गर्भनर सिफारिस समितिको बैठक स्थगित

काठमाडौ । नेपाल राष्ट्र बैंकको गभर्नर नियुक्तिका लागि सरकारले गठन गरेको सिफारिस समितिको आजका लागि बोलाइएको बैठक स्थगित भएको छ । यसअघि समितिका सदस्य विजयनाथ भट्टराईले राजीनामा दिएपछि रिक्त भएको सदस्यमा निवर्तमान गभर्नर महाप्रसाद अधिकारीलाई सरकारले नियुक्त गरेपछि समितिको पहिलो बैठक आजका लागि बोलाइएको थियो । अर्थमन्त्री विष्णु पौडेलको कार्यव्यस्तताको कारण देखाउँदै आजका लागि बैठक स्थगित भएको छ ।

सरकारले चैत १६ गते अर्थमन्त्री पौडेलको संयोजकत्वमा गर्भनर नियुक्त गर्न तीन सदस्यीय समिति गठन गरेको थियो। जसमा विश्व पौडेल र विजयनाथ भट्टराई सदस्य थिए । तर वैशाख १० गते सदस्य भट्टराई बाहिरएपछि उक्त स्थानमा अधिकारीलाई सदस्य बनाइएको हो ।

यतिका समयसम्म पनि सरकारको सिफारिस समितिले नयाँ गर्भनरको नाम चयन गर्न नसक्दा गभर्नर नियुक्ति प्रक्रिया झन लम्बिँदै गएको छ । गत चैत २५ गतेदेखि नेपाल राष्ट्र बैंकले गर्भनर पाउन सकेको छैन । सत्ताका प्रमुख घटक नेपाली कांग्रेस र नेकपा (एमाले) बीच गभर्नरमा डा. गुणाकर भट्टलाई बनाउने सहमति भएपछि उनले राष्ट्र बैंकको प्रमुख कार्यकारी निर्देशकबाट राजीनामा पनि दिएका थिए । तर उनको राजीनामा अहिलेसम्म स्वीकृत भएको छैन ।

राजनीतिक भागबण्डाका कारण करिव महिनादिनदेखि नेपाल राष्ट्र बैंक गभर्नर विहीन छ । राष्ट्र बैंककी कायममुकायम गभर्नर डा. नीलम ढुंगानाले डा. गुणकर भट्टको राजीनामा स्वीकृत गर्न ढिलाई गरेपछि अर्थमन्त्री पौडेलले राजीनामा स्वीकृत गर्न निर्देशन दिएका थिए । 

राष्ट्र बैंकको गभर्नरको दौडमा सम्भावित तीनजनाको नाम आए पनि डा. गुणाकर भट्टको सम्भावना भने बलियो देखिन्छ । सत्ता गठबन्धन भित्र भट्टकै नाम सहमति भइसकेका पनि गर्भनरमा उनको सम्भावना बलियो मान्न सकिन्छ ।

थप समाचारहरु

लोडसेडिङ कसैको चमत्कारले अन्त्य भएको होइन: प्रधानमन्त्री संवैधानिक परिषद् विधेयक संसदको कार्यसूचीबाट हट्यो त्रिभुवन विश्वविद्यालयको स्ववियु निर्वाचन आज नेपाल र थाइल्याण्डका दुई प्रधानमन्त्री बीच भेटवार्ता सुन–चाँदीको मूल्यमा गिरावट आजको सडक आन्दोलनः नाच्दै, गाउँदै र सिठ्ठी बजाउँदै शिक्षकहरु देशका अधिकांश भागमा जलवाष्पयुक्त हावाको प्रभाव काठमाडौं लगायत देशका विभिन्न स्थानमा बिहानैदेखि हावाहुरी सहित वर्षा सुनको मूल्यले बनाउँदैछ दैनिक नयाँ रेकर्ड, आज कति पुग्यो ? “स्वनिगः” सहरमा नयाँ गन्तव्य नेपाल इन्जिनियरिङ कलेजमा पूर्वविद्यार्थीहरुको जमघट हुँदै आज तरकारी र फलफूलको मूल्य यस्तो रह्यो आजका लागि निर्धारित तरकारी तथा फलफूलको थोक मुल्य राष्ट्रिय वाणिज्य बैंकको ऋणपत्रमा आवेदन दिने समय बढ्यो, वैशाख २१ सम्म आवेदन दिन सकिने मध्यरातदेखि मानदेवकालीन कान्तिभैरव जात्रा सुरु    मंगलबारका लागि निर्धारित विदेशी मुद्राको विनिमयदर आज जानकी नवमी, जनकपुरमा जानकी जयन्ती मनाइँदै युरोपका नेपाली समुदायलाई प्रधानमन्त्रीको आग्रह: ‘सक्दो छिटो स्वदेश फर्कनुस्’