भोटेकोशी बाढी : कास्कीबाट पौने तीन करोड बढी सहयोग

ललितपुर - रसुवाको भोटेकोशी नदीमा गत भदौ १० गते आएको बाढीबाट प्रभावित परिवारको राहत, उद्धार तथा पुनःस्थापनाका लागि कास्कीबाट रु दुई करोड ८३ लाख ५३ हजार ९७७ सहयोग जुटेको छ ।

जिल्ला प्रशासन कार्यालय कास्कीका अनुसार विभिन्न सङ्घसंस्था, व्यवसायी, सामाजिक संस्था, क्लब, सहकारी, होटल तथा व्यक्तिहरूले राहतस्वरूप उक्त रकम प्रधानमन्त्री दैवी प्रकोप उद्धार राहत कोषमा जम्मा गरेका हुन् ।

सहायक प्रमुख जिल्ला अधिकारी चित्राङ्गत बरालका अनुसार हालसम्म जिल्लाका विभिन्न ८१ सङ्घसंस्थाबाट सहयोग गरिएको विवरण प्रशासनमा प्राप्त भएको छ । उहाँले सहयोगदाताहरूलाई आफूले प्रदान गरेको सहयोगको विवरण प्रशासनलाई जानकारी गराउन अनुरोध गरिएको बताउनुभयो ।

‘विपद् प्रभावित नागरिकका लागि जिल्लामा स्वतःस्फूर्त रूपमा ठूलो रकम जम्मा भएको छ । कतिपयले प्रशासनमा जानकारी गराउनुभएको छ भने कतिपयले जानकारी नगराई आफ्नै हिसाबले समेत सहयोग गरिरहनुभएको छ ।’ सहायक प्रजिअ बरालले भन्नुभयो ।

थप समाचारहरु

साउदी–पाकिस्तान–टर्कीबीच सैन्य क्षमता र सुरक्षा सहकार्य विस्तारमा जोड पाकिस्तानमा जबरजस्ती विवाहको शिकार बनेकी महिलाको उद्धार, स्पेनमा दुई जना पक्राउ कालीगण्डकीले पोखरेबगरको पुल बगायो बैङ्ककमा भीषण बाढी, हजारौं नागरिक विस्थापित कालीगण्डकीको बाढीले बेनीमा कटान गर्न थाल्यो गिवाङको पहिरोमा पुरिएका दुई जनाको शव फेला, दुई जनाको उद्धार प्रतिनिधिसभाको बैठक सुरु, यस्तो छ कार्यसूची इरानसँगको तनाव बढेपछि तेलको मूल्य बढ्यो, विश्व बजारमा दबाब सेयर बजारमा दोहोरो अंकको गिरावट, ५ अर्ब ३८ करोडको कारोबार अमेरिका–चीनले घटाउन सक्ने करका वस्तुको सूची सार्वजनिक