लगातार दोस्रो दिन घट्यो नेप्से, कारोबार रकम साढे ४ अर्बमा सीमित

ललितपुर - यो साता सेयर बजारमा लगातार दोस्रो दिन गिरावट आएको छ । अघिल्लो दिन पनि घटेको नेप्से परिसूचक मंगलबार दोहोरो अंकनजिकले घट्दै २६०३ विन्दुमा झरेको हो ।

मंगलबार कारोबार बन्द हुँदा नेप्से परिसूचक ९.६२ अंकले घटेर २६०३.७१ विन्दुमा पुगेको छ। सोमबार पनि नेप्से घटेको थियो ।

आज १९९ कम्पनीको सेयर मूल्य घट्दा ६९ कम्पनीको सेयर मूल्य बढेको छ भने १० कम्पनीको सेयर मूल्य स्थिर रहेको छ । त्यस्तै, सेन्सेटिभ इन्डेक्स १.०१ अंकले घटेर ४६६.६५ विन्दुमा पुगेको छ ।

आज कारोबारमा आएका १३ उपसमूहमध्ये ११ उपसमूहको सूचक घटेको छ भने दुई उपसमूहको सूचक बढेको छ । नेप्सेसँगै कारोबार रकममा पनि गिरावट आएको छ ।

अघिल्लो दिन ५ अर्ब रुपैयाँभन्दा बढीको कारोबार भएको बजारमा मंगलबार कारोबार रकम साढे ४ अर्ब रुपैयाँमा सीमित भएको छ ।

मंगलबार ३६३ कम्पनीका १ करोड १० लाख ६९ हजार ७४ कित्ता सेयर ५१ हजार २७४ पटक खरिद–बिक्री भएका छन्। दिनभरको कारोबार रकम ४ अर्ब ६५ करोड ४८ लाख ७८ हजार ४५ रुपैयाँ रहेको छ ।

थप समाचारहरु

सेयर बजारमा दोहोरो अंकको गिरावट, ५ अर्ब ३८ करोडको कारोबार बर्दघाट–सुस्तापूर्वका बस्ती डुबानमा नयाँ एआई मोडलको विकास रोक्दै ओपनएआई, थप सुरक्षा उपायमा जोड बढ्यो सुनचाँदीको मूल्य, कतिमा हुँदैछ कारोबार ? गाजा युद्धमा प्यालेस्टाइनी मृतकको सङ्ख्या ७४ हजार नाघ्यो अर्थमन्त्री डा वाग्ले र एआइआइबी अध्यक्ष जियायीबीच दोहामा भेटवार्ता पदमार्ग र पूर्वाधारको विकाससँगै पर्यटकीय गन्तव्य बन्दै ऐतिहासिक कोटगढी आमाको दूधलाई प्रतिस्थापनसम्बन्धी विधेयकमाथिको प्रस्ताव स्वीकृत बालबालिकामा शीघ्र श्वासप्रश्वास सङ्क्रमणको दर बढ्यो : जनस्वास्थ्य कार्यालय प्रतिनिधिसभाः राष्ट्रिय प्रतिरक्षा विश्वविद्यालय विधेयक, २०८३ प्रस्तुत हर्मुज खोल्ने इरानी प्रस्तावमा अमेरिकी जवाफको प्रतीक्षा मध्यपहाडी लोकमार्ग अवरुद्ध हुँदा सर्वसाधारणलाई सास्ती