राजावादीले र गणतन्त्रवादीको प्रदर्शनस्थल छुट्टाछुट्टै : सुरक्षा व्यवस्थाका लागि ३५ सय प्रहरी परिचालन

काठमाडौँ । आज काठमाडौँको राजावादी र गणतन्त्रवादी दुवै पक्षको प्रदर्शन एकै साथ भइरहेको छ । गणतन्त्रावदीले मृकुटीमण्डबाट र्याली निकाल्दै छन् । यता राजावादीले भने तीनकुनेबाट आफ्नो शक्ति प्रदर्शन गर्ने भएका छन् । प्रदर्शनीमार्गमा गणतन्त्र पक्षधर समाजवादी मोर्चा र तीनकुनेमा व्यवस्था उल्टाउन लागि परेका पूर्वराजा समर्थकले प्रदर्शन गर्ने भएका छन् । समाजवादी मोर्चामा आबद्ध नेकपा (माओवादी केन्द्र), नेकपा (एकीकृत समाजवादी), नेपाल समाजवादी पार्टी र विप्लव नेतृत्वको नेकपाले भृकुटीमण्डपमा प्रदर्शन गर्ने भएका छन् ।

राजावादीहरुको प्रदर्शनीको नेतृत्व मेडिकल व्यवसायी दुर्गा प्रसाईं गर्ने छन् । उनको नेतृत्वको ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’को ब्यानरमा पूर्वराजका समर्थकहरूले तीनकुनेमा प्रदर्शन गर्दै छन् भने उता नवराज सुवेदी नेतृत्वको ‘राजसंस्था पुनर्स्थापनाका लागि संयुक्त जनआन्दोलन समिति’ले दुर्गा प्रसाईँसँगै मिलेर संयुक्त प्रदर्शन गर्न लागेको बुझिएको छ । सुवेदी नेतृत्वको समूहले आफ्नो छुट्टै प्रदर्शन स्थल सार्वजनिक नगरेको हुँदा प्रसाईँसँगै मिसिएर शक्ति प्रदर्शन गर्न लागेको पूर्वानुमान गरिएको छ ।

आजको शक्ति प्रदर्शनले सर्वसाधारणलाई पर्न जाने असरलाई मध्यनजर राख्दै सुरक्षा व्यवस्था कडा गरिएको छ । दुई पक्षधरको संयुक्त शक्ति प्रदर्शनको तयारीलाई मध्यनजर गर्दै उपत्यकाको सुरक्षा व्यवस्था र ट्राफिक व्यवस्थालाई सहज बनाउन र सम्भावित मुठभेड रोक्न उपत्यका प्रहरी कार्यालयले ३५ सय हाराहारीमा प्रहरी खटाउन लागेको छ । तीनकुने र प्रदर्शनीमार्गमा ठुलो संख्यामा प्रहरी परिचालन गर्ने प्रहरीको योजना छ । सुरक्षा कमान्ड जिल्ला प्रहरी परिसर काठमाडौँका प्रहरी वरिष्ठ उपरीक्षक विश्व अधिकारीले गर्ने भएका छन् । प्रदर्शन स्थलमा एसपी अपिल बोहराले खटिनेछन् ।

उपत्यकाको सुरक्षा व्यवस्थापनको लागि भद्रकालीस्थित जिल्ला प्रहरी परिसर काठमाडौँको कार्यालयमा ‘कमान्ड सेन्टर’ स्थापना गरिएको छ ।
शक्ति प्रदर्शन आजको एसईई परीक्षालाई मध्यनजर गर्दै परीक्षा ११ बजे सकिएपछि १२ बजेदेखि सुरु गर्ने तयारी छ ।
त्यसैगरी राजावादीहरुलाई चक्रपथभन्दा बाहिर मात्रै जुलुस निकाल्न दिने गरी प्रहरीले सुरक्षा रणनीति तयार गरेको छ । चाबहिलबाट तीनकुने र सातदोबाटो हुँदै तीनकुनेसम्म पूर्वराजका समर्थकलाई जुलुस निकाल्न दिने प्रहरीको रणनीति छ । भक्तपुरतर्फबाट आउने पूर्वराजा समर्थक तीनकुनेमा रोकिनेछन् ।

ट्राफिक व्यवस्थालाई सहज बनाउन भन्दै सुरक्षाकर्मीले भक्तपुरतिरबाट आउने समाजवादी मोर्चाका समर्थक सवार गाडीलाई भने कोटेश्वरबाट बालकुमारी तर्फ डाइभर्सन गरेर पठाउने भएको छ ।
यता समाजवादी मोर्चाले बबरमहलबाट माइतीघर र त्रिपुरेश्वर हुँदै प्रदर्शनीमार्गसम्म जुलुस निकाल्ने गरी रुट तय गरेको छ । कुपण्डोलमा भेला हुने मोर्चाका समर्थक त्रिुपरेश्वरबाट घुमेर प्रदर्शनीमार्ग पुग्नेछन् । सोह्रखुट्टेबाट पकनाजोल र जमल हुँदै त्रिचन्द्रतर्फ जुलुस निकाल्न मोर्चालाई जिल्ला सुरक्षा समितिले अनुमति दिएको छ । आजको प्रदर्शनका लागि संघीय समाजवादी मोर्चाले १ हजार स्वयंसेवक परिचालन जानकारी गराएको छ ।

माओवादी केन्द्रका अनुसार प्रत्येक प्रदेश कमिटीहरुलाई १०–१० हजारको दरले समर्थक भेला पार्न भनिएको छ । त्यसैगरी जनवर्गीय संगठनहरुलाई पनि ३ देखि ५ हजार जनशक्ति उतार्न भनिएको छ । त्यसैले विरोध र्यालीमा लाखौको संख्यामा मानिस उर्तन अनुमान गरिएको छ ।

थप समाचारहरु

ग्लोबल मनी विकमा नबिल बैंकको देशव्यापी कार्यक्रम संसदको दुवै सदनको बैठक आज यस्तो छ समाजवादी मोर्चाको विरोध सभाको रुट प्रधानमन्त्री ओली र थाइल्याण्डका समकक्षी पेटोङटार्न सिनावात्राबीच भेटवार्ता राप्रपाको प्रदशनसँगै विभिन्न स्थानमा सवारी ड्राइभर्सन राष्ट्रिय झण्डामा आन्दोलन आवश्यक : राप्रपा स्थगित माओवादी केन्द्रको जागरण अभियान पुन नवलपुरबाट सुरु सुस्मिता स्याङतानको आवाजमा ‘कुलमान दाइ’ गीत सार्वजनिक, सामाजिक सञ्जालमा भाइरल निर्वाचन आयोग मतदाता नामावली अद्यावधिक गर्दै विद्या भट्टराईको राजीनामाप्रति एमाले दुई खेमामा विद्युत् उत्पादन बढाएर मुलुकको अर्थतन्त्र सुधारौं : पशुपतिशमशेर भन्सार विधेयक पारित हिंसात्मक राजनीतिबाट एमाले पनि पीडित छ : प्रधानमन्त्री ओली कोशी प्रदेशमा तीनदिनसम्म गणतन्त्र दिवस मनाइने साउदीमा बन्धक बनाइएका नेपालीको तत्काल उद्धार गरौं : ज्ञानबहादुर शाही खानेपानी मन्त्री यादवद्धारा सिंहदरबारमा मेलम्चीको शुद्ध खानेपानी वितरण कार्यको शुभारम्भ गृहमन्त्रीको बर्खास्तीको माग गर्दै सर्वोच्च अदालतमा रिट-दर्ता हुन भने बाँकी रविको रिटमा आदेश आउदै- सर्वोच्च र रुपन्देही कारागार अगाडि कार्यकर्ताको भिड