विनयी खोलामा आएको बाढीले बस बगायो, तीन शिशुसहित ३८ जना यात्रु सकुशल

नवलपुर (नवलपरासी) पूर्वपश्चिम राजमार्गअन्तर्गत नारायणघाट–बुटवल खण्डको विनयी त्रिवेणी गाउँपालिका–१ विनयी खोलामा आएको बाढीले यात्रुवाहक बस बगाएको छ । काठमाडौँबाट नेपालगञ्जतर्फ जाँदै गरेको भे१ख ४०८५ नम्बरको बसलाई गए राति बाढीले बगाएको इलाका प्रहरी कार्यालय दुम्कीबासका प्रमुख प्रहरी निरीक्षक राजन तिमिल्सेनाले जानकारी दिनुभयो । विनयी खोलाको नयाँ डाइभर्सनबाट बस गुडिरहेको बेला एक्कासी आएको बाढीले बस बगाएको उहाँले बताउनुभयो । “नयाँ डाइभर्सनबाट आउँदै गर्दा बाढीले बस बगाएको हो”, प्रहरी निरीक्षक तिमिल्सेनाले भन्नुभयो– “तत्काल एक्साभेटर लगेर सबै यात्रुको सकुशल उद्धार गर्न सफल भयौँ ।” बसमा तीन शिशुसहित ३८ जना यात्रु रहेका थिए । उक्त क्षेत्रमा पानी निरन्तर परिरहेका कारण खोलाबाट बस निकाल्न नसकिएको उहाँले बताउनुभयो । यात्रुको सामान के कति बगायो भन्नेबारे थाहा हुन सकेको छैन । रातभरी परेको पानीका कारण उक्त सडकखण्ड पूर्णरुपमा अवरुद्ध छ । दाउन्नेमा सडक हिलाम्य भएकाले सवारीसाधन गुड्न सकेका छैनन । वैकल्पिक सडक प्रयोग गर्न प्रहरी निरीक्षक तिमिल्सेनाले यात्रुलाई आग्रह गर्नुभएको छ ।

थप समाचारहरु

दाङबाट विभिन्न गन्तव्यका लक्जरी बसका टिकट बससेवामा सडक निर्माणको माग गर्दै सडकमै रोपियो केराको बोट मुग्लिन–पोखरा सडकः धमाधम कालोपत्र हुँदै २४ घण्टामा १० ठाँउमा दुर्घटना, १० जनाको मृत्यु कृष्णभिरमा मोटरसाइकल दुर्घटना हुँदा एकको मृत्यु पानीका कारण नारायणघाट–बुटवल सडकको दाउन्ने खण्ड अवरुद्ध भुताहा–आमबास–दुम्कीबास सडक निर्माण गर्न बजेट माग  भारतको छत्तीसगढमा सडक दुर्घटना, कम्तीमा १३ जनाको मृत्यु कुलेखानी–कलङ्की–हुमाने सडक आजदेखि १९ दिन बन्द पहिरोले कालीगण्डकी कोरिडोर अवरुद्ध सुदूरपश्चिमको समृद्धिको ढोका खोल्दै महाकाली करिडोर सहमति पश्चात पनि चलेनन् सार्वजनिक यातायात, बन्दको मारमा सर्वसाधारण बकर इदले आपसी भाइचारा र समानताको सन्देश प्रवाह गर्न मद्दत पुग्छ : राष्ट्रपति पौडेल वर्षाले राजधानी जोड्ने विभिन्न स्थानका सडक अवरुद्ध सात ठाउँको अवरुद्ध सडक खुलाइयो, तीन ठाउँ अझै बाँकी सडक दुर्घटनामा परी अमेरिकामा दुई नेपाली विद्यार्थीको मृत्यु वर्षाका कारण देशभरका विभिन्न सात राजमार्ग अवरुद्ध विश्व बैंकको अनुदान प्राप्त तनहुँका दुई सडकको स्तरोन्नतिमा ढिलासुस्ती