बैङ्कहरूको कालोसूचीमा धितो मूल्याङ्कनकर्ता

काठमाडौं । बैंकहरुले धमाधम मूल्याङ्कनकर्तालाई कालोसूचीमा राख्न थालेपछि मूल्याङ्कनकर्ताहरुमा चिन्ता पैदा भएको छ । धितोको मूल्य घट्दै जाँदा बैङ्कहरूले मूल्याङ्कनकर्तालाई कालोसूचीमा राख्न थालेका हुन् ।

नेपाल मूल्याङ्कनकर्ता एसोसिएसनले धितोको मूल्य बढेको समयमा भएको मूल्याङ्कन र अहिले कारोबार कम हुँदा भएको मूल्याङ्कनको विषयलाई लिएर बैङ्कहरूले मूल्याङ्कनकर्तालाई कालोसूचीमा राख्न नहुने तर्क राखेका छन् ।

भ्यालुअर्स एसोसिएसनका अध्यक्ष ई सञ्जयकुमार महतोले बैङ्कहरूले धमाधम नेपाल राष्ट्र बैङ्कको निर्देशिका देखाएर मुल्याङ्कनकर्तालाई कालोसूचीमा राख्न थालेको बताए । कोभिड अगाडिको मूल्याङ्कन र कोभिड पछाडिको मूल्याङ्कनमा दुई तिहाइ नपुगे मूल्याङ्कनकर्ताहरूलाई कालोसूचीमा राख्ने गरेको उनको भनाइ छ । “यसले गर्दा मूल्याङ्कनकर्ताहरूमा निराशा छाएको छ, यही अवस्था रहे मूल्याङ्कन गर्ने(नगर्ने भन्ने विषय अन्योल हुन्छ”, उनले भने ।

अहिले देशका हरेक ठाउँमा धितोको मूल्याङ्कन औसतमा ३० प्रतिशतभन्दा धेरैले घटेको उल्लेख गर्दै उनले मूल्याङ्कनकर्ताहरूलाई बैङ्कहरूले कालोसूचीमा राख्न नहुने बताए । केन्द्रीय सल्लाहाकार ई लक्ष्मणबाबु सेढाईले आफूहरूले बैङ्क र बैङ्कका ग्राहक बीचमा समन्वयको काम गर्ने भएकाले कालोसूचीमा राख्नु गलत भएको बताए । “बैङ्कहरूले मूल्याङ्कनकर्ताहरूलाई कारबाही गर्नतर्फ लाग्दा समस्या आउने देखिएको छ”, उनले भने ।

अहिलेको समय धितोका रूपमा राखिने जग्गा र अन्य मेसिनरी सामानहरूको मूल्य घटेको भन्दै उनले यो अवस्थामा बैङ्कहरूले सोचेर काम गर्नुपर्नेमा जोड दिँदै यस्ता गतिविधिले इञ्जिनियरहरू धमाधम पलायन हुने अवस्था आउने बताए ।

त्यसैगरी एसोसिएसनका कोशी प्रदेश अध्यक्ष ई आमोदराज आचार्यले कालोसूचीमा राख्ने कानुनी मान्यता नरहेको भए पनि बैङ्कहरूले कारबाही गर्ने गरेको बताए ।

यस्तै, एसोसिएसन चितवन च्याप्टरका अध्यक्ष सञ्जयचन्द्र न्यौपानेले बैङ्कका ऋणीहरूलाई सहजीकरण गर्ने मूल्याङ्कनकर्ताहरूलाई हतोत्साहित बनाउने काम बैङ्कहरूले गरेको उल्लेख गरे । बैङ्कहरूले दोस्रो पटक मूल्याङ्कन गर्ने र ऋणीहरूको धितो कम मूल्यमा लिलाम गर्ने गरेको उनको भनाइ छ ।

चितवन च्याप्टरका संस्थापक अध्यक्ष ई ईश्वरीप्रसाद कौडालले अहिले अस्वस्थ प्रतिस्पर्धाका कारण मूल्याङ्कनकर्ताहरूमा समस्या आउन थालेको बताए ।

त्यसैगरी नेपाल इञ्जिनियर्स एसोसिएसन भरतपुर केन्द्रका अध्यक्ष कृष्ण रिजालले समय र परिस्थितिअनुसार धितोको मूल्य घटबढ हुने कुरालाई बैङ्कहरूले बुझ्नुपर्ने बताउँदै नेपाल भ्यालुयर्स एसोसिएसनमा अहिले चार हजारभन्दा बढी इञ्जिनियर आबद्ध रहेको समेत प्रष्ट पारे ।

थप समाचारहरु

ग्रीन डेभलपमेन्ट बैंकको नयाँ शेयरमूल्य निर्धारण हिमालयन बैंकले हविवको शेयर बेच्ने स्वीकृति पाएको छैन– राष्ट्र बैंक एलआईसी नेपालको नयाँ बोनसदर सार्वजनिक नेशनल लाइफ इन्स्योरेन्सको बोनस दर सार्वजनिक नेको इन्सुरेन्सको २ लाख २५ हजार कित्ता शेयर लिलामीमा राष्ट्रिय वाणिज्य बैंकको ऋणपत्रमा आवेदन दिने समय बढ्यो, वैशाख २१ सम्म आवेदन दिन सकिने एनएमबि बैंकले ऋणपत्र निष्कासन गर्ने रिलायन्सको आईपीओ नरोक्न उच्च अदालतको आदेश आज १६१ कम्पनीको शेयर मूल्य बढ्यो मौद्रिक नीतिपछिको पुँजी बजारः नेप्से परिसूचकमा २९ अङ्कको सुधार सर्वसाधारणका लागि आईपीओ निष्काशन गर्दै दरमखोला हाइड्रो इनर्जी नेप्से परिसूचक झिनो अङ्कले घट्यो, १९ अर्बभन्दा बढीको कारोबार नेपाल इन्फ्रास्ट्रक्चर्स इन्भेष्टमेन्ट फण्ड लिमिटेडले साधारण शेयर निष्काशन गर्ने नेप्से परिसूचक ४७.९३ अंकले घट्यो, करिव साढे १४ अर्ब बराबरको कारोबार एशियन लाईफ इन्स्योरेन्स कम्पनी लिमिटेडको हकप्रद शेयरमा आवेदन दिने म्याद थप नेप्से परिसूचक उकालो लाग्दा आठ अर्ब ५३ करोडको कारोबार नेप्से परिसूचक २६ अङ्कले घट्यो नेप्से परिसूचक बढ्यो