प्रतिनिधिसभा निर्वाचनलाई निष्पक्ष र शान्तिपूर्ण बनाउन सर्वदलीय बैठक सम्पन्न

ललितपुर –  प्रतिनिधिसभा सदस्य निर्वाचनलाई भयरहित, निष्पक्ष र शान्तिपूर्ण रूपमा सम्पन्न गर्ने उद्देश्यले यहाँ सर्वदलीय बैठक सम्पन्न भएको छ ।

मुख्य निर्वाचन अधिकृत ध्रुवकुमार उप्रेतीको अध्यक्षतामा बुधबार आयोजित बैठकमा विभिन्न राजनीतिक दलका प्रतिनिधि, उम्मेदवार, सञ्चारकर्मी, स्थानीय प्रशासन तथा सुरक्षा निकायका प्रमुखहरूको सहभागिता रहेको थियो ।

बैठकमा निर्वाचन आयोगद्वारा जारी निर्वाचन आचारसंहिता २०८२ कडाइका साथ पालना गर्ने, चुनावसम्बन्धी भेला तथा कार्यक्रम सञ्चालन गर्दा मुख्य निर्वाचन अधिकृतको कार्यालय, जिल्ला प्रशासन र सुरक्षा निकायलाई पूर्वसूचना दिने तथा आ–आफ्नो क्षेत्रबाट निर्वाचन सफल बनाउन सहयोग गर्ने प्रतिबद्धता व्यक्त गरिएको छ ।

यस निर्वाचनमा रसुवाबाट नौ वटा राजनीतिक दल र तीन जना स्वतन्त्र उम्मेदवार प्रतिस्पर्धामा छन् । नेपाली कांग्रेसबाट मोहन आचार्य, नेकपा माओवादी केन्द्रबाट माधवप्रसाद लामिछाने, नेकपा एमालेबाट प्रेम तामाङ, राष्ट्रिय स्वतन्त्र पार्टीबाट वसन्त भट्ट, उज्यालो नेपालबाट मानबहादुर तामाङ, मङ्गोल नेशनल अर्गनाइजेशनबाट विनोद थिङ, राप्रपाबाट हरिप्रसाद घिमिरे, नेकपा माओवादीबाट होमप्रसाद आचार्य र प्रगतिशील लोकतान्त्रिक दलबाट दावा तामाङ उम्मेदवार रहेका छन् ।

त्यसैगरी स्वतन्त्रतर्फ चित्रकुमारी देवकोटा, दावा तामाङ र सागर लामा उम्मेदवारका रूपमा चुनावी मैदानमा उत्रिएका छन् ।

थप समाचारहरु

ग्लोकल आफ्टर स्कुलको ‘स्किल वीक्’ पाँचौं संस्करण हुँदै अर्थ मन्त्रालयद्वारा सरकारी खर्चमा तीव्रता काठमाडौँ–तराई–मधेश द्रूतमार्गको भौतिक प्रगति हालसम्म ३३ प्रतिशत प्याज निर्यातमा लगाएको प्रतिबन्ध भारतले हटायो सहकारीलाई वाणिज्य बैंक सरह सुपरीवेक्षण गरिने हेटौटा सिमेन्ट उद्योग पुनः सुचारु काठमाडौंमा सहकारी पीडितहरुको प्रदर्शन मुक्तिनाथ गुठीको सत्र हजार रोपनी जग्गा रैतानमा परिणत आजको तरकारी र फलफूलको मूल्य यस्तो छ आज वैशाख १, लाहानमा फूलबारी मेला स्थगित माओवादी केन्द्रको जागरण अभियान पुन नवलपुरबाट सुरु आषाढ शुक्ल पूर्णिमाः गुरु पूर्णिमा र व्यास जयन्ती मनाइँदै भारतबाट कम्प्युटर कक्षा लिन भन्दै भक्तपुर आएका सुर्खेतका दिदीबहिनी भक्तपुरमा मृत भेटिए प्रधानमन्त्री ओलीले बोलाए मन्त्रिपरिषद् बैठक शेर बहादुर देउवा र आरजु राणा घाइते निजी क्षेत्रलाई राज्यले सहयोग गर्छ-प्रधानमन्त्री कार्की जेनजी आन्दोलनबाट सीजीलाई ५ अर्ब बराबरको क्षति आज रातिदेखि भारी वर्षाको सम्भावना