नेप्सेमा करिब १२ अंकको गिरावट, कारोबार रकम ४ अर्ब २९ करोडमा सीमित

ललितपुर - साताको अन्तिम कारोबार दिन शुक्रबार नेप्से परिसूचक ११.९० अंकले घटेर २ हजार ५८७.२५ विन्दुमा झरेको छ । अघिल्लो कारोबार दिन सामान्य बढेको बजार शुक्रबार भने दोहोरो अंकले घटेको हो ।

बिहीबार नेप्से ०.२६ अंकले बढेर २ हजार ५९९.१५ विन्दुमा बन्द भएको थियो । शुक्रबार सेन्सेटिभ इन्डेक्स १.७४ अंकले घटेको छ। त्यस्तै, फ्लोट इन्डेक्स ०.८१ अंक र सेन्सेटिभ फ्लोट इन्डेक्स ०.७१ अंकले घटेका छन् ।

नेप्सेसँगै कारोबार रकममा पनि कमी आएको छ। बिहीबार ४ अर्ब ८९ करोड रुपैयाँबराबरको कारोबार भएकोमा शुक्रबार ३५६ स्टकको ४३ हजार ६८५ पटकको कारोबारमा ४ अर्ब २९ करोड ३७ लाख ७४ हजार रुपैयाँबराबरको कारोबार भएको छ। यस दिन १ करोड १९ लाख १२ हजार कित्ता शेयर किनबेच भएका छन् ।

शुक्रबार एनएमबी डिबेञ्चर १०.७५ प्रतिशत २०८९/९० को मूल्य सर्वाधिक १४.२९ प्रतिशत बढेको छ। १०.७५ प्रतिशत एसबीएल डिबेञ्चर २०८९ को मूल्य करिब ९ प्रतिशत बढेको छ । माण्डु हाइड्रोपावरको शेयरमूल्य पनि करिब साढे ५ प्रतिशत बढेको छ ।

यस दिन कारोबारमा आएको सिन्धु विकास बैंकको शेयरमूल्य सर्वाधिक ८.५५ प्रतिशत घटेको छ ।

कारोबार रकमका आधारमा १०.७५ प्रतिशत एसबीएल डिबेञ्चर २०८९ शीर्ष स्थानमा रहेको छ । उक्त ऋणपत्रको २६ करोड ५३ लाख रुपैयाँबराबरको कारोबार भएको छ । त्यस्तै, रिलायन्स स्पिनिङ मिल्सको करिब साढे १५ करोड रुपैयाँ र आँखुखोला जलविद्युत कम्पनीको करिब १५ करोड रुपैयाँबराबरको शेयर कारोबार भएको छ ।

१३ उपसमूहमध्ये दुई उपसमूहको परिसूचक बढेको छ भने ११ उपसमूह घटेका छन् । म्युचुअल फन्ड र व्यापार उपसमूहको परिसूचक सामान्य बढेका छन् ।

उत्पादन तथा प्रशोधन उपसमूहको परिसूचक सर्वाधिक ०.७३ प्रतिशत घटेको छ । बाँकी अधिकांश उपसमूहमा पनि गिरावट देखिएको छ ।

थप समाचारहरु

सेयर बजारमा दोहोरो अंकको गिरावट, ५ अर्ब ३८ करोडको कारोबार लगातार दोस्रो दिन घट्यो नेप्से, कारोबार रकम साढे ४ अर्बमा सीमित नेप्से परिसूचक ४.८२ अङ्कले घट्यो झिनो अंकले बढ्यो सेयर बजार, ४ अर्ब ८९ करोडको कारोबार अर्थमन्त्री डा वाग्ले र एआइआइबी अध्यक्ष जियायीबीच दोहामा भेटवार्ता सदनमा बाढी पहिरोदेखि खाना पकाउने ग्याससम्म विषय बालबालिकामा शीघ्र श्वासप्रश्वास सङ्क्रमणको दर बढ्यो : जनस्वास्थ्य कार्यालय मध्यपहाडी लोकमार्ग अवरुद्ध हुँदा सर्वसाधारणलाई सास्ती हुथी आक्रमणको सामना गर्न साउदीलाई पाकिस्तानको साथ सडक भासिँदा रेसुङ्गा विमानस्थल जाने सडक अवरुद्ध स्लोभाकियाको आर्थिक वृद्धि बढ्ने, मुद्रास्फीति घट्ने अनुमान सामाजिक सञ्जालको दुरूपयोग रोक्न नीतिगत र कानुनी सुधार गरिँदैछ : सञ्चारमन्त्री डा तिमिल्सिना उपभोक्ताका रोजाइमा साल्ट ट्रेडिङद्वारा सञ्चालित सुपथ मूल्य पसल प्रतिनिधिसभाः जनअपेक्षाबमोजिमको काम भएन, प्रमुख प्रतिपक्ष दलका नेता आङ्देम्बे दक्षिणी लेबनानमा इजरायली हवाई इजरायली आक्रमण जारी ‘लुम्बिनी बौद्ध सर्किट’सम्बन्धी सम्झौतासहित अध्ययन, अनुसन्धान प्रक्रिया सुरु सडक अवरुद्ध : स्याउको चिन्तामा मुस्ताङका किसान