ऊर्जा क्षेत्रलाई अर्थतन्त्रको प्रमुख आधार बनाइन्छ : अर्थमन्त्री वाग्ले

ललितपुर - अर्थमन्त्री डा. स्वर्णिम वाग्लेले मुलुकको अर्थतन्त्रको विकासमा विद्युत् क्षेत्रको योगदान निरन्तर बढ्दै गएको बताएका छन् । स्वतन्त्र ऊर्जा उत्पादकहरूको संस्था नेपाल (इप्पान) का प्रतिनिधिहरूसँगको भेटमा उनले ऊर्जा क्षेत्रलाई अर्थतन्त्र चलायमान बनाउने प्रमुख आधारका रूपमा विकास गर्ने सरकारको योजना रहेको बताएका हुन् ।

‘सरकार ऊर्जा क्षेत्रलाई विशेष प्राथमिकताका साथ अघि बढाउने पक्षमा छ । यसको अर्थतन्त्रमा योगदान बढ्दो छ । अर्थतन्त्र हाँक्ने क्षेत्र बनाउने गरी नीति पनि बनाउँछौँ,’ अर्थमन्त्री वाग्लेले भने ।

उनले सरकार लगानीकर्तासँग सहकार्य गर्न तयार रहेको उल्लेख गर्दै ऊर्जा क्षेत्रमा लगानीकर्ताले उच्च व्यावसायिकता र इमान्दारितासहित काम गर्नुपर्नेमा जोड दिए ।

भेटमा इप्पानका अध्यक्ष गणेश कार्की ले ऊर्जा क्षेत्रको विकासका लागि लगानीमैत्री नीति तथा कार्यक्रम ल्याउनुपर्ने आवश्यकता औँल्याए । सरकारले अघि सारेको १० वर्षमा ३० हजार मेगावाट विद्युत् उत्पादन गर्ने लक्ष्य हासिल गर्न निजी क्षेत्र पूर्ण रूपमा तयार रहेको उनले बताए ।

अध्यक्ष कार्कीले विद्युत् खरिद सम्झौता (पिपिए) खुलाउनुपर्ने, निजी क्षेत्रलाई विद्युत् व्यापार र प्रसारण लाइनमा सहभागी गराउनुपर्ने तथा धितोपत्र बोर्डबाट समयमै आइपिओ अनुमति दिनुपर्ने माग राखे । उनले आयोजना निर्माणका क्रममा शान्तिसुरक्षाको सुनिश्चितता र निजी क्षेत्रलाई प्रोत्साहन गर्ने गरी कानुनी तथा नीतिगत सुधार आवश्यक रहेको पनि बताए ।

इप्पानले सरकारसमक्ष ‘नेपाल ऊर्जा विकास तथा उपभोग अभिवृद्धिको दशक’ घोषणा गर्न सुझाव दिएको छ । कार्यक्रममा सहभागीहरूले १० वर्षभित्र ३० हजार मेगावाट विद्युत् जडित क्षमता पुर्‍याउने सरकारी लक्ष्य पूरा गर्न विद्युत् खरिद–बिक्रीका वैकल्पिक व्यवस्था कार्यान्वयन गर्नुपर्ने धारणा राखेका थिए ।

थप समाचारहरु

संघीय संसद् बैठकमा अब सांसदहरूको हाजिरी प्रणाली लागू गरिने वीर अस्पतालका निर्देशक डा. दिलिप शर्माको राजीनामा छायाँ सेन्टर भत्काउन माग गर्दै सम्पदाप्रेमीहरूको प्रदर्शन धादिङमा ४.१ म्याग्निच्युडको भूकम्प सेबोन अध्यक्ष सिफारिस समितिका संयोजक गुणाकर भट्टको राजीनामा ओमकार आयल इन्डस्ट्रिजका सञ्चालक विजय श्रेष्ठ पक्राउ प्रधानन्यायाधीश सिफारिसमा हर्क साम्पाङको आपत्ति कार्यक्षमताका आधारमा प्रधानन्यायाधीश सिफारिस गरिएको सरकारको दाबी संघीय संसद् सचिवालयमा ट्रेड युनियन व्यवस्था खारेज सर्वोच्चद्वारा नदी किनारका बस्ती नहटाउन अन्तरिम आदेश नेपाल रेडक्रसका अध्यक्ष विनोदकुमार शर्माको राजीनामा घरमै राहदानी पुर्‍याउन ‘हल्कारा’ तयारी अवस्थामा दार्चुलामा ४.१ म्याग्निच्युडको भूकम्प सगरमाथा आरोहण क्रममा लेक लागेर एक आरोहीको मृत्यु सरकारको १० महिनामा ११ खर्ब ५३ अर्ब खर्च, पुँजीगत खर्च कमजोर पोखरामा ग्याङ फाइट, ६ जना पक्राउ निर्वाचन कानुन सुधारका लागि दलहरूलाई आयोगको आह्वान केहीबेरमै सार्वजनिक हुँदै एसईई नतिजा, राति ९ बजेदेखि हेर्न सकिने