पत्रकारितालाई व्यावसायिक र मर्यादित बनाउन जरुरी : अध्यक्ष शर्मा

कैलाली । नेपाल पत्रकार महासङ्घका अध्यक्ष निर्मला शर्माले पत्रकारितालाई थप व्यवसायिक र मर्यादित बनाउन जरुरी भएको बताएकी छन् ।

नेपाल पत्रकार महासङ्घ सुदूरपश्चिम प्रदेशले सोमबार धनगढीमा आयोजना गरेको प्रदेशस्तरीय संवाद एवं ‘फ्रि मिडिया नेटवर्क गठन’ कार्यक्रममा उनले लोकतन्त्र बलियो भए मात्रै पत्रकारिता बलियो हुने भन्दै आमनागरिकलाई सु–सूचित गर्ने काममा पत्रकारको महत्वपूर्ण भूमिका रहने भएकाले पत्रकारितालाई अझ व्यावसायिक र मर्यादित बनाउन अहिलेको आवश्यकता रहेको धारणा व्यक्त गरेकी छन् ।

कार्यक्रममा बोल्दै अध्यक्ष शर्माले पछिल्लो समय पत्रकारिता पेसामा विभिन्न चुनौती देखापरेकोले पत्रकार स्वयंले आफ्नो सुरक्षाको लागि विशेष ध्यान दिन आवश्यक रहेको धारणा राखिन् । उनले प्रदेशस्तरमा गठन भएको फ्रि मिडिया नेटवर्कले आमनागरिकको स्वतन्त्रता, प्रेस स्वतन्त्रता र पत्रकारको सुरक्षाको सुनिश्चितता प्रदान गर्न मद्दत मिल्ने बताइन् ।

अध्यक्ष शर्माले नेटवर्कमा नागरिक समाजका अगुवा, सरकारी निकायका प्रतिनिधि लगायतको सहभागिता रहने भएकाले पत्रकारलाई सुरक्षासँगै सूचनाको पहुँच बढाउन सहयोग पुग्ने भनाइ व्यक्त गरिन् । आमनागरिक समाजको पत्रकारिताप्रति रहँदै आएको विश्वासलाई जोगाउन पत्रकारले विशेष ध्यान दिन जरुरी रहेको उनको भनाइ थियो ।

उनले विगतका दिनमा देशभरका सामसञ्चार माध्ययमले विभिन्न सङ्कट झेल्दै आएको उल्लेख गर्दै सञ्चारमाध्यमले झेल्दै आएको आर्थिक सङ्कटका कारण पत्रकार पलायन हुने अवस्था रहेको स्मरण गरिन् ।

यसैबीच आजै नेपाल पत्रकार महासङ्घ सुदूरपश्चिम प्रदेश समितिका अध्यक्ष भरत शाहको नेतृत्वमा १७ सदस्यीय फ्रि मिडिया नेटवर्क गठन गरिएको छ । उक्त नेटवर्कमा नागरिक समाज, सरकारी निकाय र पत्रकार सम्बद्ध विभिन्न संगठनका प्रतिनिधिहरु छन् ।

थप समाचारहरु

काठमाडौँ महानगरमा दुई लाख करदाताले तिर्दैनन् नियमित कर नेपाल टेलिकमको निकै नै सस्तो दरमा डाटा रोमिङ सेवा उपलब्ध कोका–कोलाको ‘काठमाडौँ इज कुकिङ’ को दोस्रो संस्करण हुदै कवि ‘भावुक’ को १६ औं कृति तथा ढुङ्गेलको तेस्रो कृति एकसाथ लोकार्पण ग्लोबल मनि विक २०२४ को अवसरमा ब्रोकर भिजिट कार्यक्रम आयोजना बीडी त्यागी स्मृति सम्मान प्रतिभा चयन व्यावसायिक च्याउखेतीबाट मनग्य आम्दानी गरिबीले विदेश पठाउँदै, चाडपर्वले गाउँ फर्काउँदै पर्यटन राजधानी पोखरा : जाग्दै आशा, बढ्दै लगानी नेपाल एसबिआई बैंक लिमिटेडले तीन अर्बको ऋणपत्र निष्कासन गर्ने शुक्लाफाँटामा बाघ बढे एनआईसी एशिया लघुवित्तका विभिन्न शाखामा वित्तीय साक्षरता कार्यक्रम र निःशुल्क स्वास्थ शिविर सम्पन्न पिपुल्स पावर कम्पनीले पायो शेयर निष्काशनको स्वीकृति भूमिहीन र सुकुमबासीका नाममा सरकारी जमिन भूमाफियाको हातमा पुग्ने आशङ्का थाइल्यान्डमा खुल्यो दुई लाख उत्पादन क्षमता भएको चांगानको इभी प्लान्ट ताप्लेजुङ दुर्घटनामा लापरबाही गर्ने कर्मचारीलाई कारबाही हुन्छ : ऊर्जामन्त्री खड्का राजविराजको रुपनी रोडमा बजाजको ‘बबाल ग्राण्ड’ एक्सचेन्ज मेला, नागरिकताकै आधारमा फाइनान्स गर्न सकिने फाप्लु–काठमाडौँ सातामा चार दिन उडान हुने