प्रतिगमनको कुचेष्ठालाई धुलो पिठो बनाइने ओलीको जवाफ : सरकारले धरपकड गर्न सक्ने भन्दै राजावादी समूहले मानव अधिकार आयोग गुहार्यो

ललितपुर । प्रधानमन्त्री केपी शर्मा ओलीले कुनै पनि प्रतिगमनको कुचेष्ठालाई धुलो पिठो बनाइने जवाफ दिएका छन् ।
केही दिनअघि राप्रपाका अध्यक्ष राजेन्द्र लिङ्देनले राजा फर्काउँने दाबी गर्दै प्रधानमन्त्रीलाई भाग्न हेलिकप्टरको सुविधा दिन बताएका थिए , त्यसको जवाफ फर्काउदै प्रधानमन्त्री ओलीले जनताको कुण्डलीमा राजतन्त्र फर्कने कुनै भविष्यवाणी नभएकाले त्यस्तो गलत सपना नदेख्न आग्रह गरे ।

राष्ट्रिय युवा सङ्घ नेपालको १० औँ राष्ट्रिय महाधिवेशनको आज पोखरामा उद्घाटन गर्दै प्रधानमन्त्री ओलीले राजालाई घरमै सिंहासन बनाएर राख्न पनि सुझाव दिए । जनताको हक, अधिकार र मुलुकको स्वाधिताको रक्षा गर्दै सबै प्रकारको प्रतिगमनका कुचेष्टा रोक्ने अभियानको अग्र भागमा एमाले पार्टी रहेको उनले बताए । प्रधानमन्त्री ओलीले राजनीति कहिल्यै नगरेको र राजनीतिक थाहै नपाएका व्यक्तिको हातमा राजनीति जाँदा मुलुकमा अस्थिरता आएकाले स्थिरता र सुशासनका लागि एमाले र काँग्रेसको सरकार बनेको बताउँदै सरकार ढल्यो भनेर कराइरहेकाहरूलाई अबको १४ महिनापछि आफूले राजीनामा गरेर कांग्रेसका सभापति शेरबहादुर देउवालाई हस्तान्तरण गरी आफूहरू सरकारमा रहेर निर्वाचन गराउने पनि बताए ।

यता राजसंस्था पुर्नस्थापनाका लागि संयुक्त जनआन्दोलन समितिले जेठ १५ गते सुरु हुने जनआन्दोलनको स्वतन्त्र र सुक्ष्म ढंगले पर्यवेक्षण गर्न राष्ट्रिय मानवअधिकार आयोगको ध्यानाकर्षण गराएको छ ।

शुक्रवार आयोगको कार्यालय ललितपुर पुगी संयुक्त जनआन्दोलन समितिका संयोजक नवराज सुवेदी लगायत राप्रपा, राप्रपा नेपाल र राष्ट्रिय शक्ति नेपालका शीर्ष नेताहरुले मानवअधिकार आयोगको ध्यानाकर्षण गराएका हुन । आन्दोलनमा सरकारले धरपकड गर्न सक्ने भन्दै राजावादी समूहले राष्ट्रिय मानव अधिकार आयोगसँग प्रभावकारी अनुगमनको माग गरेका हुन् । आन्दोलन अघि राष्ट्रवादी नेताहरूमाथि गैरकानुनी गिरफ्तारी हुन सक्ने शंका समेत निवेदनमा व्यक्त गरिएको छ । समितिले आन्दोलनलाई शान्तिपूर्ण र संविधानसम्मत भन्दै यसको स्वच्छ अभ्यास सुनिश्चित गर्न आयोगलाई आग्रह गरेको छ ।

थप समाचारहरु

सरकार सञ्चालनमा  समस्या छैन : गृहमन्त्री प्रधानमन्त्री र भारतीय राजदूतको भेट नीति तथा कार्यक्रमको पक्षमा मतदान गर्न सांसदहरुलाई एमालेको ह्विप राजसंस्थाबारे देउवाको भनाई भन्दै भ्रम छरियो : कांग्रेस, सरकार भन्छ -आवश्यक परे राजावादीको आन्दोलनमाथि प्रतिबन्ध लगाउन सकिन्छ ‘गणतन्त्रको सुदृढीकरणका लागि राजनीतिक नेतृत्व सच्चिनुपर्छ’ मंगलबारको संसद् बैठक अवरुद्ध गर्ने रास्वपाको तयारी-सुमना र अनिलकेशरीको राजीनामा स्वीकृत कांग्रेस र माओवादी केन्द्रका नेताहरूबिचको छलफल विना निष्कर्ष प्रतिनिधिसभा बैठक बुधबार दिउँसो १ बजेसम्मका लागि स्थगित – सदन खोल्न रास्वपाको ५ बुँदे प्रस्ताव अभिव्यक्ति स्वतन्त्रता विरुद्धका गतिविधि नगर्न र सञ्चारकर्मीमाथि जारी पक्राउपुर्जी फिर्ता लिन सरकार संग माओवादीको माग लोकतन्त्रलाई बलियो बनाउन सुशासन र समृद्धि आवश्यक छ : उपाध्यक्ष श्रेष्ठ प्रतिनिधिसभा बैठक आघा घण्टा सम्मका लागि स्थगित – रास्वपाका सांसदहरू निलो रिबन लगाएर संसद् भवनमा जनताको जीवनस्तरमा सुधार र मुलुकको समृद्धि संविधान र गणतन्त्रले राखेको अभिष्ट हो : राष्ट्रपति कात्तिकको दोस्रो साता प्रतिनिधिसभा र प्रदेशसभाको उपनिर्वाचन गर्नेबारे आयोगले थाल्यो तयारी प्रतिनिधिसभा बैठकमा आज पनि बजेटमाथी छलफल कांग्रेसको महाधिवेशन २०८३ मङ्सिरभित्र हुनुपर्छ : डा कोइराला विधान महाधिवेशनको तयारी गर्न नेकपा (एमाले) को केन्द्रीय कमिटी बैठक साउन ५ गते बस्ने संघीय निजामती सेवा विधेयक पारित विधेयकमा भएको चलखेलबारे छानबिन गर्न संसदीय समिति गठन गर्न सिफारिस