भक्तपुर जिल्ला अदालतले वर्ष दिनमा ३६८१ मुद्दा फछर्यौट

सन्जिब दुलाल

भक्तपुर १ साउन २०८१  -भक्तपुर जिल्ला अदालतमा चालु अवस्थामा रहेका पुराना मुद्दालाई दसैँ सम्म सम्पन्न गर्ने लक्ष्यका साथ काम गर्ने भक्तपुर जिल्ला अदालतका प्रमुख न्यायाधीश वासुदेव न्यौपानेले बताउनुभएको छ ।
अदालतमा आयोजित वार्षिक समीक्षा कार्यक्रमका क्रममा उहाँले पुराना मुद्दालाई फर्छ्यौट गर्ने लक्ष्यका साथ आगामी आर्थिक वर्षमा हप्ताको दुई दिन पुराना मुद्दाका पेशी चढाएर भए पनि पुराना मुद्दा किनारा लगाउने उहाँले बताउनुभएको हो ।
भक्तपुर जिल्ला अदालतमा हाल १८ महिना नाघेका २ वर्ष सम्म अवधिका मुद्दा १७४, २ वर्ष नाघेका २८५ र डीसीएम पूर्वका १३ मुद्दा चालु अवस्थामा रहेका भक्तपुर जिल्ला अदालतका श्रेष्तेदार ऋतवहादुर पुलामी मगरले जानकारी दिनुभयो । उहाँका अनुसार आर्थिक वर्ष २०८० ८१ मा जिम्मेवारी सरेर आएका २५९४ मुद्दा रहेका थिए भने वर्ष भरीमा ५०१२ मुद्दा दर्ता भएका थिए । वर्ष भरीमा जम्मा ७६०६ मुद्दामा ३६८१ फर्छ्यौट गरिएको श्रेष्तेदार पुलामी मगरले बताउनुभयो । उहाँका अनुसार बालबालिका सम्बन्धी मुद्दाको सवालमा भने ४१ वटा लगत रहेकोमा ३३ वटा फर्छ्यौट गरिएको अव बाँकी मुद्दा सङ्ख्या ८ रहेको जसमा एक बालबालिका थुनुवा रहेको समेत उहाँले जानकारी दिनुभएको थियो ।
श्रेष्तेदार पुलामी मगरका अनुसार वर्ष भरीमा सरेर आएका र नयाँ मुद्दा अन्तर्गत देवानी मुद्दा ३९७० रहेकोमा २१८२ वटा यो वर्ष फर्छ्यौट गरिएको यस्तै व्यक्तिवादी फौजदारीमा १८०३ मुद्दा रहेकोमा ७९९ फर्छ्यौट भएको, सरकारवादी फौजदारी मुद्दा सङ्ख्या १७३२ रहेकोमा ६५५ वटा फर्छ्यौट भएका, साथै पुनरावेदन भएर आएका ४० मुद्दामा १२ वटा फर्छ्यौट भएका रिट मार्फत दर्ता भएका निषेधाज्ञा ६१ मा ३३ वटा फर्छ्यौट भएको छ ।
भक्तपुर जिल्ला अदालतमा थुनुवा मुद्दा जम्मा ७२ मुद्दा रहेको र थुनुवा सङ्ख्या भने ८५ रहेको यस्तै निरन्तर सुनुवाइ हुने मुद्दा सङ्ख्या भने लगत ९२ रहेको जसमा ५६ फर्छ्यौट गरी सकिएको बाँकी ३६ रहेको अदालतका सूचना अधिकारी भिमवहादुर पाण्डेले जानकारी दिनुभएको छ । यस्तै विशेष प्रकृतिको निवेदन लगत ६९९ रहेकोमा ६९४ वटा मुद्दा फर्छ्यौट भई सकेको छ भने ५ वटा मुद्दा बाँकी रहेका उहाँले जानकारी दिनुभयो ।
वर्ष भरीमा अदालतले ३८८० मुद्दा फर्छ्यौट गर्ने लक्ष्य लिएकोमा भक्तपुर जिल्ला अदालतले ३६८१ मुद्दा फर्छ्यौट गरेको छ जुन ९४।८७ प्रतिशत रहेको भक्तपुर जिल्ला अदालतले जानकारी दिएको छ ।
जिल्ला अदालतको वार्षिक समीक्षा कार्यक्रममा अदालतमा वर्ष भरी उत्कृष्ट रहेका ४ कर्मचारीलाई सम्मान समेत गरिएको थियो ।
भक्तपुर जिल्ला अदालतमा हाल ६ वटा इजलास रहेका छन् । जसमा इजलास १ मा माननीय प्रमुख न्यायाधीश वासुदेव न्यौपाने २ नम्वर इजलासमा माननीय न्यायाधीश उपेन्द्रप्रसाद गौतम ३ नम्वर इजलासमा माननीय न्यायाधीश श्रीप्रसाद संजेल ४ नम्वर इजलासमा माननीय न्यायाधीश महेन्द्रप्रसाद पोखरेल ५ नम्वर इजलासमा माननीय न्यायाधीश रामप्रसाद न्यौपाने र ६ नम्वर इजलासमा माननीय न्यायाधीश दुर्गादेवी गुरुङ्ग रहनुभएको छ ।

थप समाचारहरु

प्रभु बैंकको खुद नाफामा उल्लेख्य सुधार त्रिदेशीय नाका फूलबारी –बङ्गलाबन्घु सञ्चालनमा, बङ्गलादेशसँगको आयात निर्यात सहज इन्जिनियरिङ पढ्ने विद्यार्थीहरूलाई १५ करोडको छात्रवृत्ति दिँदै नेक महालक्ष्मी विकास बैंक अन्तराष्ट्रिय स्तरमा मान्यता प्राप्त प्रमाणित कम्पनी घनश्याम विश्वकर्मा ग्लोकल टीन हिरो नेपाल २०२४ उपाधिबाट सम्मानित बन्दीपुरहिल तीज सप्ताहन्न उत्सवको भव्य समापन, कसरी सम्भव बन्यो यति लामो तीज मेला सिटी एक्सप्रेसको दशैं-तिहार योजना सार्वजनिक ‘१८औं वर्षमा १८ गुणा, परिवारमा खुशी लाखौ गुणा’ महालक्ष्मी साहित्य पुरस्कार २०८० महाकाब्यकार मुना अर्याललाई प्रदान महालक्ष्मी विकास बैंकद्धारा चणिकलाल तामाङलाई सम्मान लुम्बिनी विकास बैंकले पाँच उपाधि जित्यो माछापुच्छ्रे बैंकद्वारा प्रधानमन्त्री दैवी प्रकोप उद्धार कोषमा २५ लाख सहयोग अपर राहुघाट जलविद्युत् आयोजना निर्माणको अन्तिम चरणमा पर्यटक र पूर्वाधारको पर्खाइमा चाङ्गा अन्नपूर्ण क्षेत्रमा एक महिनामै ३३ हजारभन्दा बढी पर्यटक भित्रिए आज दिगो ‘ग्याट्रोनोमी’ दिवस ‘छोरी काखामा, बचत खातामा’ प्रधानमन्त्रीद्वारा राष्ट्रिय धान दिवसको शुभकामना झाँक्रीलाई तीन दिने स्पष्टीकरण