बिजनेस पाटी
भक्तपुर । स्वास्थ्य तथा जनसङ्ख्यामन्त्री प्रदीप पौडेलले भक्तपुर क्यान्सर अस्पताललाई उपचारमा नमुना बनाउँदै विदेश उपचार गर्न जानेको सङ्ख्या घटाउने लक्ष्यसहित बालचिकित्सा सघन एकाइ सुरुआत गरिएको बताएका छन् ।
भक्तपुर क्यान्सर अस्पतालमा क्यान्सरपीडित बालबालिकाको विशेष उपचारका लागि बालचिकित्सा सघन एकाइको आज उद्घाटन गर्दै उहाँले भारतलगायत विदेशमा उपचारका लागि जानेको सङ्ख्या घटाउन अस्पतालका सुविधा विस्तार गर्दै लगिएको बताए। उनले स्वदेशमा सहज सेवा पाउने वातावरण तयार गरिने प्रतिबद्धता समेत जनाएका छन्।
मन्त्री पौडेलले यसअघि बाल क्यान्सर उपचार निःशुल्क कार्यान्वयन गर्ने निर्णय गरेपछि वैशाखभरि सघन एकाइ सञ्चालनको तयारी गरिएको थियो । सोही निर्णय कार्यान्वयन गर्दै बालबालिकाको उपचारका लागि बालचिकित्सा सघन एकाइको सुरुआत गरिएको मन्त्रालयले जनाएको छ ।
मन्त्री पौडेलले बाल क्यान्सर उपचार निःशुल्क गराउँदा राज्यलाई थप भार नपर्ने गरी आन्तरिक स्रोतबाट व्यवस्थापन गरिएको जनाउँदै सकेसम्म थप दायित्व नपर्ने गरी विभिन्न किसिमका उपचार सेवा सुधार र विस्तार गर्दै जाने उल्लेख गरे। उनले भने, “हामीसँग आर्थिक अभाव छ, यसलाई मध्यनजर गर्दै अधिकतम स्रोतको उपयोग गरेर नागरिकलाई सहज र सर्वसुलभ सेवा प्रदान गरिरहेका छौँ ।”
आफूले गरेको पहिलो निर्णय क्यान्सर नियन्त्रण रणनीति स्वीकृत रहेको जनाउँदै स्वास्थ्यमन्त्रीले क्यान्सर उपचारलाई सहज, पहुँचयोग्य र सुलभ बनाउन यथासम्भव काम गरिने बताएका छन्। आगामी आर्थिक वर्षमा क्यान्सर नियन्त्रणलाई प्राथमिकतामा राखेर बजेट विनियोजन गरिने जानकारी समेत मन्त्री पौडेलले गराए ।
एकाइमा बालबालिकाका लागि आइसीयुका चार, दिवा हेरचाह चार र साधारण शय्या सात रहेका अस्पतालका निमित्त कार्यकारी निर्देशक डा. उज्ज्वल चालिसेले जानकारी दिए। अस्पतालमा सेवा विस्तार तथा स्तरोन्नतिका लागि मन्त्री पौडेलले प्राथमिकता दिएर योजना अघि बढाइएको स्वास्थ्य तथा जनसङ्ख्या मन्त्रालयले जनाएको छ ।
थप समाचारहरु
वीर अस्पतालका १५ स्वास्थ्यकर्मीलाई कोरोना संक्रमण
प्रधानमन्त्रीद्वारा झापाको गौरादहस्थित नगर अस्पतालको शिलान्यास
नेपाल मेडिकल कलेजद्वारा हजयात्रीहरुलाई औषधी सहयोग
स्वास्थ्य तथा जनसंख्या मन्त्रालयलाई ९५ अर्ब ८१ करोडको बजेट, सबै प्रदेशमा जलन उपचार विभाग स्थापना गरिने
चितवनको मह पौष्टिक तत्त्वले भरिपूर्ण
छ करोड लागतमा अस्पताल भवन निर्माण
भाटभटेनी समूहद्वारा नौ करोड ५० लाख बराबरको भवन त्रिवि शिक्षण अस्पताललाई हस्तान्तरण
नेपाल लाइफद्वारा किओचलाई बाल अस्पताल निर्माण गर्न १ करोड रुपैयाँ सहयोग
एचआइभी परियोजनाको ८ करोड गायब, चञ्चलाले खोजिन् पारदर्शिता
अर्थ र स्वास्थ्य मन्त्रालयबीच बजेट कार्यान्वयनबारे छलफल, २१ सय जनशक्ति थप्न प्रस्ताव
‘एफपीसीए’लाई सोसाइटी इन्टरनेशनलको आर्थिक सहयोग
गर्मी मौसममा शरीरमा पानीको मात्रा कम हुन नदिन खानुहोस् यस्ता खानेकुरा
सुन–चाँदीको मूल्यमा भारी गिरावट
आई. एम. ई. लाइफ इन्स्योरेन्स कम्पनीका बीमित, अभिकर्ता तथा कर्मचारीहरुलाई आमा हस्पिटलमा ५०% सम्म छुट
सुनको मूल्य स्थिर, चाँदीमा केही बढ्यो, कतिमा हुँदैछ कारोबार ?
आगामी आवको मौद्रिक नीतिबारे योजना आयोग उपाध्यक्ष र राष्ट्र बैंकका गर्भनरबीच छलफल
नयाँ बैंक नोट प्रकाशनको लागि चित्र र आकार स्वीकृत: साउन १६ लाई राष्ट्रिय कोदो दिवसका रूपमा मनाइने
स्वास्थ्य मन्त्रालयको एक वर्षःसीमित स्रोतमा उल्लेखनीय सफलता हासिल गरेको दाबी
फेसबुकबाट तपाईको प्रतिक्रिया