माओवादी सांसदद्वारा प्रधानमन्त्रीको आलोचना

काठमाडौं । माओवादीका केही सांसादहरुले प्रधानमन्त्रीको आलोचना गरेक छन् । उनीहरुले समस्या समाधान गर्न नसकेको भन्दै प्रधानमन्त्री ओलीको राजीनामा समेत माग गरे ।

सांसदहरुले आन्दोलनरत शिक्षकहरुका माग सम्बोधन गर्न नसकेको भन्दै प्रधानमन्त्रीको राजीनामा मागेका हुन् । महिनादिनदेखि शिक्षक, विद्यालय कर्मचारी र चिकित्सकहरु सडक आन्दोलन गरिरहँदा यो सरकार रमिते भएको आरोप लगाउँदै यस्तो सरकाररलाई पदमा रहिरहने नैतिकता नभएको भन्दै माओवादी सांसदले सरकारको राजीनामा माग गरेका हुन् ।

शिक्षक आन्दोलनप्रति सरकारको ध्यानाकर्षण गराउँदै सांसदहरुले शिक्षकहरु २८ दिनदेखि सडक आन्दोलनमा रहेका बेला सरकार रमिते बनिरहेको आरोप लगाए ।

मंगलबार बसेको प्रतिनिधिसभाको बैठक सुरु हुनासाथ प्रतिपक्षी दलका सांसदहरु आ–आफ्नो ठाउँबाट उठेका थिए । त्यसपछि सभामुख देवराज घिमिरेले प्रमुख प्रतिपक्षी दल नेकपा माओवादी केन्द्रका प्रमुख सचेतक हितराज पाण्डेलाई बोल्न समय दिएका थिए ।

पाण्डेले शिक्षक र चिकित्सकका आन्दोलनका सम्बन्धमा दर्ता गराएको जरुरी सार्वजनिक महत्वको प्रस्तावमाथि छलफल गर्न माग गरे ।

यसैगरी नेपाली कांग्रेसका सांसद रामहरि खतिवडाले शिक्षकहरु सबै दलका भएको भन्दै उनीहरुका माग सम्बोधन गरी तुरुन्तै विद्यालयमा पठाउन माग गरे । उनले नवनियुक्त शिक्षामन्त्री रघुजी पन्तलाई जवाफ दिन पनि माग गरे । यसै सन्दर्भमा सांसद खतिवडाले राष्ट्र बैंकमा तत्काल गभर्नर नियुक्तिको माग गरे ।

यसैगरी माओवादी केन्द्रकी सांसद रेखा शर्माले विषयको गाम्भिर्यता हेरी शिक्षकहरुका माग सम्बोधन गर्न माग गरिन् । तर सरकारले परिस्थिति सम्हाल्नुको साटो झन् भड्काउने कामग गरेको बताउँदै उनले भनिन्, ‘समस्या समाधान गर्न छिटो भन्दा छिटो सरकार अग्रसर बनोस् रमिते नबनोस् ।’

माओवादीकै अर्का सांसद महेन्द्रबहादुर शाहीले भने प्रधानमन्त्री केपी शर्मा ओलीको राजीनामा मागे । शिक्षक र चिकित्सक आन्दोलनमा रहेको र कर्मचारीहरु पनि आन्दोलनमा जाने तयारीमा रहेको भन्दै उनले सरकारले उनीहरुका कुरा नसुनेको भन्दै आलोचना गरे । त्यसैले पदमा रहीरहने नैतिकता प्रधानमन्त्रीले गुमाएको उनको भनाइ छ ।

नेकपा एमालेका प्रमुख सचेतक महेश बर्तौला र अर्का सांसद ठाकुर गैरेले शिक्षकहरु सरकार र सरकारमा भएका नेताहरुबीच निरन्तर वार्ता भइरहेको भन्दै समस्या समाधान हुने विश्वास व्यक्त गरे ।

यस्तै रास्वपाका सांसद मनिष झाले सरकारले राप्रपाका वरिष्ठ नेता रविन्द्र मिश्रलाई हतकडी लगाएर थुनामा राखेको भन्दै विरोध जनाए । उनले सुशासनको कुरा गर्ने सरकारले प्रधानमन्त्री र मन्त्रीहरुको सम्पत्ति विवरण किन सार्वजनिक नगरेको भनेर पनि प्रश्न गरे ।

त्यसैगरी राप्रपाकी सांसद रोशन कार्कीले सरकारले आन्दोलनमा उठेका माग नसुनेको भन्दै आलोचना गरिन् । सहकारी पीडित महिलाहरुले सोमबार अर्धनग्न प्रदर्शन गरेको भन्दै उनले त्यसरी महिलाहरुलाई प्रदर्शन गर्न बाध्य नपार्न सरकारको ध्यानाकर्षण गराइन् ।

थप समाचारहरु

रवि लामिछानेको बन्दी प्रत्यक्षीकरणको रिट हेर्दाहेर्दैमा मन्त्रिपरिषद् बैठक सुरू-गभर्नर नियुक्ति लगायतका बिषयमा निर्णय हुने गृहमन्त्रीको बर्खास्तीको माग गर्दै सर्वोच्च अदालतमा रिट-दर्ता हुन भने बाँकी रविको रिटमा आदेश आउदै- सर्वोच्च र रुपन्देही कारागार अगाडि कार्यकर्ताको भिड पहिले बहस गरेका वरिष्ठ अधिवक्ता पन्तले नेपाललाई पुर्पक्षका लागि थुनामा पठाउन गरे माग राम्रो काम गर्ने कर्मचारीलाई दण्डित गर्ने काम भयो : शक्तिबहादुर बस्नेत विमष्टेक शिखर सम्मेलनमा भाग लिन प्रधानमन्त्री ओली थाइल्याण्ड जाँदै यस्तो छ आज सागसब्जी र फलफूलको मूल्य कानुन समितिको वार्षिक प्रतिवेदन पारित, आगामी संसद् बैठकमा पेस हुने एमालेले पार्टी सदस्यता साढे सात लाख पुर्‍याउने पूर्वमन्त्री मोहनबहादुर बस्नेतको सांसद पद निलम्बनमा : १७ वर्ष कैद सजाय माग रवि र छविको मुद्दा आज पनि ’हेर्दाहेर्दै’ मा स्थिरता र समृद्धिका लागि प्रत्यक्ष निर्वाचित कार्यकारी व्यवस्था आवश्यकः अध्यक्ष दाहाल नेकपा एमालेको केन्द्रीय सचिवालय बैठक केहिबेरमा बस्दै चक्रपथ र चक्रपथभित्रका धेरै ठाउँमा दुई महिनासम्मका लागि प्रदर्शन गर्न रोक कांग्रेस र माओवादी केन्द्रका नेताहरूबिचको छलफल विना निष्कर्ष राजु पाण्डेको निलम्बन विरुद्धको बहस सकियो राष्ट्रियसभाको बैठक बस्दै