मौसम फेरबदलपछि अन्न र बाली जोगाउन किसानलाई कृषि विभागको आग्रह

ललितपुर - कृषि विभागले पछिल्ला दिनमा मौसममा आएको परिवर्तनका कारण भण्डारण गरिएका अन्न, दाल तथा खेतीबाली जोगाउन किसानलाई सतर्कता अपनाउन आग्रह गरेको छ ।

विभागका अनुसार प्रिमनसुन अवधिमा देशका अधिकांश क्षेत्रमा औसतभन्दा बढी वर्षा भएकाले भण्डारण गरिएका खाद्यवस्तुमा चिस्यानको समस्या बढ्न सक्ने देखिएको छ ।

यसलाई ध्यानमा राख्दै विभागले भण्डारण गरिएका अन्नको नियमित अनुगमन गर्न तथा खेतमा बाली लामो समय नछाड्न किसानलाई आग्रह गरेको छ ।

विभागले आउँदो साता मध्याह्नपछि हावाहुरी, चट्याङ र असिना पर्ने सम्भावना रहने भएकाले बजार लैजानुपर्ने फलफूल तथा तरकारी बिहान शीत ओभाएपछि मात्रै टिप्न सुझाव दिएको छ ।

महानिर्देशक प्रकाशकुमार सञ्जेलले किसानलाई प्राविधिक सुझाव, बाली संरक्षण र बजारीकरणसम्बन्धी जानकारी दिँदै सम्भावित क्षति न्यूनीकरणका लागि विभागले काम गरिरहेको बताए ।

कृषि सूचना केन्द्रका अधिकृत सन्जीव पण्डितले भण्डारणमा किराबाट जोगाउन निम, बकाइनो र तितेपातीका सुक्खा पात प्रयोग गर्न सुझाव दिएका छन् ।

केन्द्रका अनुसार आलुको पुतली (जोताहा किरा) ले विशेषगरी भण्डारण गरिएको आलुमा क्षति पुर्‍याउने भएकाले आलु खनेपछि लामो समय खेतमै थुपारेर नराख्न किसानलाई सचेत गराइएको छ ।

थप समाचारहरु

सन्दीपको घातक बलिङ, उत्कृष्ट सुरुआतपछि स्कटल्यान्ड दबाबमा श्रममन्त्री यादवका चालक आलम पक्राउ आर्थिक संस्था केही व्यक्तिको कब्जामा पुगेका थिए, अब मुक्त गरिन्छ : अर्थमन्त्री वाग्ले राष्ट्रपति पौडेल र सभामुख अर्यालबीच शीतलनिवासमा भेट तीन दिनको लगातार वृद्धिपछि नेप्सेमा ठूलो गिरावट, ३९ अंकले घट्यो बजार तमिलनाडुका मुख्यमन्त्री विजयद्वारा ७१७ मदिरा पसल बन्द गर्न निर्देशन संसद्‌मा बादलको अभिव्यक्तिपछि विवाद, नेपाली सेनाबारे टिप्पणीमा आपत्ति सभामुखले दिए स्पष्ट संकेत: रुलिङ होइन, प्रधानमन्त्रीसँग सम्वाद गर्छु प्रतिनिधिसभाको सचिवमा प्रकाश अधिकारी नियुक्त नेप्से ४.१५ अंक घट्यो, कारोबार रकममा करिब ४० प्रतिशत गिरावट सभामुखको आग्रह : संसदमा शब्द चयनमा संवेदनशील बन्न निर्देशन सुकुम्वासी समस्याको जवाफदेहितामा गृहमन्त्रीको उपस्थिति अनिवार्य हुनुपर्ने : ज्ञानेन्द्र शाहि पाथीभरामा एक महिनामै १ करोडभन्दा बढी भेटी सङ्कलन प्रधानमन्त्रीले नैतिकताका आधारमा राजीनामा दिनुपर्छ : हर्क साम्पाङ कङ्गोमा नयाँ इबोला प्रकोप, ६५ जनाको मृत्युपछि उच्च सतर्कता स्वरोजगार कोषको ६७ करोडभन्दा बढी कर्जा असुल हुन बाँकी चितवनमा एआरटी औषधि सेवन गर्ने एचआइभी सङ्क्रमित १ हजार २६० पुगे