जेनजीका मुद्दासँग विजय बरालको पहिलो गीत ‘विधिको शासन’

बिजनेस पाटी

२०८२ माघ १२

969 views

१२ वर्ष लामो फिल्म करिअरमा ‘पूर्णबहादुरको सारंगी’ जस्ता ब्लकबस्टर फिल्म दिने विजय बराल अब गायनमा पनि पाइला टेक्नुभएको छ। कविता र साहित्यमा रुचि राख्ने विजयले आफ्नो पहिलो गीत ‘विधिको शासन’ युट्युबमा रिलिज गरेका छन् ।

रोचक कुरा के भने, गीतमा संगीत भरेका प्रशान्त शिवाकोटीले विजय अभिनित पुराना फिल्महरूमा पनि संगीत भरेका थिए । गीतले हालको राजनीतिक अवस्था, २३–२४ भदौको जेनजी आन्दोलन र यसले उठाएका मुद्दाका भावनालाई समेटेको छ । २०४६ सालको जनआन्दोलनदेखि पछिल्लो युवा विद्रोहसम्मको भावनालाई मनिष राउतको कन्सेप्ट अनुसार भिडियोमा वास्तविक तस्वीर र फुटेजसहित प्रस्तुत गरिएको छ ।

पहिलो गायन अनुभवबारे विजय भन्छन्, “मैले गाएको यो पहिलो गीत हो। गायक होइन, तर साथीहरूले हौसला दिनुभयो, त्यसलाई आत्मसात गर्दै प्रयास गरेको हुँ ।
उनी थप्छन्, “यो गीत व्यक्तिगत विरोध वा समर्थनको लागि होइन, सत्ता र प्रणालीमा गरिएको ब्यंग्य र चेतावनी हो। देशमा आशाको दियो कसरी बाल्न सकिन्छ भन्ने संदेश यसको मुख्य उद्देश्य हो ।

थप समाचारहरु

फेसबुकबाट तपाईको प्रतिक्रिया