मोटरसाइकल दुर्घटनामा रौतहटका २८ वर्षीय दासको मृत्यु

ललितपुर - रौतहटको बौधीमाई नगरपालिकाको बङ्कुल बजार नजिक मोटरसाइकल दुर्घटना हुँदा एक युवकको मृत्यु भएको छ । मृत्यु हुनेमा जिल्लाको परोहा नगरपालिका–९ स्थायी ठेगाना भई हाल बौधीमाई नपा–९ मा रहँदै आएका करिब २८ वर्षीय दीपेन्द्र दास रहेको प्रहरीले जनाएको छ ।

भारतीय नम्बर प्लेटको मोटरसाइकलबाट स्थानीय मौलापुर–बङ्कुल सडकमा आज बिहान यात्रा गरिरहेको अवस्थामा मोटरसाइकल अनियन्त्रित भई दुर्घटना हुँदा निजको मृत्यु भएको बङ्कुल प्रहरी चौकीका सहायक निरीक्षक रमेशप्रसाद यादवले जानकारी दिनुभयो । घटनास्थल सो प्रहरी चौकीबाट करिब तीन किलोमिटर उत्तरपूर्वमा रहेको छ ।

प्रहरी कार्यालय मौलापुरका प्रहरी निरीक्षक भरत केसीका अनुसार सो घटनाको सन्दर्भमा विस्तृत रुपमा अनुसन्धान भइरहेको र मृतकको शव हाल प्रादेशिक अस्पताल गौरमा राखिएको छ ।

रोजगारीका सिलसिलामा विदेश गई एक हप्ताअघि मात्र गाउँ फर्केका मृतक दास मौलापुरस्थित ससुराली घरमा बस्दै आएको र निजको श्रमतीसहित दुई छोरी रहेको बौधीमाई नपा–९ का वडाअध्यक्ष मुक्तिनारायण मिश्रले जानकारी दिनुभयो ।

थप समाचारहरु

पर्वतमा बाढी, पाँच घर बगे पूर्वप्रधानन्यायाधीश जबरालाई निवासमै सुरक्षा प्रदान गरिने पाल्पा पहिरोः पाँच जनाको मृत्यु विमानस्थलबाट सुनसहित एक व्यक्ति पक्राउ क्षमताभन्दा बढी कैदीबन्दी : व्यवस्थापनमा चुनौती पुलमा अड्किएको क्रुजसिप निकाल्ने तयारी मौसम सुधार भएसँगै नेपाल-भारत आवागमन सहज काभ्रेपलाञ्चोकमा दुई महिनामा ४१ जनामा डेङ्गी सङ्क्रमण पुष्टि बाढीपहिरोले गुल्मीका ग्रामीण सडक अवरुद्ध निर्वाचन आयोगमाथि विपक्षीको दबाब परम्परागत आरनबाट आधुनिक उद्योगसम्म प्रतिनिधिसभाः क्षतिग्रस्त पूर्वाधारको पुनर्निर्माण, कृत्रिम अभाव र कालोबजारी नियन्त्रण गर्न सांसदको सुझाव घरेलु मदिरा र कच्चा पदार्थसहित दुई जना पक्राउ टिपरको ठक्करबाट बालिकाको मृत्यु दोधारा–चाँदनीको झोलुङ्गे पुलको पिल्लरः भाँचियो आस्थाको केन्द्र बन्दै रक्षाबाबा दूध ट्याङ्कर दुर्घटनाः सहचालकको मृत्यु भैरहवामा दुई करोड ५१ लाख मूल्यका दुई किलोभन्दा बढी सुनका गरगहना बरामद