धानचामल आयातमा करिब रु १७ अर्ब करोड ८२ वृद्धि

ललितपुर मुलुकमा धानचामल आयात गत वर्षको तुलनामा करिब रु १७ अर्ब ८२ करोड वृद्धि भएको छ । कृषि तथा पशुपन्छी विकास मन्त्रालयले चालु आर्थिक वर्षको जेठ मसान्तसम्म रु ३८ अर्ब ९४ करोडको धानचामल आयात गरेकामा गत आवको सोही अवधिमा रु २१ अर्ब १२ करोड बराबरको आयात गरिएको थियो । प्रत्येक महिना औसत रु तीन अर्बभन्दा धेरैको धानचामलको आयात बढेकाले असार मसान्तसम्म थप रु तीन अर्ब मूल्यको आयात हुने अनुमान गरिएको मन्त्रालयका सूचना अधिकारी महानन्द जोशीले जानकारी दिनुभयो । भारत सरकारले आफ्ना उद्योगीलाई केही वर्षदेखि निर्यातमा लगाएको कर घटाएका कारण त्यसको नकारात्मक प्रभावले आयात बढी भएको तथा तीन वर्षदेखि ‘बफर स्टक’मा रहेको धानचामल तुलनात्मक रूपमा केही सस्तो मूल्यमा पाइएका कारण पनि नेपालमा आयात बढेको छ । मन्त्रालयका अनुसार चालु आवको ११ महिनामा रु १७ अर्ब ७८ करोड बराबरको चामल आयात भएको तथ्याङ्क छ । गत वर्ष सो अवधिमा रु १२ अर्ब ४३ करोडको चामल आयात भएको थियो । बाह्य मुलुकबाट वस्तु स्वदेश आयात वृद्धि हुँदा व्यापारघाटा थप नकारात्मक हुने अनुमान गरिएको छ ।

मन्त्रालयका सूचना अधिकारी जोशीका अनुसार सामान्यतया देशमा वार्षिक करिब ७० लाख मेट्रिक टन धानको माग रहेकामा करिब ६० लाख मेट्रिक टन धान स्वदेशी उत्पादन हुने गरेको छ । करिब १० लाख मेट्रिक टन अपुग धान आयात हुने गरेको छ । स्वदेशी उत्पादनले धानचामलको माग धान्न नसक्दा आपूर्ति सहज बनाउन आयात गरिन्छ । कृषि उत्पादनमा वृद्धि गरी आयात प्रतिस्थापन गर्न किसानलाई समयमै मल, बीउ, सिँचाइ सुविधा, अनुदानको व्यवस्थासहित यस क्षेत्रमा नीतिगत सुधार आवश्यक रहेको जानकारहरूले बताउने गरेका छन् ।

थप समाचारहरु

यस्तो छ आज सागसब्जी र फलफूलको मूल्य यस्तो छ आजको सागसब्जी र फलफूलको थोक मूल्य यस वर्ष सिरहामा आँप उत्पादनमा कमी कृषि कर्जालाई सरलीकृत गरिदिन मन्त्री अधिकारीको आग्रह मनसुन समय अगावै भित्रिदा धान रोपाइँ बढ्यो, कुन प्रदेशमा कति ? यस्तो छ आजको सागसब्जी र फलफूलको थोक मूल्य आठ लाख १६ हजार ४०५ हेक्टरमा रोपाइँ सम्पन्न देशभर करिब ७२ प्रतिशत धान रोपाइँ सम्पन्न भेडी गोठाला भन्छन्– सरकारले एउटा न्यानो ज्याकेट दिए पनि लाउने थियौँ कर्णालीमा ९६ प्रतिशत धान रोपाइँ गाउँ–गाउँका किसानको पहुँचमा आधुनिक कृषियन्त्र चैत १५ मा तीनकुनेमा भएको प्रदर्शनमा संलग्न १०८ जनालाई प्रतिवादी बनाउनुपर्ने राय तीनकुने घटनामा ६२ जनालाई प्रतिवादी बनाएर मुद्दा जुम्ला लगायत अन्य तीन जिल्लाका भेडापालकलाई गोठालो भत्ता साउन १५ः खीर खाएर मनाइँदै बन्धक मुक्त नभएसम्म युद्ध जारी रहने इजरायली सेना प्रमुखको चेतावनी राससको महाप्रबन्धकमा राई नियुक्त फेदीखोलाले साधारण सेयर बिक्री गर्ने