वनमन्त्री गीता चौधरीलाई राष्ट्रिय प्रकृति संरक्षण कोषको अध्यक्ष जिम्मेवारी

ललितपुर - प्रधानमन्त्री वालेन्द्र शाहले राष्ट्रिय प्रकृति संरक्षण कोषको अध्यक्षको जिम्मेवारी वन तथा वातावरणमन्त्री गीता चौधरीलाई प्रदान गर्नुभएको छ ।

कृषि तथा पशुपन्छी विकास मन्त्रालयको समेत जिम्मेवारी सम्हालिरहनुभएकी मन्त्री चौधरीलाई प्रधानमन्त्री शाहले राष्ट्रिय प्रकृति संरक्षण कोष ऐन, २०३९ अनुसार कोषको अध्यक्षमा नियुक्त गर्नुभएको हो । प्रधानमन्त्रीका प्रेस तथा अनुसन्धान विज्ञ दिपा दाहालका अनुसार ऐनले प्रधानमन्त्रीलाई कोषको संरक्षक रहने तथा अध्यक्ष नियुक्त गर्ने अधिकार दिएको छ । सोही अधिकार प्रयोग गर्दै मन्त्री चौधरीलाई अध्यक्षको जिम्मेवारी दिइएको हो ।

सरकारले यस निर्णयलाई राज्यको आर्थिक भार घटाउने प्रयासका रूपमा प्रस्तुत गरेको छ । विगतमा वन तथा वातावरण मन्त्रीलाई नै कोषको अध्यक्ष बनाउने अभ्यास रहेकाले अतिरिक्त नियुक्ति र सुविधा आवश्यक नपर्ने तर्क सरकारको छ ।

यसअघि अन्तरिम सरकारका प्रमुख प्रधानमन्त्री सुशीला कार्कीले आफ्ना स्वकीय सचिव आदर्शकुमार श्रेष्ठलाई कोषको अध्यक्ष नियुक्त गर्नुभएको थियो । उक्त नियुक्ति राज्यकोषमा थप भार पर्ने र निकट व्यक्तिलाई महत्वपूर्ण जिम्मेवारी दिएको भन्दै विवादमा आएको थियो ।

श्रेष्ठमाथि कोषको अध्यक्ष पदको सुविधा लिइरहँदा समाज कल्याण परिषद्मा कानुनी सल्लाहकारको जिम्मेवारीसमेत सम्हालेको आरोप लागेको थियो । दोहोरो जिम्मेवारी र सुविधा लिएको विषय सार्वजनिक भएपछि त्यसबेला व्यापक आलोचना भएको थियो ।

थप समाचारहरु

नेपाल मेडिकल काउन्सिलका रजिस्ट्रार पदमुक्त नहुँदा उठे प्रश्न सुनचाँदीको मूल्य फेरि बढ्यो, सुन तोलाको २ लाख ९८ हजार नाघ्यो संघीय संसद् बैठकमा अब सांसदहरूको हाजिरी प्रणाली लागू गरिने वीर अस्पतालका निर्देशक डा. दिलिप शर्माको राजीनामा छायाँ सेन्टर भत्काउन माग गर्दै सम्पदाप्रेमीहरूको प्रदर्शन मन्त्रिपरिषद्को बैठक बस्दै ओमकार आयल इन्डस्ट्रिजका सञ्चालक विजय श्रेष्ठ पक्राउ प्रधानन्यायाधीश सिफारिसमा हर्क साम्पाङको आपत्ति सर्वोच्चद्वारा नदी किनारका बस्ती नहटाउन अन्तरिम आदेश नेपाल रेडक्रसका अध्यक्ष विनोदकुमार शर्माको राजीनामा पशुपतिनाथ परिसर नजिक ३ ग्रिनेड फेला एसईई २०८२ को नतिजा सार्वजनिक गर्ने तयारी पूरा दार्चुलामा ४.१ म्याग्निच्युडको भूकम्प सगरमाथा आरोहण क्रममा लेक लागेर एक आरोहीको मृत्यु ट्राफिक कारबाहीमा पाँचपटक पर्ने चालकको लाइसेन्स नै निलम्बन ! बजेट अधिवेशन भोलिदेखि सुरु, राष्ट्रपतिले प्रस्तुत गर्ने सरकारको नीति तथा कार्यक्रम २५ लाख पुरस्कार राशि रहेको  गायन रियालिटी शो ‘गाउँछ गीत’ जेठबाट प्रसारणमा आउने  निर्वाचन कानुन सुधारका लागि दलहरूलाई आयोगको आह्वान