जीप दुर्घटनामा वृद्धाको मृत्यु, सात जना घाइते

ललितपुर - सिरानचोक गाउँपालिका–२ थालाजुङमा आज बिहान भएको जीप दुर्घटनामा एक वृद्धाको मृत्यु भएको छ भने सातजना घाइते भएका छन् ।

भच्चेकबाट चित्रेपोखरीतर्फ जाँदै गरेको दुर्घटना हुँदा जीपले च्यापिएर थालाजुङ काउलेकी ८१ वर्षीया लालमाया गुरुङको मृत्यु भएको थालाजुङका वडाध्यक्ष खुसीमान गुरुङले राससलाई जानकारी दिनुभयो ।

दुर्घटनामा सिरानचोक गाउँपालिका–७ का ६८ वर्षीय कमलबहादुर घिमिरे गम्भीर घाइते भएका छन् । सोही ठाउँका ४८ वर्षीया सीता पाण्डे, ४८ वर्षीय लोकबहादुर खड्का र ७३ वर्षीय कुलबहादुर सार्की घाइते भएका जिल्ला प्रहरी कार्यालयले जनाएको छ ।

यसैगरी, सिरानचोक–६ सिम्लेका ६८ वर्षीया सीता गुरुङ तथा वडा नं ७ डाँडागाउँकी २७ वर्षीया रोजिना नेपाली र उनकी दुई वर्षीया छोरी रेविका नेपाली घाइते भएका छन् । सबै घाइतेको प्रदेश अस्पतालमा उपचार भइरहेको छ । जीप चालक विकास गुरुङ प्रहरी नियन्त्रणमा छन् ।

थप समाचारहरु

डिभाइडरमा मोटरसाइकल ठोक्कियो, चालकको मृत्यु पाल्पामा दुई करोड लगानीमा पानी उद्योग सञ्चालन बढ्दो तापक्रमसँगै हिमालय देशहरुमा भौगर्भिक विपद्को जोखिम दश लाख ५८ हजार ५४० बराबरको अवैध कपडा बरामद आजको राशिफल : २०८३ असोज ४ गते आइतबार धनकुटामा सुमो दुर्घटना, एक जनाको मृत्यु जनकपुरमा आगलागी, एक जनाको मृत्यु ‘डिजिटल’ रूपान्तरणलाई शासन, विकास र राष्ट्र निर्माणसँग जोड्नुपर्छः सञ्चारमन्त्री