्रियता कमाएकी गायिका सहिमा श्रेष्ठ र लोक तथा दोहोरी गीतमा ख्याति कमाएका गायक अमृत खाती रहेका छन् । होस्टकारुपमा स्टान्डअप कमेडियन सीता न्यौपाने र कोष खड्कारहेका छन् ।

रोजी शर्माको परिकल्पनामा एच एस साइना कृयसनको निर्माणमा भएको  प्रतियोगिताको मेघा राउण्डमा प्रवेश गरेका प्रतियोगीहरूलाई समूह विभाजन गरी कम्तीमा ४ जना गीत सङ्गीतका ख्याति प्राप्त कोच मार्फत उनीहरूको प्रतिभा निखार्ने व्यवस्था गरिएको पनि शो का निर्देशक शर्माले जानकारी दिएका छन् । बिजनेसपाटी मिडिया प्रालि मिडिया पार्टनर रहेको यस प्रतियोगिताको युट्युब पार्टनर साइराम पिक्चर्स रहेको छ । 

सहभागी कलाकारहरूलाई राष्ट्रिय स्तरमा पहिचान दिलाई व्यावसायिक साङ्गीतिक यात्राका लागि अवसर प्रदान गरिने र फाइनल चरण देश बाहिर गर्ने गरी तयारी भइरहेको आयोजकले जनाएको छ । 

थप समाचारहरु

गायक रामकृष्ण ढकालले दिए साइबर ब्युरोमा उजुरी सुदूरपश्चिमका एमाले सांसद सँग गुण्डुमा ओलीको छलफल मातृभाषाको संरक्षण र प्रवर्द्धनमा प्रदेश सरकार प्रतिबद्ध : मुख्यमन्त्री बानियाँ नेपाल मेडिकल काउन्सिलका रजिस्ट्रार पदमुक्त नहुँदा उठे प्रश्न सुनचाँदीको मूल्य फेरि बढ्यो, सुन तोलाको २ लाख ९८ हजार नाघ्यो संघीय संसद् बैठकमा अब सांसदहरूको हाजिरी प्रणाली लागू गरिने वीर अस्पतालका निर्देशक डा. दिलिप शर्माको राजीनामा मन्त्रिपरिषद्को बैठक बस्दै ओमकार आयल इन्डस्ट्रिजका सञ्चालक विजय श्रेष्ठ पक्राउ चुनावी वाचापत्र अनुसार नै विद्यार्थी सङ्गठन खारेज गरिएको होः शिक्षामन्त्री सर्वोच्चद्वारा नदी किनारका बस्ती नहटाउन अन्तरिम आदेश इन्डोनेशियाको माउन्ट डुकोनो ज्वालामुखी विस्फोटमा तीन पर्वतारोहीको मृत्यु पशुपतिनाथ परिसर नजिक ३ ग्रिनेड फेला एसईई २०८२ को नतिजा सार्वजनिक गर्ने तयारी पूरा रविको सांसदलाई चेतावनी : यताको–उताको भन्दै नहिड्नु ट्राफिक कारबाहीमा पाँचपटक पर्ने चालकको लाइसेन्स नै निलम्बन ! बजेट अधिवेशन भोलिदेखि सुरु, राष्ट्रपतिले प्रस्तुत गर्ने सरकारको नीति तथा कार्यक्रम निर्वाचन कानुन सुधारका लागि दलहरूलाई आयोगको आह्वान