विभेदका घटनाका आरोपितलाई कारबाही गर्न माग

ललितपुर - दलित महिला सङ्घ (फेडो)ले रोल्पाको गङ्गादेव गाउँपालिका–५ फुलवासका भीमबहादुर खत्रीले १० वर्षीय बालक खगेन्द्र विकमाथि कुटपिट गरेको घटनाको निष्पक्ष छानबिन गरी कानुनअनुसार पीडकलाई हदैसम्मको कारबाहीको माग गरेको छ ।

यही वैशाख ११ गते फुलवासका खत्रीले आफ्नो घरभित्र पसेको भन्दै विकलाई मरणासन्न हुनेगरी कुटपिट गरी निधार फुटाइदिएका थिए । फेडोले आज एक विज्ञप्ति जारी गरी जातका आधारमा गरिने त्यस किसिमको जघन्य अपराध, हिंसा, छुवाछुत र अपमानजनक व्यवहार राष्ट्रिय तथा अन्तरराष्ट्रिय कानुनको बर्खिलाप भएको उल्लेख गर्दै पीडितलाई न्याय दिन माग गरेको हो ।

‘बच्चाको निधार फुटेर रगताम्मे भई ढलेपछि छोरालाई उपचार गर्न अस्पताल लाँदैगर्दा बुबा गोपाल विकलाई समेत खत्रीले धारिलो हतियार प्रयोग गरी गम्भीर घाइते बनाएको मानवताविरुद्धको यस घटनाले फेडोको गम्भीर ध्यानाकर्षण भएको छ’, विज्ञप्तिमा भनिएको छ ।

उक्त घटनामा संलग्नलाई प्रहरीले पक्राउ गरी सार्वजनिक गरिसकेको छ । नयाँ सरकार निर्माण भएपछि राज्यका तर्फबाट हालैमात्र दलित समुदायउपर हुँदै आएको जातीय विभेद र अन्यायका लागि माफी मागिएको थियो ।

थप समाचारहरु

सुदूरपश्चिममा औलो सङ्क्रमण: निवारणको लक्ष्यप्राप्ति चुनौतीपूर्ण उपत्यकाको नदी किनाराका बस्ती खाली गराउने कार्य जारी इरानमा ५७ दिनदेखि इन्टरनेट सेवा अवरोध आज ५७२ सवारी चालकलाई कारबाही राष्ट्रपति ट्रम्प सहभागी कार्यक्रममा आक्रमण प्रयास, राष्ट्रपति सुरक्षित वर्षाका कारण मध्यपहाडी लोकमार्ग अवरुद्ध मुस्ताङको जोमसोममा लेँक लागेर भारतीय पर्यटकको मृत्यु इरान–अमेरिका तनावबीच मस्को दौडधुप नेप्से परिसूचक ७.७३ अंकले बढ्यो, ४ अर्ब ७४ करोडको कारोबार यस्तो छ आजको विदेशी मुद्राको विनिमयदर काठमाडौंका विभिन्न ठाउँमा सिक्री लुट्दै हिँड्ने गिरोह पक्राउ शेखर गोल्छालाई २४ घण्टाभित्र अदालतमा उपस्थित गराउन सर्वोच्चको आदेश रूस र युक्रेनबीचको आक्रमणमा चार जनाको मृत्यु इरान प्रस्तावप्रति अमेरिका कठोर हुरी तथा चट्याङसहितको वर्षाले हिउँदे बालीमा क्षति निजी विद्यालयको शुल्कबारे रोकिएन गुनासो, सहायता कक्षमा घन्टामै पचास फोन !