ओलीमा राजनीतिक प्रतिशोधको गन्ध आयो : प्रचण्ड

ललितपुर । प्रम्ख प्रतिपक्षीदल नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीमा राजनीतिक प्रतिशोधको गन्ध आएको बताएका छन् । एकीकृत समाजवादीका अध्यक्ष माधवकुमार नेपालविरुद्ध अख्तियार दुरुपयोग अनुसन्धान आयोगले मुद्दा दर्ता गर्नुलाई उनले शुक्रबार सञ्चारकर्मीहरूलाई संक्षिप्त प्रतिक्रिया दिदै अख्तियार नीतिगत निर्णयको विषयमा प्रवेश गरेको भन्दै यसले प्रश्न उठेको उनले बताए । उनले सत्तारुढ दल नेपाली कांग्रेसका सभापति शेरबहादुर देउवाले भएको के हो भन्दै आफूलाई फोन गरेपछि आफू आश्चर्यमा परेको पनि बताए ।
२०६४ सालदेखिका सबै प्रधानमन्त्री र गृहमन्त्रीमाथि पनि छानबिन होस् भन्ने आफूहरूले चाहेको उनको भनाइ छ ।
गृहमन्त्री रमेश लेखक मुछिएको भिजिट भिसा प्रकरणमा छानबिन प्रक्रिया अगाडि बढाउन सत्तापक्ष तयार भएको पनि उनले जानकारी दिएका छन् ।
शुक्रबार संसद् भवन नयाँ वानेश्वरमा भएको प्रमुख प्रतिपक्षी दल नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र नेपाली कांग्रेसका उपसभापति पूर्णबहादुर खड्का, नेता ज्ञानेन्द्रबहादुर कार्की र प्रमुख सचेतक श्यामकुमार घिमिरेबिच भएको छलफलमा कांग्रेस नेताहरू छानबिन प्रक्रिया अगाडि बढाउन सहमत देखिएको उनले जानकारी दिएका हुन् ।

प्रचण्डले प्रतिपक्षी दलहरूले छानबिनको भरपर्दो सरकारको प्रतिबद्धता आएमा आफूहरू संसद्को अवरोध हटाउन सकारात्मक रहेको जानकारी सत्तापक्षलाई दिएको पनि जानकारी दिए । प्रतिनिधिसभामा देखिएको गतिरोध अन्त्य गर्न सत्तारुढ दल कांग्रेसका सभापति र देउवा ‘प्रचण्ड’बिच छलफल हुने भएको छ । प्रतिपक्षी दलहरूको शुक्रबार संसद् भवन नयाँ वानेश्वरमा बसेको बैठकले संसद्को गतिरोध अन्त्यका कांग्रेस सभापति देउवासँग प्रचण्डले छलफल गर्ने निर्णय गरेको थियो ।

यसैबीच नेकपा माओवादी केन्द्रका महासचिव देव गुरुङले सरकारले विभिन्न बहानामा प्रमुख प्रतिपक्ष दलका नेतामाथि आक्रमण गरिरहेको आरोप लगाएका छन् । वर्तमान सरकारले सत्ता र शक्तिको दुरुपयोग गरी प्रतिपक्ष दलका नेतालाई छानीछानी बदलाभाव देखाएको उनको दाबी छ ।

शुक्रबार संवाद डबलीलले काठमाडौंमा आयोजना गरेको अन्र्तक्रियामा सरकारले सत्तापक्षीय नेताहरुमाथि प्रश्न उठ्दा भने सरकारले संरक्षण दिएको बताएका हुन् । महासचिव गुरुङले पार्टीका उपाध्यक्ष अग्नी सापकोटा र नेता सूर्यमान दोङलगायतमाथि लगाइएको मुद्दालाई नियमित अदालतले भन्दा सत्य निरुपण तथा मेलमिलाप आयोगबाट सुल्झाउनुपर्ने धारणा राखेका थिए ।

थप समाचारहरु

नीति तथा कार्यक्रमको पक्षमा मतदान गर्न सांसदहरुलाई एमालेको ह्विप प्रतिनिधिसभामा दुई प्रतिवेदन पेस रवि लामिछानेको बन्दी प्रत्यक्षीकरणको रिट हेर्दाहेर्दैमा मन्त्रिपरिषद् बैठक सुरू-गभर्नर नियुक्ति लगायतका बिषयमा निर्णय हुने ‘गणतन्त्रको सुदृढीकरणका लागि राजनीतिक नेतृत्व सच्चिनुपर्छ’ स्थिरता र समृद्धिका लागि प्रत्यक्ष निर्वाचित कार्यकारी व्यवस्था आवश्यकः अध्यक्ष दाहाल नेकपा एमालेको केन्द्रीय सचिवालय बैठक केहिबेरमा बस्दै कांग्रेस र माओवादी केन्द्रका नेताहरूबिचको छलफल विना निष्कर्ष एमालेभित्रै भ्रम फिजाउनेहरु तत्त्वहरू सक्रिय छन् – ओली प्रतिनिधिसभाको बैठक आज अपराह्न १बजे बस्ने पाँचबुँदे प्रस्तावमा सत्तापक्षको धारणा माग्ने विपक्षी दलको निर्णय प्रतिनिधिसभा बैठक सोमबारसम्मका लागि स्थगित राष्ट्रियसभामा इरान–इजरायल युद्धबाट प्रभावित नेपालीको अवस्थाबारे जानकारी मागियो पहिले बहस गरेका वरिष्ठ अधिवक्ता पन्तले नेपाललाई पुर्पक्षका लागि थुनामा पठाउन गरे माग माधव कुमार नेपाललाई ३५ लाख धरौटीमा छाड्ने आदेश राष्ट्रियसभाको बैठक बस्दै सत्तारुढ नेपाली कांग्रेसको केन्द्रीय समितिको बैठक आजबाट सुरु हुँदै ‘कुलिङ पिरियड’ मा भएको छेडखानी प्रकरणमा निलम्बन र राजीनामाको माग चर्कियो