पुलमा अड्किएको क्रुजसिप निकाल्ने तयारी

ललितपुर - गत चार दिनको निरन्तर वर्षापछि नारायणीको बाढीले बगाएको राइनो क्रुजसिप निकाल्ने तयारी गरिएको छ । नारायणी पुलको गैँडाकोट तर्फको छेउमा अड्किएको उक्त क्रुटसिप पुलको नजिकै नदी किनारमा रुखमा बाँधेर राखिएकोे थियो ।

सडक डिभिजन कार्यालय चितवनका इञ्जिनियर अर्जुन घिमिरे अनुसार क्रुजसिप पुलको गैँडाकोटतर्फको छेउको पिल्लरमा ठोकिएको अवस्थामा छ । नदीमा बाढी आइरहेकाले पुललाई जोखिम हुने भन्दै आइतबार साँझबाटनै क्रुजसिप हटाउने प्रक्रिया अघि बढाइएको थियो । त्यसका लागि तीन वटा क्रेन झिकाइएको छ ।

क्रुजसिप करिब ६० टन भार क्षमताको भएकाले सिङ्गै तान्न नसकिने भएकाले काटेर निकालिने उहाँले जानकारी दिनुभयो । यसअघि क्रुजसिप नारायणी नदीमा पर्यटकलाई जलयात्रा प्रयोग गरिँदै आएको थियो । क्रुज पुलमा अड्किएर पानी रोकिएपछि जोखिम हुने भन्दै प्रशासनले आइतबार साँझदेखि पुलमा ठूला भारबहान सवारी सञ्चालनमा रोक लगाएको छ ।

थप समाचारहरु

पर्वतमा बाढी, पाँच घर बगे पहिरोमा पुरिएर एक जनाको मृत्यु, तीन सय घर जलमग्न पहलमान सिंहस्वाँर मार्ग भासियो पूर्वप्रधानन्यायाधीश जबरालाई निवासमै सुरक्षा प्रदान गरिने पाल्पा पहिरोः पाँच जनाको मृत्यु वर्षा सहितको हिमपातले हुम्लाको जनजीवन प्रभावित बेबारिसे अवस्थामा तीन नाल भरुवा बन्दुक फेला मनसुनजन्य विपदबाट देशका विभिन्न राजमार्ग अवरुद्ध विमानस्थलबाट सुनसहित एक व्यक्ति पक्राउ क्षमताभन्दा बढी कैदीबन्दी : व्यवस्थापनमा चुनौती