भटमासको कच्चा तेल आयात ५२ अर्ब बढी, निर्यात ५५ अर्ब

ललितपुर । चालु आर्थिक वर्षको ११ महिनामा वीरगञ्ज नाका हुँदै भटमासको कच्चा तेल रु ५२ अर्ब ५८ करोड मूल्यको आयात भएको छ ।

गत आवको सोही अवधिको तुलनामा भटमासको कच्चा तेलको आयात ६१३ दशमलव ४१ प्रतिशत अर्थात् रु ४५ अर्ब २१ करोड बढीले आयात भएको छ । जबकी गत आवको ११ महिनामा भने रु सात अर्ब ३७ करोड मूल्यको मात्रै भटमासको कच्चा तेल आयात भएको थियो । वीरगञ्ज भन्सार कार्यालयका प्रमुख भन्सार प्रशासक दीपक लामिछानेले चालु आवमा यो नाका हुँदै भटमासको प्रशोधित तेल धेरै निर्यात भएको जानकारी दिए । “व्यवसायीले भटमासको कच्चा तेल ल्याएर प्रशोधित गरेर फेरि विदेशी मुलुकमा निर्यात गरेको देखिन्छ ।”

वीरगञ्ज नाका हुँदै चालु आवको ११ महिनामा भटमास तेल प्रशोधित निर्यात भने रु ५५ अर्ब तीन करोड मूल्य पर्ने २५ करोड ८८ लाख १४ हजार ७३२ लिटर भटमासको तेल प्रशोधित निर्यात भएको छ ।

जबकी गत आवको सोही अवधिमा भने रु आठ करोड ८३ लाख मूल्य पर्ने चार लाख ६४ हजार १३८ लिटर मात्रै निर्यात भएको थियो । चालु आवको ११ महिनामा यो नाका हुँदै रु नौ अर्ब ७५ करोड मूल्य पर्ने सूर्यमुखी तेलको कच्चा पदार्थ आयात भएको छ । जबकी गत आवको सोही समयमा भने रु आठ अर्ब चार करोड मूल्यको भएको थियो ।

वीरगञ्ज भन्सार नाका हुँदै चालु आवको ११ महिनामा रु आठ अर्ब ४० करोड मूल्य पर्ने तीन करोड ८८ लाख ९५ हजार ३३९ लिटर सूर्यमुखीको प्रशोधित तेल निर्यात भएको छ । जबकी गत आवको ११ महिनाको अवधिमा रु नौ करोड ९४ लाख मूल्य पर्ने पाँच लाख २७ हजार २९१ लिटर सूर्यमुखीको प्रशोधित तेल निर्यात भएको थियो ।

थप समाचारहरु

यस्तो छ आज सागसब्जी र फलफूलको मूल्य आठ महिनामा साढे १० खर्ब विप्रेषण भृकुटीमण्डपमा यामाहा ब्लु फेस्टको भव्य उद्घाटन वर्षाले किसानलाई राहत आगामी आर्थिक वर्षको बजेट कार्यान्वयन कार्यविधि बनाउन निर्देशन यस्तो छ आजको सागसब्जी र फलफूलको थोक मूल्य यस्तो छ आजको सागसब्जी र फलफूलको थोक मूल्य असार १५ : धान दिवस र दही चिउराको सांस्कृतिक पर्व मनाइँदै यस वर्ष सिरहामा आँप उत्पादनमा कमी धानचामल आयातमा करिब रु १७ अर्ब करोड ८२ वृद्धि यस्तो छ आजको सागसब्जी र फलफूलको थोक मूल्य कृषि कर्जालाई सरलीकृत गरिदिन मन्त्री अधिकारीको आग्रह यस्तो छ आजको सागसब्जी र फलफूलको थोक मूल्य यस्तो छ आजको सागसब्जी र फलफूलको थोक मूल्य आठ लाख १६ हजार ४०५ हेक्टरमा रोपाइँ सम्पन्न देशभर करिब ७२ प्रतिशत धान रोपाइँ सम्पन्न भेडी गोठाला भन्छन्– सरकारले एउटा न्यानो ज्याकेट दिए पनि लाउने थियौँ कर्णालीमा ९६ प्रतिशत धान रोपाइँ