निजामती अस्पतालमा नयाँ प्रविधिबाट घुँडाको जोर्नी प्रत्यारोपण सुरु

निजामती कर्मचारी अस्पतालले पहिलो पटक ‘कम्युटर नेभिगेसन प्रविधिबाट घुँडाको जोर्नी प्रत्यारोपण’ सुरु गरेको छ । आज यहाँ अस्पतालमा आयोजित कार्यक्रममा सरकारका मुख्यसचिव एकनारायण अर्यालले उक्त प्रविधिको उपचार सेवा उद्घाटन गर्नुभयो । उहाँले नयाँ प्रविधिबाट सुरु गरिएको यस सेवाले बिरामीलाई सहज हुने विश्वास व्यक्त गर्नुभयो । “नयाँ प्रविधिबाट घुँडा उपचारको सेवा दिनु निजामती कर्मचारी अस्पतालका लागि कोसेढुङ्गा हो । यो प्रविधि नेपालका अरु अस्पताल छैन”, मुख्यसचिव अर्यालले भन्नुभयो, “अब अस्पतालले अन्य उपचारकधा लागि पनि नयाँ प्रविधि भित्र्याउनुपर्छ ।” उहाँ नाम निजामती भए पनि अस्पताल सबै जनताको रहेको भन्दै अरु अस्पतालभन्दा यसलाई उत्कृष्ट बनाउनुपर्ने बताउनुभयो । अस्पतालका कार्यकारी निर्देशक डा मोहनचन्द्र रेग्मीले कम्प्युटर प्रविधिबाट घुँडाको जोर्नी प्रत्यारोपण गरेर सेवा शुभारम्भ गरिसकेको र अब हरेक सेवामा अत्याधुनिक उपचार पद्धति लागू गरिने बताउनुभयो ।

घुँडाको जोर्नी प्रत्यारोपण गर्न सफल चिकित्सक डा सुमनबाबु मरहठ्ठाले कम्प्युटर नेभिगेसन प्रविधीबाट घुँडा प्रत्यारोपण गर्नु नेपालमा पहिलो भएको बताउनुभयो । “अरु प्रविधिबाट घुँडाको जोर्नी प्रत्यारोपण गरिए पनि कम्प्युटर नेभिगेशन प्रविधिबाट पहिलो पटक हो”, उहाँले भन्नुभयो, “यसले बिरामीलाई सहज र चाँडै निको हुने हुन्छ ।” डा मरहठ्ठाले घुँडा खिइएका, घुँडा बाङ्गिएका, चोटपटक लागेका, घुँडा बिग्रिएका बिरामीलाई यस प्रविधिबाट उपचार गरिने बताउनुभयो । गत शनिबार र आइतबार चार जना बिरामीको सफल प्रत्यारोपण गरिएको उहाँले जानकारी दिनुभयो । शनिबारको प्रत्यारोपणमा भारतीय चिकित्सकको सहयोग लिए पनि दोस्रो पटक दुई जनाको प्रत्यारोपण अस्पतालकै चिकित्सकले गरिएको त्यस अवसरमा जानकारी दिइयो । डा मरहठ्ठाका अनुसार प्रत्यारोपण गर्दा प्लाष्टिक र मेटल सिमेन्टको सहायता लिइन्छ भने उक्त प्रविधिबाट हुने उपचारमा रु तीनदेखि साढे तीन लाख लाग्ने गरेको छ ।

थप समाचारहरु

बाथरोग र डाक्टरको सल्लाह गर्मी मौसममा शरीरमा पानीको मात्रा कम हुन नदिन खानुहोस् यस्ता खानेकुरा कनकासुन्दरीमा निःशुल्क आँखा शिविर सम्पन्न उपत्यकाको वायु प्रदुषणमा क्रमिक सुधार पञ्चकन्या समूहको रुपन्देहीमा निःशुल्क क्यान्सर स्क्रिनिङ शिविर प्रधानमन्त्रीद्वारा झापाको गौरादहस्थित नगर अस्पतालको शिलान्यास मातृ तथा शिशु मृत्यु दर घटाउन प्रसूति गृहमा सिमुलेसन ल्याब सञ्चालन शुक्लागण्डकीमा स्वास्थ्य मन्त्री पौडेलद्वारा जिपीमा डायलासिस सेवा उद्घाटन कोशीमा क्षयरोगका सङ्क्रमित खोज्न एआई एक्स-रेको प्रयोग सीमावर्ती क्षेत्रमा कोभिड देखिएपछि वीरगञ्ज नाकामा सतर्कता अपनाइँदै न्युरो हस्पिटल बाँसबारीमा ठूलो संख्यामा खुल्यो रोजगारीको अवसर एक अर्बको जैमिनी नागरिक स्वास्थ्य उपचार कोष काठमाडौँ पूर्ण खोपयुक्त जिल्ला घोषणा नेपाल मेडिकल कलेजमा दक्ष जनशक्तिको आवश्यकता भरतपुर अस्पतालमा दैनिक झण्डै दर्जन सर्पदंशका बिरामी उपचार गर्न आउने कुष्ठरोगीको आशङ्कामा छ वर्ष छाउगोठमा क्यान्सर, मुटु र श्वासप्रश्वास सम्बन्धी रोगका बिरामी बढे पाटन स्वास्थ्य विज्ञान प्रतिष्ठानमा प्राडा बुद्धि पौडेल उपकुलपति नियुक्त : अन्य तिनमा खत्री, श्रेष्ठ र रोकाया