सवारी दुर्घटनाको सङ्ख्या बर्सेनि बढ्दो

ललितपुर - भद्रपुर (झापा), ६ असोजः झापा जिल्लामा सवारी दुर्घटनाको वार्षिक तथ्याङ्क बढ्दो रहेको पाइएको छ ।

गत साउनको तुलनामा भदौ महिनामा सवारी दुर्घटनाको सङ्ख्या दोब्बरले वृद्धि भएको छ । जिल्ला प्रहरी कार्यालय झापाका अनुसार साउनमा ३९ वटा सवारी दुर्घटना भएकामा भदौमा बढेर ८८ पुगेको हो । दुर्घटना परी साउनमा १२ जनाको मृत्यु भएकामा भदौमा चार जनाले ज्यान गुमाएका छन् ।

साउनमा ४० जना घाइते भएकामा भदौमा उक्त सङ्ख्या १३५ पुगेको जिल्ला प्रहरी कार्यालय झापाका सूचना अधिकारी तथा प्रहरी नायब उपरीक्षक रञ्जन अवाले जानकारी दिनुभयो । प्रहरीको तथ्याङ्कअनुसार दुवै महिनामा दुर्घटनाको मुख्य कारण चालकको लापरबाही देखिएको छ । साउनमा भएका ३९ दुर्घटनामध्ये ३० र भदौमा भएका ८८ मध्ये ७८ दुर्घटना चालकको लापरबाहीका कारण भएका थिए ।

यात्रुको हेलचेक्रयाइ, सडकको अवस्था, सवारीसाधन र चौपायाका कारण पनि दुर्घटना भएका थिए । दुर्घटना न्यूनीकरणका लागि ट्राफिक प्रहरीले भदौमा ९५६ सवारी चेक जाँच गर्दा दुई हजार २३२ सवारीसाधन कारबाहीमा परेकामा त्यसबाट रु २३ लाख सात हजार राजस्व सङ्कलन भएको प्रहरीले जनाएको छ ।

थप समाचारहरु

डिभाइडरमा मोटरसाइकल ठोक्कियो, चालकको मृत्यु आज गणेशमान सिंहको २९औँ स्मृति दिवस हुण्डी कारोबारको आरोपमा दुई जना पक्राउ बढ्दो तापक्रमसँगै हिमालय देशहरुमा भौगर्भिक विपद्को जोखिम धनकुटामा सुमो दुर्घटना, एक जनाको मृत्यु जनकपुरमा आगलागी, एक जनाको मृत्यु दुई दशकदेखि रोकिएको धुलिखेल जग्गा विकास आयोजना ब्युँतिँदै प्रधानन्यायाधीश शर्मा चीन प्रस्थान रात्रिकालीन बस सेवा सञ्चालन गर्न उपत्यकाका नौ स्थानीय तह तयार घाइते यादवको शरीरबाट गोली निकालियो चिमखोला–घ्याँसीखर्क सडक अवरुद्ध बजेटका अभावमा औद्योगिक ग्राम अलपत्र लागुपदार्थसहित दम्पती पक्राउ पर्सामा लागुऔषध गाँजासहित तीन जना नियन्त्रणमा करेन्ट लागेर इटहरीमा एक युवकको मृत्यु उत्पादन बढेपछि केरा किसानले पाएनन् मूल्य टेलिकमद्वारा भदौमा १३ स्थानमा नयाँ टेलिफोन टावर जडान कोशी राजमार्गअन्तर्गत खाँदबारी–सभाखोला सडक दैनिक नौ घण्टा बन्द