इजरायलले लेबनानको सुरक्षा क्षेत्र लक्षित आक्रमण जारी राख्ने नेतान्याहुको दाबी

ललितपुर - इजरायलका प्रधानमन्त्री बेन्जामिन नेतान्याहूले लेबनानका विभिन्न सुरक्षा क्षेत्र लक्षित आक्रमण जारी राखी पूर्वाधार ध्वस्त गर्ने अभियान जारी रहने प्रतिबद्धता व्यक्त गर्दै हेजबुल्लाहविरुद्ध इजरायलले अर्को विजय हासिल गरेको बताउनुभयो ।

इजरायलका प्रधानमन्त्रीको कार्यालयले सामाजिक सञ्जाल एक्समा “हेजबुल्लाहमाथि अर्को ठुलो विजय हासिल गरेको ब्युफोर्ट रिज र अली अल–ताहेर रिजमा रहेको यसको प्रमुख आतङ्कवादी गढलाई नष्ट गरेको उल्लेख गरिएको छ । उहाँले हामी इजरायल लागि कुनै पनि खतरा हटाउन स्पष्ट नीतिसहित लेबनानको सुरक्षा क्षेत्रमा आतङ्कवादी पूर्वाधार नष्ट गर्ने प्रक्रिया जारी राख्ने पनि बताउनुभयो ।

उहाँले अहिलेसम्मको हेजबुल्लाहविरुद्ध जारी इजरायली आक्रमण बाट पाठ नसिकेर पुनः आक्रमण गर्न खोजे अझै ठुलो प्रहार भोग्नु पर्ने बताउनुभएको छ ।

गत महिना, लेबनानका राष्ट्रपति जोसेफ आउनले रोममा लेबनान र इजरायलबिच हालैको कूटनीतिक संलग्नताका क्रममा सीमा विवाद र कैदीहरूको रिहाइको सन्दर्भमा प्रगति हासिल भएको बताइएको थियो ।

यसैगरी गत अगस्ट ७ मा क्याबिनेट सत्रलाई सम्बोधन गर्दै आउनले रोम वार्ताले युद्धविराम, घरहरू ध्वस्त पार्नु र बुलडोजिङ, सीमा, र कैदीहरूको फिर्ती र मुख्य क्षेत्रको पहिचान, निर्धारण गरेको लेबनानको राष्ट्रपतिले जारी गरेको विज्ञप्तिमा उल्लेख गरिएको छ ।

उहाँले सीमा र कैदीहरुको विषयमा सकारात्मक प्रगति भएको उल्लेख गर्दै ठोस उपायहरू चाँडै साकार हुने आशा पनि व्यक्त गर्नुभएको छ ।वासिङ्टनले युद्धविराम र मुख्य क्षेत्रहरु सम्बन्धी बाँकी मामिलाहरू समाधान गर्न काम गर्ने टिप्पणी गर्दै अमेरिकी जनरल जोसेफ क्लियरफिल्डले यस्तो घटनाक्रमहरूको निगरानी गर्न चाँडै बेरुतको भ्रमण गर्नेसमेत बताउनुभयो ।

सीमामा सुरक्षा प्रक्रियालाई अगाडि बढाउने र जुनको अन्त्यमा वासिङ्टनमा स्थापित समझदारी कार्यान्वयन गर्ने उद्देश्यले इजरायली र लेबनानी अधिकारीहरूले रोममा तीन दिनको छलफलको समापन गरेपछि उक्त बयान आएको स्थानीय मिडियाले जनाएको छ ।

हेजबुल्लाहको विरोधको सामना गर्नुपरेको यो बैठक दुई द्विपक्षीय वार्ताको सातौँ चरण भएको सिन्ह्वा समाचार एजेन्सीले जनाएको छ ।

थप समाचारहरु

इन्डोनेसियामा २४० यात्रु सवार जहाज बेपत्ता, खोजी जारी तीज आजदेखि, व्रत बस्ने शक्तिका लागि दर खाने तयारी मुस्ताङ भन्सारमा पन्ध्र दिनमै एक अर्ब ७८ करोड राजस्व बाणगङ्गा नदीमा फसेका १२ जनाको सकुशल उद्धार अफ्रिकामा पहिलो युथ ओलम्पिकका लागि ओलम्पिक ज्योति सेनेगलमा होर्मुजमा जहाजमाथि आक्रमण, एकको मृत्यु र तीन घाइते उत्तरी नाइजेरियामा ६ जना धार्मिक गुरु अपहरण मध्यपूर्वमा तनाव बढ्दा साउदी अरबको सुरक्षा चुनौती गहिरिँदै भाद्र शुक्ल तृतीयाः विधिपूर्वक तीज व्रत गरिँदै गुल्मीमा खोलाले बगाएकी महिलाको शव फेला हंसपुरका ३६५ परिवारलाई जग्गाधनी पुर्जा वितरण अपहरणमा परेको १२ दिनपछि १५ महिने बच्चाको सकुशल उद्धार बस र स्कुटर ठोक्किँदा स्कुटर चालकको मृत्यु