प्रसिद्ध गायिका आशा भोसलेको निधन

ललितपुर - भारतीय सङ्गीत क्षेत्रकी दिग्गज तथा प्रख्यात गायिका आशा भोसलेको ९२ वर्षको उमेरमा निधन भएको छ । उनी लामो समयदेखि अस्वस्थ रहँदै आएकी थिइन् ।

गत अप्रिल ११ को राति स्वास्थ्य अवस्था गम्भीर भएपछि उनलाई मुम्बईस्थित ब्रीच क्यान्डी अस्पतालमा भर्ना गरिएको थियो । उपचारकै क्रममा उनको निधन भएको हो। उनका छोरा आनन्द भोसलेले आमाको निधन भएको पुष्टि गरेका छन् ।

प्रारम्भिक रूपमा हृदयघातको चर्चा भए पनि उनकी नातिनी जनाई भोसलेले त्यसलाई अस्वीकार गरेकी छन्। उनका अनुसार आशा भोसले छातीमा संक्रमण र अत्यधिक थकानबाट पीडित थिइन् र त्यसैको उपचार भइरहेका बेला उनको स्वास्थ्य अवस्था बिग्रिएको हो ।

भारतीय सङ्गीत क्षेत्रमा पाँच दशकभन्दा लामो योगदान दिएकी भोसलेले हजारौँ गीतमा स्वर दिएकी छन् । उनको निधनले भारतीय तथा विश्व सङ्गीत जगतमा ठूलो क्षति पुगेको छ ।

थप समाचारहरु

इजरायलले हिजबुल्लाहमाथि ’आवश्यकता अनुसार’ आक्रमण जारी राख्ने प्रधानमन्त्री नेतान्याहुको भनाइ ऊर्जाको अभावमा बङ्गलादेशका विद्यालयमा आंशिक रूपमा अनलाइन कक्षा सञ्चालन गरिने इयुद्वारा हर्मुज आवागमनमा अनियन्त्रित स्वतन्त्रताको आग्रह मध्यपूर्व युद्धले विश्व अर्थतन्त्रमा ठूलो असर पाकिस्तानमा अमेरिका–इरान वार्ता सुरु हुँदै गाजामा भएको इजरायली आक्रमणमा सात जनाको मृत्यु इजरायलको हितलाई प्राथमिकता दिन नसकिने : इरान मध्यपूर्व युद्धले मानवीय संकट गहिरिँदै, संयुक्त राष्ट्र सङ्घको गम्भीर चिन्ता शनिबार पहिलो दुई अमेरिकी युद्धपोतहरू ‘स्ट्रेट अफ हर्मुज’बाट पार कूटनीतिबाट सैन्य लक्ष्य पूरा हुँदैन : इरान