२० अर्बको निक्षेप संकलन गर्दै राष्ट्र बैंक

ललितपुर - बैंकिङ प्रणालीमा रहेको अतिरिक्त तरलता व्यवस्थापन गर्न नेपाल राष्ट्र बैंकले २० अर्ब रुपैयाँको निक्षेप संकलन उपकरण जारी गर्ने भएको छ ।

राष्ट्र बैंकको मौद्रिक व्यवस्थापन विभागले असोज १४ गते २० अर्ब रुपैयाँको निक्षेप संकलनका लागि बोलकबोल आह्वान गरेको हो । यो उपकरण ३० दिनका लागि जारी हुनेछ ।

बोलकबोलमा सहभागी बैंक तथा वित्तीय संस्थाले असोज १४ गते दिउँसो ३ बजेसम्म अनलाइन बिडिङ सिस्टम (ओबीएसएस) मार्फत ब्याजदर र निक्षेप गर्न चाहेको रकम प्रस्ताव गर्नुपर्नेछ । प्रस्तावित ब्याजदरका आधारमा राष्ट्र बैंकले निक्षेप संकलन गर्नेछ ।

यसको साँवा तथा ब्याज कात्तिक १३ गते सम्बन्धित बैंक तथा वित्तीय संस्थालाई फिर्ता गरिनेछ ।

बोलकबोलमा न्यूनतम १० करोड रुपैयाँ र त्यसपछि १० करोड रुपैयाँले भाग जाने रकममा प्रस्ताव गर्न सकिनेछ । अधिकतम भने २० अर्ब रुपैयाँसम्म प्रस्ताव गर्न पाइनेछ ।

राष्ट्र बैंकले सबैभन्दा कम ब्याजदर प्रस्ताव गर्नेलाई पहिलो प्राथमिकता दिँदै २० अर्ब रुपैयाँसम्म रकम बाँडफाँट गर्नेछ । समान ब्याजदरमा गरिएको प्रस्तावको रकम २० अर्बभन्दा बढी भएमा समानुपातिक आधारमा रकम बाँडफाँट गरिनेछ ।

यस बोलकबोलमा राष्ट्र बैंकबाट इजाजतपत्र प्राप्त ‘क’, ‘ख’ र ‘ग’ वर्गका बैंक तथा वित्तीय संस्था मात्र सहभागी हुन पाउनेछन् ।

संकलन गरिएको रकम बैंक तथा वित्तीय संस्थाले आफ्नो लगानी पोर्टफोलियोमा समावेश गर्न पाउने छैनन् । तर उक्त रकमलाई वैधानिक तरलता अनुपात (एसएलआर) र तरलता अनुपातमा गणना गर्न सकिनेछ । अनिवार्य नगद मौज्दात (सीआरआर) मा भने गणना गर्न पाइने छैन ।

राष्ट्र बैंकका अनुसार तोकिएको भुक्तानी मितिभन्दा अगाडि यो निक्षेप फिर्ता वा भुक्तानी गरिने छैन ।

थप समाचारहरु

३० अर्बको एकमहिने निक्षेप सङ्कलनको बोलकबोल आह्वान बाँकेमा हुरीले धानबालीमा क्षति बर्दघाट–सुस्तापूर्वका बस्ती डुबानमा नयाँ एआई मोडलको विकास रोक्दै ओपनएआई, थप सुरक्षा उपायमा जोड मनाङको हिम्लुङ हिमालमा पहिरो, मानवीय क्षतिको आशङ्का गाजा युद्धमा प्यालेस्टाइनी मृतकको सङ्ख्या ७४ हजार नाघ्यो अर्थमन्त्री डा वाग्ले र एआइआइबी अध्यक्ष जियायीबीच दोहामा भेटवार्ता बिपी राजमार्ग : पुनर्निर्माणसँगै बाढी–पहिरोको चुनौती कायमै सदनमा बाढी पहिरोदेखि खाना पकाउने ग्याससम्म विषय सानिमा बैंकको २२औँ वार्षिक साधारणसभा सम्पन्न, १० प्रतिशत नगद लाभांश पारित बागलुङ पहिरोः मृतकको सङ्ख्या १२ पुग्यो बालबालिकामा शीघ्र श्वासप्रश्वास सङ्क्रमणको दर बढ्यो : जनस्वास्थ्य कार्यालय नेशनल लाइफको चारदिने कर्मचारी सीप अभिवृद्धि कार्यक्रम सम्पन्न मध्यपहाडी लोकमार्ग अवरुद्ध हुँदा सर्वसाधारणलाई सास्ती हुथी आक्रमणको सामना गर्न साउदीलाई पाकिस्तानको साथ