सेयर बजारमा दोहोरो अंकको गिरावट, ५ अर्ब ३८ करोडको कारोबार

ललितपुर - साताको पहिलो कारोबार दिन सोमबार सेयर बजारमा गिरावट आएको छ । गत साता पनि घटेर बन्द भएको नेप्से परिसूचक सोमबार १६.४७ अंकले घटेको हो ।

कारोबार सकिँदा नेप्से परिसूचक २ हजार ६१३.३३ विन्दुमा झरेको छ । सोमबार २२३ कम्पनीको सेयर मूल्य घट्दा ५० कम्पनीको मूल्य बढेको छ भने ६ कम्पनीको सेयर मूल्य स्थिर रहेको छ ।

त्यस्तै, सेन्सेटिभ इन्डेक्स पनि १.३४ अंकले घटेर ४६७.६७ विन्दुमा पुगेको छ । कारोबारमा रहेका १३ उपसमूहमध्ये १२ उपसमूहको सूचक घटेको छ भने एउटा उपसमूहको सूचक बढेको छ ।

नेप्से घटेको दिन पनि कारोबार रकम भने ५ अर्ब रुपैयाँभन्दा माथि रहेको छ । सोमबार ३५७ कम्पनीका १ करोड ३१ लाख ७८ हजार १२८ कित्ता सेयर ५८ हजार ५०० पटक खरिद–बिक्री हुँदा कुल ५ अर्ब ३८ करोड ५७ लाख ८५ हजार ४१४ रुपैयाँको कारोबार भएको छ ।

सोमबारको कारोबारमा एक कम्पनीको सेयर मूल्यमा सकारात्मक सर्किट लागेको छ ।

थप समाचारहरु

मध्यपहाडी लोकमार्ग अवरूद्ध बाढीपहिरोबाट पृथ्वी राजमार्गसहित मुख्यसडक अवरुद्ध वर्षा सहितको हिमपातले हुम्लाको जनजीवन प्रभावित मनसुनजन्य विपदबाट देशका विभिन्न राजमार्ग अवरुद्ध घट्यो सुनचाँदीको मूल्य, कतिमा हुँदैछ कारोबार ? प्रतिनिधिसभाः सामाजिक सुरक्षासम्बन्धी विधेयकमाथि विचार गरियोस् भन्ने प्रस्ताव स्वीकृत