बिजनेस पाटी
ललितपुर - दक्षिण भारतीय सिनेमाका सुपरस्टार जोसेफ विजय (विजय थलापति) ले तमिलनाडु विधानसभा चुनावमा अप्रत्याशित प्रदर्शन गर्दै सबैलाई चकित पारेका छन् ।
थलापति’का नामले चर्चित विजयको पार्टी टीभीके (तमिलागा वेट्री कडगम) अहिले अग्रस्थानमा देखिएको छ । पछिल्लो परिणामअनुसार टीभीके १०४ सिटमा अगाडि छ भने सत्तारुढ डीएमके ६३ सिटमा सीमित भएको छ। विपक्षी एआईएडीएमकेले पनि डीएमकेलाई पछाडि पार्दै ६७ सिटमा अग्रता बनाएको छ ।
विजय स्वयं पेराम्बुर क्षेत्रबाट आफ्ना निकटतम प्रतिद्वन्द्वी आरडी शेखरभन्दा करिब तीन हजार मतले अगाडि रहेका छन्। तमिलनाडु मात्र होइन, हिन्दी भाषी क्षेत्रहरूमा समेत उनको लोकप्रियता उल्लेखनीय छ ।
एक्जिट पोलहरूले राम्रो प्रदर्शनको संकेत गरे पनि वास्तविक नतिजा अपेक्षाभन्दा बढी आश्चर्यजनक देखिएको छ ।
चलचित्र क्षेत्रमा सफल यात्रा तय गरेका विजयले पछिल्लो समय राजनीतिमा सक्रियता बढाएका हुन् । गत वर्ष सेप्टेम्बरमा करूरमा आयोजित पार्टीको र्यालीमा भागदौड हुँदा ३९ जनाको मृत्यु भएपछि उनी पुनः चर्चामा आएका थिए । उक्त घटनाप्रति दुःख व्यक्त गर्दै उनले मृतकका परिवारलाई प्रतिव्यक्ति २० लाख रुपैयाँ र घाइतेलाई २ लाख रुपैयाँ क्षतिपूर्ति घोषणा गरेका थिए ।
विजयको पूरा नाम जोसेफ विजय चन्द्रशेखर हो । उनका बुबा एस.ए. चन्द्रशेखर तमिल फिल्म उद्योगका चर्चित निर्देशक हुन् भने आमा शोभा गायिका हुन् । बाल्यकालदेखि नै अभिनयमा लागेका विजयले ‘नालैया थिरपु’ (१९९२) बाट मुख्य अभिनेताका रूपमा डेब्यू गरेका थिए ।
सुरुआती दिनमा सामान्य एक्सन–रोमान्टिक चलचित्रमा सीमित रहेका विजयले ‘गिल्ली’ ‘कथी’, ‘थेरी’, ‘मेर्सल’ र ‘बिगिल’ जस्ता चलचित्रमार्फत आफूलाई ‘मास हिरो’का रूपमा स्थापित गरेका छन् ।
उनको व्यक्तिगत जीवन पनि रोचक छ । लन्डनमा हुर्केकी संगीता उनका सिनेमा हेरेपछि फ्यान बनेकी थिइन् । पछि उनीहरूबीच सम्बन्ध विकसित भई २५ अगस्ट १९९९ मा विवाह भएको हो । विवाहपछि संगीता उनको व्यक्तिगत डिजाइनरका रूपमा समेत सक्रिय रहिन् ।
फेब्रुअरी २०२४ मा विजयले औपचारिक रूपमा राजनीतिमा प्रवेश गर्दै टीभीके पार्टी घोषणा गरेका थिए। उनले २०२४ को लोकसभा चुनाव नलड्ने र २०२६ को विधानसभा चुनावमा केन्द्रित हुने बताएका थिए । साथै, राजनीतिमा पूर्ण रूपमा सक्रिय हुन अभिनय करिअर समेत त्याग्ने घोषणा गरेका थिए ।
उनको पार्टीको पहिलो ठूलो र्याली २७ अक्टोबर २०२४ मा विल्लुपुरम जिल्लाको विक्रवन्दीमा सम्पन्न भएको थियो, जहाँ ठूलो जनसहभागिता देखिएको थियो ।
यद्यपि, राजनीतिमा प्रवेशअघि परिवारभित्र पनि विवाद देखिएको थियो। उनका बुबाले अलग पार्टी गठन गरेपछि विजयले आफ्नो नाम राजनीतिक गतिविधिमा प्रयोग नगर्न कानुनी कदम समेत चालेका थिए ।
हालको चुनावी परिणामले विजयको राजनीतिक भविष्य बलियो बन्दै गएको संकेत गरेको छ । यदि यो अग्रता कायम रह्यो भने उनी तमिलनाडुको मुख्यमन्त्री बन्ने सम्भावना समेत चर्चा हुन थालेको छ ।
थप समाचारहरु
आज अन्तरराष्ट्रिय ज्याज दिवस मनाइँदै
सबैभन्दा बढी प्यूठानमा १०४.४ मिलिमिटर वर्षा
लागुऔषधसहित विभिन्न स्थानबाट १८ जना पक्राउ
सेवा प्रवाहमा देखिएका अवरोध हटाउन अध्यादेश ल्याइएको हो : सल्लाहकार शाह
अध्यादेशको प्रभाव: त्रिभुवन विश्वविद्यालयका पदाधिकारी राजीनामाको तयारीमा
सङ्क्रमणकालीन न्यायलाई छिटो निष्कर्षमा पुर्याउन सर्वोच्चको परमादेश
अफगानिस्तानको हेरातमा महिला उद्यमीलाई सशक्त बनाउन महिला बजारको सुरुवात
राहदानी सेवाग्राहीका घरमा पुर्याउँदै चितवन प्रशासन
रोल्पामा जीप दुर्घटना हुँदा १८ जनाको मृत्यु
आइसिसी विश्वकप क्रिकेट लिगः नेपालले ब्याटिङ गर्दै
सुकीलाई नजरबन्दमा सार्ने निर्णय, अन्तर्राष्ट्रिय छविमा केन्द्रित कदम
कामपाले दियो भूमि प्रशासन सेवा प्रदान
छुट्टाछुट्टै सवारी दुर्घटनामा आठ जनाको मृत्यु
चीनमा मे दिवसका दिन दुई करोड ४८ लाख रेल यात्रुलाई सेवा प्रदान
होर्मुज जलडमरूमध्यमा इरानको कडा निगरानी, जहाज आवागमन स्वीकृतिमा निर्भर
भरूवा बन्दुकसहित एक जना पक्राउ